ಕೋಲ್ಕತ್ತಾ: ಫೆಬ್ರವರಿ 22 ರ ಮಧ್ಯರಾತ್ರಿಯಿಂದ ಜಾರಿಗೆ ಬರುವಂತೆ ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ತೆರಿಗೆಗೆ ಲೀ 1 ರೂ ಕಡಿತಗೊಳಿಸುವಂತೆ ಬಂಗಾಳ ಸರ್ಕಾರ ಭಾನುವಾರ ಪ್ರಕಟಿಸಿದೆ.
ರಾಜ್ಯ ಹಣಕಾಸು ಸಚಿವ ಅಮಿತ್ ಮಿತ್ರಾ ಈ ಕ್ರಮವು ಹೆಚ್ಚುತ್ತಿರುವ ಇಂಧನದ ಬೆಲೆಯಿಂದ ಬಳಲುತ್ತಿರುವ ಜನರಿಗೆ ಸ್ವಲ್ಪ ಅನುಕೂಲ ನೀಡುತ್ತದೆ ಎಂದು ಹೇಳಿದರು.
ಕೇಂದ್ರವು ಪೆಟ್ರೋಲ್ನಿಂದ (ಫೆಬ್ರವರಿ 20 ರಂದು) ಪ್ರತಿ ಲೀಟರ್ಗೆ 32.90 ರೂ. ತೆರಿಗೆ ಪಡದರೆ , ರಾಜ್ಯಕ್ಕೆ ಕೇವಲ 18.46 ರೂ. ಮಾತ್ರ ದೊರೆತಿದೆ. ಡೀಸೆಲ್ ವಿಷಯದಲ್ಲಿ, ಕೇಂದ್ರ ಸರ್ಕಾರದ ಗಳಿಕೆ ಪ್ರತಿ ಲೀಟರ್ಗೆ 31.80 ರೂ., ರಾಜ್ಯಕ್ಕೆ ಸುಮಾರು 12.77 ರೂ. ಎಂದು “ಮಿತ್ರಾ ಹೇಳಿದರು.
ರಾಜ್ಯಗಳೊಂದಿಗೆ ಅಧಿಕಾರ ಹಂಚಿಕೆಯನ್ನು ತಪ್ಪಿಸಲು ಕೇಂದ್ರವು ಸೆಸ್ ವಿಧಿಸಿದೆ ಎಂದು ಅವರು ಆರೋಪಿಸಿದ ಅವರು ಇದು “ಫೆಡರಲಿಸಂನ ಗುಣಲಕ್ಷಣಗಳಿಗೆ ವಿರುದ್ಧವಾಗಿದೆ”ಕೇಂದ್ರ ಸರ್ಕಾರವು ಯೋಜನಾ ಆಯೋಗವನ್ನು ಪುನಃ ಪರಿಚಯಿಸಬೇಕು ಎಂದು ಹೇಳಿದರು.
ದೇಶಾದ್ಯಂತ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆಯನ್ನು ನಿರಂತರವಾಗಿ ಹೆಚ್ಚಿಸುವುದರ ವಿರುದ್ಧ ಆಡಳಿತಾರೂಢ ಟಿಎಂಸಿ ಶನಿವಾರ ಪ್ರತಿಭಟನಾ ಮೆರವಣಿಗೆ ನಡೆಸಿದ ಒಂದು ದಿನದ ನಂತರ ರಾಜ್ಯ ಸರ್ಕಾರದಿಂದ ಈ ನಿರ್ಧಾರ ಬಂದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ