ಮುಂಬೈ,: ನಾನು ಸತ್ತಿಲ್ಲ ಬದುಕಿದ್ದೇನೆ. ನನ್ನ ಸಾವಿನ ಬಗ್ಗೆ ಇಲ್ಲ ಸಲ್ಲದ ಸುದ್ದಿ ಮಾಡಬೇಡಿ ಎಂದು ಲೋಕಸಭೆ ಮಾಜಿ ಸ್ಪೀಕರ್ ಸುಮಿತ್ರಾ ಮಹಾಜನ್ ಮನವಿ ಮಾಡಿದ್ದಾರೆ.
ಕಾಂಗ್ರೆಸ್ ನಾಯಕ ಶಶಿ ತರೂರ್ ಅವರು ನಿನ್ನೆ ರಾತ್ರಿ ಮಹಾಜನ್ ಅವರಿಗೆ ಟ್ವಟರಿನಲ್ಲಿ ಶ್ರದ್ದಾಂಜಲಿ ಸಲ್ಲಿಸಿದ್ದರು. ಇದರ ಜತೆಗೆ ಕೆಲ ಮಾಧ್ಯಮಗಳು ಅವರ ಸಾವಿನ ಸುದ್ದಿ ಬಿತ್ತರಿಸಿದ್ದವು.
ತಮ್ಮ ತಪ್ಪಿನ ಅರಿವಾಗುತ್ತಿದ್ದಂತೆ ತರೂರ್ ತಮ್ಮ ಟ್ವಿಟ್ರಿನ ಫೋಸ್ಟ್ ಡಿಲೀಟ್ ಮಾಡಿದ್ದರು. ನಾನು ಏನು ಮಾಡಲಿ. ಸಾವಿನ ಸುದ್ದಿ ಬಗ್ಗೆ ಖಾತರಿಪಡಿಸಿಕೊಳ್ಳದೆ ಕೆಲವರು ವರದಿ ಮಾಡುತ್ತಾರೆ. ಇಂದೋರ್‌ ಜಿಲ್ಲಾಡಳಿತದವರನ್ನ ಸಂಪರ್ಕಿಸಿ ನಾನು ಬದುಕಿದ್ದೇನೋ ಇಲ್ಲವೋ ಎಂದು ಖಚಿತಪಡಿಸಿಕೊಳ್ಳಬೇಕಿತ್ತು ಎಂದು ಸುಮಿತ್ರಾ ಮಹಾಜನ್ ಹೇಳಿಕೆ ನೀಡಿರುವ ಧ್ವನಿಮುದ್ರಿಕೆ ಬಿಡುಗಡೆಯಾಗಿದೆ.
ಲೋಕಸಭೆಯ ಮಾಜಿ ಸ್ಪೀಕರ್ ಸುಮಿತ್ರಾ ಮಹಾಜನ್ ಆರೋಗ್ಯ ‘ಸಂಪೂರ್ಣವಾಗಿ ಉತ್ತಮವಾಗಿದೆ’ ಎಂದು ಬಿಜೆಪಿ ತಿಳಿಸಿದೆ.
ಕಾಂಗ್ರೆಸ್ ಸಂಸದ ಶಶಿ ತರೂರ್ ಗುರುವಾರ ರಾತ್ರಿ ತಪ್ಪಾಗಿ ತಮ್ಮ ಕುಟುಂಬಕ್ಕೆ ಸಂತಾಪ ಸಂದೇಶ ಕಳುಹಿಸಿದ್ದಾರೆ ಎಂದು ಬಿಜೆಪಿ ಹೇಳಿದೆ. ಕೇರಳದ ತಿರುವನಂತಪುರಂನ ಕಾಂಗ್ರೆಸ್ ಸಂಸದ ಶಶಿ ತರೂರ್ ನಂತರ ತಮ್ಮ ಟ್ವೀಟ್ ಹಿಂತೆಗೆದುಕೊಂಡು ಕ್ಷಮೆಯಾಚಿಸಿದ್ದಾರೆ.
ಗುರುವಾರ ರಾತ್ರಿ 11.16 ಕ್ಕೆ ಮಾಡಿದ ಟ್ವೀಟ್‌ನಲ್ಲಿ ಶಶಿ ತರೂರ್, “ಮಾಜಿ ಲೋಕಸಭಾ ಸ್ಪೀಕರ್ ಸುಮಿತ್ರಾ ಮಜಹಾನ್ ಅವರ ನಿಧನದ ಬಗ್ಗೆ ತಿಳಿದು ಬೇಸರವಾಗಿದೆ” ಎಂದು ಹೇಳಿದ್ದರು.
ಮಾಸ್ಕೋದಲ್ಲಿ ಬ್ರಿಕ್ಸ್ಗೆ ಸಂಸದೀಯ ನಿಯೋಗವನ್ನು ಮುನ್ನಡೆಸಲು ಅವಳು ಮತ್ತು ದಿವಂಗತ ಸುಷ್ಮಾ ಸ್ವರಾಜ್ ತನ್ನನ್ನು ಕೇಳಿದ್ದು ಸೇರಿದಂತೆ ಅವರೊಂದಿಗಿನ ಅನೇಕ ಸಕಾರಾತ್ಮಕ ಸಂವಹನಗಳನ್ನು ನಾನು ನೆನಪಿಸಿಕೊಳ್ಳುತ್ತೇನೆ. ಅವರ ಕುಟುಂಬ ಮತ್ತು ಪ್ರಾರ್ಥನೆಗಳಿಗೆ ನನ್ನ ಸಂತಾಪ: ಓಂ ಶಾಂತಿ!” ಶಶಿ ತರೂರ್ ಬರೆದಿದ್ದರು.
ನಂತರ ಕಾಂಗ್ರೆಸ್ ಸಂಸದ ಶಶಿ ತರೂರ್ ಅವರು ಅದನ್ನು ಡಿಲೀಟ್ ಮಾಡಿದ್ದಾರೆ.
ಹಿರಿಯ ಬಿಜೆಪಿ ಮುಖಂಡ ಸುಮಿತ್ರಾ ಮಹಾಜನ್ ಆರೋಗ್ಯವಾಗಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಗಮನಸೆಳೆದಾಗ, ಶಶಿ ತರೂರ್ ತಮ್ಮ ಟ್ವೀಟ್ ಅನ್ನು ಹಿಂತೆಗೆದುಕೊಂಡಿದ್ದಾರೆ. “ಅದು ಹಾಗಿದ್ದರೆ ನನಗೆ ನಿರಾಳವಾಗಿದೆ” ಎಂದು ಅವರು ಟ್ವಿಟ್ಟರ್ನಲ್ಲಿ ಹೇಳಿದ್ದಾರೆ.
ಶಶಿ ತರೂರ್ ಅವರ ಟ್ವೀಟ್ ಬಗ್ಗೆ ಪ್ರತಿಕ್ರಿಯಿಸಿದ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಕೈಲಾಶ್ ವಿಜಯವರ್ಗಿಯಾ ಸುಮಿತ್ರಾ ಮಹಾಜನ್ “ಸಂಪೂರ್ಣವಾಗಿ ಆರೋಗ್ಯವಾಗಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ