ಚೆಕ್ಬೌನ್ಸ್ ಪ್ರಕರಣದಲ್ಲಿ ದಕ್ಷಿಣ ಭಾರತದ ಖ್ಯಾತ ನಟ ಶರತ್ ಕುಮಾರ್ ಮತ್ತು ಪತ್ನಿ, ನಟಿ ರಾಧಿಕಾ ಶರತ್ಕುಮಾರ್ ಅವರಿಗೆ ಬುಧವಾರ ಒಂದು ವರ್ಷ ಜೈಲು ಶಿಕ್ಷೆ ವಿಧಿಸಿ ಚೆನ್ನೈನ ವಿಶೇಷ ನ್ಯಾಯಾಲಯ ಆದೇಶ ನೀಡಿದೆ.
ಈ ತಾರಾದಂಪತಿ ವಿರುದ್ದ ಬಾಕಿ ಇದ್ದ ಎರಡು ಚೆಕ್ಬೌನ್ಸ್ ಪ್ರಕರಣಗಳಲ್ಲಿನ ಕ್ರಿಮಿನಲ್ ಮೊಕದ್ದಮೆ ರದ್ದುಗೊಳಿಸಲು 2019ರಲ್ಲಿ ಮದ್ರಾಸ್ ಹೈ ಕೋರ್ಟ್ ನಿರಾಕರಿಸಿತ್ತು. ಈ ಪ್ರಕರಣಗಳ ವಿಚಾರಣೆ ನಡೆಸಿದ ನ್ಯಾಯಾಲಯ ತಾರಾ ದಂಪತಿಗೆ ಒಂದು ವರ್ಷ ಸಜೆ ವಿಧಿಸಿ ಆದೇಶ ನೀಡಿದೆ.
2014ರಲ್ಲಿ ಶರತ್ ಕುಮಾರ್ ಮತ್ತು ರಾಧಿಕಾ ಪಾಲುದಾರಿಕೆಯ ಮ್ಯಾಜಿಕ್ ಫ್ರೇಂ ಸಂಸ್ಥೆಯು ವಿಕ್ರಂ ಪ್ರಭು ಮತ್ತು ಕೀರ್ತಿ ಸುರೇಶ್ ನಟನೆಯಲ್ಲಿ ವಾಟ್ ಎ ಮ್ಯಾಜಿಕ್ ಎಂಬ ಚಿತ್ರ ನಿರ್ಮಾಣಕ್ಕೆ ಮುಂದಾಗಿದ್ದರು. ರೆಡಿಯನ್ಸ್ ಎಂಬ ಮೀಡಿಯಾ ಫೈನಾನ್ಸ್ ಕಂಪನಿಯಿಂದ ಇವರಿಬ್ಬರು ಮಾಜ್ಯಿಕ್ ಪ್ರೇಮ್ಸ್ ಎಂಬ ಕಂಪನಿಗಾಗಿ 1. 5 ಕೋಟಿ ರೂ. ಹಣ ಸಾಲ ಪಡೆದಿದ್ದರು. 2015ರಲ್ಲಿ ಮರಳಿಸುವುದಾಗಿ ಹೇಳಿದ್ದರು. ಆದರೆಈ ದಂಪತಿ ಮಾತು ತಪ್ಪಿದ್ದರು. ಈ ಹಣ ಬಳಸಿಕೊಂಡು ಈ ತಾರಾ ದಂಪತಿ ಮತ್ತೊಂದು ಚಿತ್ರ ನಿರ್ಮಾಣ ಮಾಡಿದ್ದರು. ಬಳಿಕ ಈ ಹಣವನ್ನು ಎರಡು ಚೆಕ್ ಮೂಲಕ ಹಿಂತಿರುಗಿಸಿದ್ದರು.
, ಈ ಚೆಕ್ಗಳು ಬೌನ್ಸ್ ಆಗಿತ್ತು. ಇದಾದ ಬಳಿಕ ರೇಡಿಯನ್ಸ್ ಸಂಸ್ಥೆ ಮ್ಯಾಜಿಕ್ ಫ್ರೇಮ್ಸ್ ಸಂಸ್ಥೆ ಚೆಕ್ ಬೌನ್ಸ್ ಆರೋಪದ ಅಡಿ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿತ್ತು. ಈ ವೇಳೆ ಬಡ್ಡಿ ಹೆಚ್ಚಿರುವ ಕಾರಣ ಹಣವನ್ನು ತಕ್ಷಣಕ್ಕೆ ಮರು ಪಾವತಿಸಲು ಸಾಧ್ಯವಿಲ್ಲ ಎಂದು ಮ್ಯಾಜಿಕ್ ಫ್ರೇಮ್ಸ್ ಸಂಸ್ಥೆ ವಾದಿಸಿತು. ಸಾಲ ಮರುಪಾವತಿಗೆ ಚೆಕ್ ನೀಡಿದ ಬಳಿಕವೂ ಅದು ಬೌನ್ಸ್ ಆಗಿತ್ತು. ಈ ಆರೋಪದ ಹಿನ್ನಲೆ ಈ ದಂಪತಿ ಹಾಗೂ ನಿರ್ಮಾಪಕ ಲಿಸ್ಟಿನ್ ಸ್ಟೇಪನ್‌ ಅವರಿಗೆ ನ್ಯಾಯಾಲಯ ಜೈಲು ಶಿಕ್ಷೆ ವಿಧಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ