ಆಘಾತಕಾರಿ ಘಟನೆಯೊಂದರಲ್ಲಿ, ತ್ರಿವರ್ಣವನ್ನು ಊಟದ ಮೇಜಿನ ಬಟ್ಟೆಯಾಗಿ ಬಳಸಿ ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡಿದ ಸಂಬಂಧ ಅಸ್ಸಾಂನ ಬೊಂಗೈಗಾಂವದ ಕುಟುಂಬವೊಂದರ ಆರು ಜನರನ್ನು ಬಂಧಿಸಲಾಗಿದೆ ಎಂದು ಒಪಿಇಂಡಿಯಾ ವರದಿ ಮಾಡಿದೆ.
ವರದಿ ಪ್ರಕಾರ, ಅಸ್ಸಾಂ ತೆಂಗ್ನಮರಿ ಗ್ರಾಮದ ನಿವಾಸಿ ರೆಜಿನಾ ಪರ್ವಿನ್ ಸುಲ್ತಾನಾ ಅವರ ಈದ್ ಆಚರಣೆ ಸಂದರ್ಭದಲ್ಲಿ ಕುಟುಂಬಕ್ಕೆ ಊಟ ಬಡಿಸುವ ಈ ಚಿತ್ರ ಅಂತರ್ಜಾಲದಲ್ಲಿ ವೈರಲ್ ಆಗಿದೆ. ಚಿತ್ರದಲ್ಲಿ, ಕುಟುಂಬವು ತಮ್ಮ ನಿವಾಸದಲ್ಲಿ ತ್ರಿವರ್ಣವನ್ನು ಊಟದ ಬಟ್ಟೆಯಾಗಿ ಬಳಸಿದ್ದನ್ನು ಕಾಣಬಹುದು. ಕುಟುಂಬವು ಭಾರತೀಯ ಧ್ವಜ ಟೇಬಲ್ಲಿಗೆ ಹಾಸಿ ಅದರ ಮೇಲೆ ಊಟ ಮಾಡುತ್ತಿರುವುದು ಚಿತ್ರದಲ್ಲಿ ಕಾಣುತ್ತದೆ.
ಹಲವಾರು ಜನರು ಸಾಮಾಜಿಕ ಮಾಧ್ಯಮಗಳಲ್ಲಿ ಈ ಘಟನೆಯನ್ನು ವರದಿ ಮಾಡಿದ್ದಾರೆ ಮತ್ತು ತ್ರಿವರ್ಣಕ್ಕೆ ಅಗೌರವ ತೋರಿದ ಕಾರಣ ಕುಟುಂಬದ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಅಸ್ಸಾಂ ಪೊಲೀಸರನ್ನು ಟ್ಯಾಗ್ ಮಾಡಿದ್ದಾರೆ.
ದೂರನ್ನು ಗಮನಿಸಿದ ಅಸ್ಸಾಂ ಪೊಲೀಸರು ಅಪರಾಧಿಗಳ ವಿರುದ್ಧ ಕ್ರಮ ಕೈಗೊಂಡಿದ್ದಾರೆ. ಭಾರತೀಯ ರಾಷ್ಟ್ರೀಯ ಧ್ವಜವನ್ನು ಅವಮಾನಿಸಿದ್ದಕ್ಕಾಗಿ ಬೊಂಗೈಗಾಂವ್ ಪೊಲೀಸರು ಈಗ ಮುಸ್ಲಿಂ ಕುಟುಂಬವನ್ನು ವಶಕ್ಕೆ ಪಡೆದಿದ್ದಾರೆ.
ಭಾರತೀಯ ಧ್ವಜದ ಮೇಲೆ ಈದ್ ಊಟದ ಭೋಜನಕ್ಕೆ ರೆಜಿನಾ ಪರ್ವಿನ್ ಸುಲ್ತಾನಾ ಮತ್ತು ಕುಟುಂಬದ ಇತರ ಐವರು ವಿರುದ್ಧ ಪ್ರಕರಣ ದಾಖಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ