ಕನ್ನಡದ ಹಿರಿಯ ನಟ ಶಂಖನಾದ ಅರವಿಂದ್ ಕೊರೊನಾ ಸೋಂಕಿಗೆ ಸಾವು

ಬೆಂಗಳೂರು; ಕನ್ನಡದ ಹಿರಿಯ ನಟ ಶಂಖನಾದ ಅರವಿಂದ್ ಅವರು ಕೊರೊನಾ ಸೋಂಕಿಗೆ ಮೇ 7 ರ ಶುಕ್ರವಾರ ಮೃತಪಟ್ಟಿದ್ದಾರೆ.
ಕಳೆದ ಹತ್ತು ದಿನಗಳಿಂದ ಬೆಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರ ವಯಸ್ಸು 70.
ಕನ್ನಡ ಚಿತ್ರರಂಗವು ಕಳೆದ ಎರಡು ವಾರಗಳಲ್ಲಿ ಒಂದು ಡಜನ್‌ಗೂ ಹೆಚ್ಚು ನಟರು ಮತ್ತು ನಿರ್ದೇಶಕರನ್ನು ಕಳೆದುಕೊಂಡಿದೆ.
ಶಂಖನಾದ ಅರವಿಂದ್ 10 ದಿನಗಳ ಹಿಂದೆ ಈ ವೈರಸ್‌ಗೆ ತುತ್ತಾಗಿ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಆದರೆ, ಮೇ 7 ರಂದು ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾರೆ.
ನಟ ಶಂಖನಾದ ಅರವಿಂದ್ ವೃತ್ತಿಜೀವನ:
ಅರವಿಂದ ಅವರ ಕೆಲವು ಜನಪ್ರಿಯ ಚಿತ್ರಗಳಾದ ಬೆಟ್ಟದ ಹೂವು, ಅನುಭವ, ಆಗಂತುಕ, ಜ್ಞಾನ ಗಂಗೆ, ಇತ್ಯಾದಿ ಸಿನೆಮಾಗಳು ಸೇರಿದಂತೆ ಇನ್ನೂರಕ್ಕೆ ಹೆಚ್ಚು ಚಲನಚಿತ್ರಗಳಲ್ಲಿ ನಟಿಸಿದ್ದರು. ದಿವಂಗತ ನಟ ಕಾಶಿನಾಥ್ ಅವರೊಂದಿಗೆ ನಟ ಉತ್ತಮ ಸೌಹಾರ್ದ ಹಂಚಿಕೊಂಡಿದ್ದಾರೆ.
ಕನ್ನಡ ಚಿತ್ರ ಶಂಕನಾದದಲ್ಲಿ, ಅರವಿಂದ್ ಶಂಖ ಊದುವವನ ಪಾತ್ರವನ್ನು ನಿರ್ವಹಿಸಿದ್ದು, ಇದು ಅವರನ್ನು ಖ್ಯಾತಿಗೆ ತಂದುಕೊಟ್ಟಿತು. ಚಿತ್ರದ ಯಶಸ್ಸಿನ ನಂತರ ಅವರ ಹೆಸರಿಗೆ ‘ಶಂಖನಾದ ‘ ಎಂದು ಸೇರಿಸಿಕೊಂಡಿದ್ದರು. ಅದೇ ರೀತಿ, ಬೆಟ್ಟದ ಹೂವು ಚಿತ್ರದಲ್ಲಿನ ಅಭಿನಯಕ್ಕಾಗಿ ಅವರು ಮೆಚ್ಚುಗೆ ಪಡೆದರು, ಇದರಲ್ಲಿ ಅವರು ಯುವ ಪುನೀತ್ ರಾಜ್‌ಕುಮಾರ್ ಅವರೊಂದಿಗೆ ನಟಿಸಿದ್ದಾರೆ.
ಶಂಖನಾದ ಅರವಿಂದ್ ಹೆಚ್ಚಾಗಿ ಹಾಸ್ಯ ಪಾತ್ರಗಳನ್ನು ಮಾಡಿದರು. ಅವರು ತಮ್ಮ ವೃತ್ತಿಜೀವನದಲ್ಲಿ 200 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಪೋಷಕ ಕಲಾವಿದರಾಗಿ ನಟಿಸಿದ್ದಾರೆ.