ಬ್ರಿಟೀಷರನ್ನೇ ಓಡಿಸಿದ್ದೇವೆ ಮೋದಿ ಯಾವ ಲೆಕ್ಕ: ರಾಹುಲ್‌ ಗಾಂಧಿ

ಬ್ರಿಟೀಷರನ್ನೇ ಸೋಲಿಸಿದ್ದೇವೆ ಇನ್ನು ನರೇಂದ್ರ ಮೋದಿ ಯಾವ ಲೆಕ್ಕ ಎಂದು ಕಾಂಗ್ರೆಸ್‌ ಮುಖಂಡ ರಾಹುಲ್‌‌ ಗಾಂಧಿ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ತಿರುನಲ್ವೇಲಿಯಲ್ಲಿ ನಡೆದ ಸಂವಾದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಹಣದ ಪ್ರಭಾವ ಬಳಸಿ ದೇಶವನ್ನು ನಿಯಂತ್ರಿಸಲು ಹಾಗೂ ವಿರೋಧಿಗಳನ್ನು ಹಣಿಯಲು ಪ್ರಯತ್ನಿಸುತ್ತಿರುವವರ ವಿರುದ್ಧ ನಾವು ಹೋರಾಟ ಮಾಡುತ್ತಿದ್ದೇವೆ ಎಂದು ಹೇಳಿದ್ದಾರೆ.
ನಾವು ಈ ಹಿಂದೆಯೂ ಇಂಥ ಕೆಲಸ ಮಾಡಿದ್ದೇವೆ. ಬ್ರಿಟೀಷರನ್ನು ಮಣಿಸಿದ್ದೇವೆ. ಎ ಬ್ರಿಟೀಷರು ಮೋದಿಗಿಂತ ಹೆಚ್ಚಿನ ಶಕ್ತಿಶಾಲಿಗಳಾಗಿದ್ದರು. ಬ್ರಿಟೀಷರೊಂದಿಗೆ ಹೋಲಿಕೆ ಮಾಡಿದರೆ ಮೋದಿ ಏನೂ ಅಲ್ಲ ಎಂದಿದ್ದಾರೆ.
ದೇಶದ ಜನ ಅಂಥ ಬ್ರಿಟೀಷರನ್ನೇ ಓಡಿಸಿದ್ದಾರೆ. ಇನ್ನು ನರೇಂದ್ರ ಮೋದಿ ಯಾವ ಲೆಕ್ಕ? ಬ್ರಿಟೀಷರನ್ನು ಓಡಿಸಿದ ಹಾಗೆಯೇ ನರೇಂದ್ರ ಮೋದಿಯನ್ನು ನಾಗಪುರಕ್ಕೆ ಓಡಿಸಬೇಕಿದೆ ಎಂದು ಗುಡುಗಿದರು.
ಅಲ್ಲದೇ ಈ ಪ್ರಕ್ರಿಯೆಯನ್ನು ನಾವು ದ್ವೇಷ, ಕೋಪ ಹಾಗೂ ಹಿಂಸೆಯಿಂದ ಮಾಡುವುದಿಲ್ಲ ಎಂದ ರಾಹುಲ್‌ ಗಾಂಧಿ, ಅವರು ತಮಗೆ ತೋಚಿದ್ದನ್ನು ಮಾಡಲಿ. ಅವರು ನಮ್ಮನ್ನು ಹೀಯಾಳಿಸಬಹುದು, ಹಿಂಸಿಸಬಹುದು, ನಮ್ಮ ಮುಖಕ್ಕೆ ಉಗುಳಬಹುದು. ಆದರೆ ನಾವು ಅಂಥ ಕೆಲಸ ಮಾಡಬಾರದು ಎಂದು ಹೇಳಿದರು.

ಪ್ರಮುಖ ಸುದ್ದಿ :-   ಪ್ರತಿವರ್ಷ ಜೂನ್ 25ರಂದು ʼಸಂವಿಧಾನ ಹತ್ಯಾ ದಿವಸʼ ಆಚರಣೆ; ಅಮಿತ್ ಶಾ ಘೋಷಣೆ

0 / 5. 0

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement