ಕಿಲಿಮಾಂಜಿರೋ ಪರ್ವತವೇರಿದ ಆಂಧ್ರದ ೯ ವರ್ಷದ ಬಾಲಕಿ

ಆಂಧ್ರ ಪ್ರದೇಶದ ಗ್ರಾಮೀಣ ಭಾಗದ ಬಾಲಕಿಯೋರ್ವಳು ಕಿಲಿಮಾಂಜಿರೋ ಪರ್ವತವನ್ನು ಯಶಸ್ವಿಯಾಗಿ ಆರೋಹಣ ಮಾಡಿದ್ದಾಳೆ.
ಅನಂತಪುರದ ರಿತ್ವಿಕಾಶ್ರೀ ಪರ್ವತವನ್ನೇರಿದ ವಿಶ್ವದ ೨ನೇ ಕಿರಿಯ ವಯಸ್ಸಿನ ಹುಡುಗಿಯಾಗಿದ್ದಾಳೆ. ಏಷ್ಯಾದ ಮೊದಲ ಕಿರಿಯ ಹುಡುಗಿ ಎಂಬ ಶ್ರೇಯಕ್ಕೆ ಪಾತ್ರವಾಗಿದ್ದಾಳೆ. ತಾಂಜಾನಿಯಾದಲ್ಲಿರುವ ಪರ್ವತ ಆಫ್ರಿಕಾ ಖಂಡದ ಅತೀ ದೊಡ್ಡ ಪರ್ವತ ಶ್ರೇಣಿಯಾಗಿದೆ. ರಿತ್ವಿಕಾಶ್ರೀ ತನ್ನ ತಂದೆಯೊಂದಿಗೆ ಪರ್ವತ ಏರಿದ್ದಾಳೆ. ಸಮುದ್ರ ಮಟ್ಟದಿಂದ 5,681 ಮೀಟರ್ ಎತ್ತರದ ಗಿಲ್ಮನ್ ಪಾಯಿಂಟ್‌ ಆರೋಹಣ ಮಾಡಿದ್ದಾಳೆ.
ಅನಂತಪುರ ಜಿಲ್ಲಾಧಿಕಾರಿ ಗಾಂಧಮ್ ಚಂದ್ರಡು ಅವರು ರಿತ್ವಿಕಾಶ್ರೀ ಅವರ ಸಾಧನೆಯನ್ನು ಟ್ವಿಟ್ಟರ್ ಶ್ಲಾಘಿಸಿದ್ದಾರೆ.