ಚೆನ್ನೈ: ಕೇಂದ್ರದಲ್ಲಿ ಬಿಜೆಪಿ ನೇತೃತ್ವದ ಸರಕಾರದ ವಿರುದ್ಧ ಹೋರಾಡಲು ದೇಶಾದ್ಯಂತ ವಿರೋಧ ಪಕ್ಷಗಳನ್ನು ಒಗ್ಗೂಡಿಸಲು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನೇತೃತ್ವ ವಹಿಸಬೇಕು ಎಂದು ಡಿಎಂಕೆ ಮುಖ್ಯಸ್ಥ ಎಂ.ಕೆ. ಸ್ಟಾಲಿನ್ ಹೇಳಿದರು.
ಸೇಲಂನಲ್ಲಿ ನಡೆದ ಚುನಾವಣಾ ರ್ಯಾಲಿಯಲ್ಲಿ ಮಾತನಾಡಿ, ಈಗ ಫ್ಯಾಸಿಸ್ಟ್ ಸರ್ಕಾರದ ಹಿಡಿತದಲ್ಲಿ ಭಾರತ ನಾಶವಾಗುತ್ತಿದೆ. ಈ ಸಮಯದಲ್ಲಿ ಭಾರತವನ್ನು ರಕ್ಷಿಸುವ ಜವಾಬ್ದಾರಿ ನಿಮ್ಮ ಮೇಲಿದೆ. ಎಲ್ಲ ವಿರೋಧ ಪಕ್ಷಗಳನ್ನು ಒಗ್ಗೂಡಿಸಲು ರಾಹುಲ್ ನೇತೃತ್ವ ವಹಿಸುವುದು ಸೂಕ್ತ ಎಂದರು.
2019 ರ ಲೋಕಸಭಾ ಚುನಾವಣೆಗೆ ಪ್ರಧಾನಿ ಅಭ್ಯರ್ಥಿಯಾಗಿ ರಾಹುಲ್ ಹೆಸರನ್ನು ಮೊದಲು ಪ್ರಸ್ತಾಪಿಸಿದವರು ಸ್ಟಾಲಿನ್ ಎಂಬುದು ವಿಶೇಷ. ರಾಜ್ಯ ಚುನಾವಣೆಗೆ ಎಂಟು ದಿನಗಳು ಬಾಕಿ ಇರುವಾಗ, ಭಾನುವಾರ ಸೇಲಂನಲ್ಲಿ ನಡೆದ ರ್ಯಾಲಿಯಲ್ಲಿ ರಾಹುಲ್ ಮತ್ತು ಸ್ಟಾಲಿನ್ ವೇದಿಕೆಯನ್ನು ಹಂಚಿಕೊಂಡರು. ಮೈತ್ರಿಕೂಟದಲ್ಲಿ ಕಾಂಗ್ರೆಸ್ 25 ಸ್ಥಾನಗಳಲ್ಲಿ ಸ್ಪರ್ಧಿಸುತ್ತಿದ್ದರೆ, ಪಕ್ಷದ ನಾಯಕತ್ವವು ಅವುಗಳಲ್ಲಿ 15 ಸ್ಥಾನಗಳನ್ನು ಗೆಲ್ಲುವ ನಿರೀಕ್ಷೆಯಲ್ಲಿದೆ, 2016 ರಲ್ಲಿ ಭಿನ್ನವಾಗಿ ಕಾಂಗ್ರೆಸ್ ಡಿಎಂಕೆ ಮೈತ್ರಿಕೂಟದಲ್ಲಿ ಸ್ಪರ್ಧಿಸಿದ 41 ಸ್ಥಾನಗಳಲ್ಲಿ ಎಂಟರಲ್ಲಿ ಮಾತ್ರ ಗೆದ್ದಿತ್ತು.
ಕೇಂದ್ರದಲ್ಲಿ ಬಿಜೆಪಿ ಸರ್ಕಾರವು “ತಮಿಳು ಭಾಷಾ ಸಂಸ್ಕೃತಿ ಮತ್ತು ಇತಿಹಾಸದ ಮೇಲೆ ಪೂರ್ಣ ಪ್ರಮಾಣದ ದಾಳಿಗೆ ಸಾಕ್ಷಿಯಾಗಿದೆ ಎಂದು ರಾಹುಲ್ ಗಾಂಧಿ ಹೇಳಿದರು.
ಇಂದು ನಾವು ಎಲ್ಲೆಡೆ ಮುಖವಾಡಗಳನ್ನು ಧರಿಸುತ್ತೇವೆ. ನೀವು ಮುಖವಾಡವನ್ನು ಧರಿಸಿದಾಗ, ಅದನ್ನು ಗುರುತಿಸುವುದು ಕಷ್ಟ. ಎಐಎಡಿಎಂಕೆ ಬಗ್ಗೆ ಎಚ್ಚರವಿರಲಿ, ಇದು ಹಳೆಯ ಎಐಎಡಿಎಂಕೆ ಅಲ್ಲ, ದಯವಿಟ್ಟು ಗೊಂದಲಗೊಳ್ಳಬೇಡಿ. ಎಐಎಡಿಎಂಕೆ ಮುಖವಾಡವನ್ನು ತೆಗೆದರೆ ಆರ್ಎಸ್ಎಸ್ ಮತ್ತು ಬಿಜೆಪಿ ಮುಖವಾಡ ಇರುವುದನ್ನು ನೀವು ಕಾಣಬಹುದು ಎಂದು ನುಡಿದರು.
ನಿಮ್ಮ ಕಾಮೆಂಟ್ ಬರೆಯಿರಿ