ಆಘಾತಕಾರಿ ಘಟನೆಯೊಂದರಲ್ಲಿ, 12 ವರ್ಷದ ಬಾಲಕ ಸೀಮೆಎಣ್ಣೆ ಮತ್ತು ಲಿಟ್ ಮ್ಯಾಚ್‌ಸ್ಟಿಕ್ ಬಳಸಿ ಕೂದಲನ್ನು ನೇರಗೊಳಿಸಲು ಯತ್ನಿಸಿದ ಸಂದರ್ಭದಲ್ಲಿ ಬೆಂಕಿಹತ್ತಿಕೊಂಡು ಗಾಯಗೊಂಡು ಮೃತಪಟ್ಟ ಘಟನೆ ವರದಿಯಾಗಿದೆ.
ವರದಿಗಳ ಪ್ರಕಾರ, ಎಂಟನೇ ತರಗತಿಯಲ್ಲಿ ಓದುತ್ತಿದ್ದ ಬಾಲಕ ತನ್ನ ಕೂದಲಿಗೆ ಸೀಮೆಎಣ್ಣೆ ಹಚ್ಚಿ ಬೆಳಗಿದ ಬೆಂಕಿಕಡ್ಡಿ ಬಳಸಿ ಅದನ್ನು ನೇರಗೊಳಿಸಲು ಪ್ರಯತ್ನಿಸಿದ ನಂತರ ಮೃತಪಟ್ಟಿದ್ದಾನೆ. ತನ್ನ ಅಜ್ಜಿ ಮಾತ್ರ ಮನೆಯಲ್ಲಿದ್ದ ಸಮಯದಲ್ಲಿ ಹುಡುಗ ತನ್ನ ಮನೆಯ ಸ್ನಾನಗೃಹದೊಳಗೆ ಇಂತಹ ಪ್ರಯತ್ನಕ್ಕೆ ಮುಂದಾಗಿದ್ದು, ಈ ದುರ್ಘಟನೆ ಸಂಭವಿಸಿದೆ.
ವರದಿಗಳ ಪ್ರಕಾರ, ಮೃತ ಬಾಲಕನನ್ನು ತಿರುವನಂತಪುರಂನ ನಿವಾಸಿ ವೆಂಗನೂರಿನ ಪ್ರಕಾಶ್ ಅವರ ಮಗ ಶಿವನಾರಾಯಣನ್ ಎಂದು ಗುರುತಿಸಲಾಗಿದೆ. ಅವರು ವೆಂಗನೂರು ವಿಪಿಎಸ್ ಮಾಧ್ಯಮಿಕ ಶಾಲೆಯ ಏಳನೇ ತರಗತಿ ವಿದ್ಯಾರ್ಥಿ. ಯಾಗಿದ್ದರು.
ಬಾಲಕ ಸೋಷಿಯಲ್ ಮೀಡಿಯಾ ವ್ಯಸನಿಯಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಸ್ಪಿರಿಟ್‌ ಮತ್ತು ಬೆಂಕಿಯನ್ನು ಬಳಸಿ ಕೂದಲನ್ನು ನೇರಗೊಳಿಸುವ ವಿಡಿಯೊವನ್ನು ಯೂ ಟ್ಯೂಬ್‌ನಲ್ಲಿ ನೋಡಿದ ನಂತರ ತಾನೂ ಅದನ್ನು ಮಾಡಲು ಮುಂದಾದಾಗ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ. ಬಾಲಕನನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಅಲ್ಲಿ ಆತ ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ