ಮುಸ್ಲಿಂ ಸಂಪ್ರದಾಯದಲ್ಲಿ ವರನು ವಧುವಿಗೆ ವಧು ದಕ್ಷಿಣೆ ನೀಡುವ ಸಂಪ್ರದಾಯವಿದೆ. ಇದಕ್ಕೆ ಮೆಹರ್ ಎಂದು ಕರೆಯುತ್ತಾರೆ.ಆದರೆ ಪಶ್ಚಿಮ ಬಂಗಾಳದಲ್ಲಿ ನಡೆದ ಮುಸ್ಲಿಂ ವಿವಾಹವೊಂದರಲ್ಲಿ ವಧು ಮೆಹರ್ ಅಸಾಮಾನ್ಯ ಬೇಡಿಕೆ ಇಟ್ಟಿದ್ದಾಳೆ.
ಅವಳ ವಧು ದಕ್ಷಿಣೆ ರೂಪದಲ್ಲಿ 60 ಪುಸ್ತಕಗಳಿಗೆ ಬೇಡಿಕೆ ಇಡುವ ಮೂಲಕ ಗಮನಸೆಳೆದಿದ್ದಾಳೆ.
24 ವರ್ಷದ ಮೋಯ್ನಾ ಖಾತುನ್ ಮುರ್ಷಿಬಾದ್ನ ನಿವಾಸಿಯಾಗಿದ್ದಾಳೆ.ಈಕೆ ಕಲ್ಯಾಣಿ ವಿಶ್ವವಿದ್ಯಾಲಯದಲ್ಲಿ ಕಲಾ ವಿಭಾಗದಲ್ಲಿ ಪದವಿ ಪಡೆದಿದ್ದಾಳೆ. ಈಕೆ 24 ವರ್ಷದ ಭೂಗೋಳ ಶಾಸ್ತ್ರ ಪದವೀಧರ ಮಿಝಾನುರ್ ರೆಹಮಾನ್ ಜೊತೆ ಸೋಮವಾರ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾಳೆ.ಈಕೆ ಮೊದಲೇ ತನ್ನ ಪೋಷಕರ ಬಳಿ ತಾನು ಮೆಹರ್ ಅನ್ನು ರೂಪದಲ್ಲಿ ಪುಸ್ತಕಗಳನ್ನ ಕೇಳಲಿದ್ದೇನೆ ಎಂದು ಹೇಳಿದ್ದಳು.
ಆಕೆಗೆ ಸಾಂಪ್ರದಾಯಿಕ ವಧುದಕ್ಷಿಣೆಯಲ್ಲಿ ಯಾವುದೇ ಆಸಕ್ತಿ ಇರಲಿಲ್ಲ. ಮೊದಲು ಈಕೆಯ ಬೇಡಿಕೆ ಕೇಳಿ ಪೋಷಕರಿಗೆ ಶಾಕ್ ಆಗಿತ್ತು. ಆದರೆ ವರನ ಕುಟುಂಬಸ್ಥರು ಮಾತ್ರ ಖುಷಿಯಿಂದಲೇ ಮೊಯ್ನಾ ಬೇಡಿಕೆಯನ್ನ ಈಡೇರಿಸಲು ಒಪ್ಪಿದ್ದಾರೆ ಎಂದು ಮೊಯ್ನಾ ಕುಟುಂಬಸ್ಥರು ಹೇಳಿದ್ದಾರೆ. ಮೊಯ್ನಾ 60 ಪುಸ್ತಕಗಳನ್ನ ಕೇಳಿದರೆ ಆಕೆಯ ಗಂಡನ ಮನೆಯವರು ಅದಕ್ಕಿಂತಲೂ ಹೆಚ್ಚಿನ ಪುಸ್ತಕಗಳನ್ನ ಆಕೆಗೆ ಕೊಡಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ