ಬೆಂಗಳೂರು: ಸಿಸಿಐ ತನಿಖೆ ವಿರುದ್ಧ ಅಮೆಜಾನ್ ಹಾಗೂ ಫ್ಲಿಪ್ಕಾರ್ಟ್ ಸಲ್ಲಿಸಿದ್ದ ರಿಟ್ ಅರ್ಜಿಯನ್ನು ಕರ್ನಾಟಕ ಹೈ ಕೋರ್ಟ್ ವಜಾಗೊಳಿಸಿದೆ.
ಇದರೊಂದಿಗೆ ಭಾರತದ ಅತೀ ದೊಡ್ಡ ಇ-ಕಾಮರ್ಸ್ ಕಂಪನಿಗಳಿಗೆ ಹಿನ್ನಡೆಯಾಗಿದೆ.
ಸ್ಪರ್ಧೆ ಕಾನೂನುಗಳನ್ನು ಉಲ್ಲಂಘಿಸಿದ ಆರೋಪದ ಮೇಲೆ ಭಾರತ ಸ್ಪರ್ಧಾ ಆಯೋಗ ತನಿಖೆಗೆ ನೀಡಿದ ಆದೇಶಕ್ಕೆ ಸಂಬಂಧಿಸಿದಂತೆ ಅಮೆಜಾನ್ ಮತ್ತು ಫ್ಲಿಪ್ಕಾರ್ಟ್ ರಿಟ್ ಅರ್ಜಿ ಸಲ್ಲಿಸಿದ್ದವು. ಆದರೆ ಕರ್ನಾಟಕ ಹೈಕೋರ್ಟ್ ಶುಕ್ರವಾರ ಈ ಅರ್ಜಿಯನ್ನು ವಜಾ ಮಾಡಿದೆ. ನ್ಯಾಯಮೂರ್ತಿ ದಿನೇಶ್ ಕುಮಾರ್ ಈ ಎರಡು ಕಂಪನಿಗಳು ಸಲ್ಲಿಸಿದ್ದ ಅರ್ಜಿಯನ್ನು ವಜಾಗೊಳಿಸಿ ಆದೇಶಿಸಿದ್ದಾರೆ.
ರಿಟ್ನಲ್ಲಿ ಅರ್ಜಿದಾರರು ಎತ್ತಿದ ಸಮಸ್ಯೆಗಳನ್ನು ಈ ಹಂತದಲ್ಲಿ ಪೂರ್ವಾಗ್ರಹದಿಂದ ನೋಡುವುದು ಹಾಗೂ ತನಿಖೆ ತಡೆಯುವುದು ಅವಿವೇಕದ ಸಂಗತಿಯಾಗಲಿದೆ ಎಂದು ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ.
2020ರ ಜನವರಿ 13ರಂದು ಫ್ಲಿಪ್ಕಾರ್ಟ್ ಮತ್ತು ಅಮೆಜಾನ್ ಉದ್ಯಮ ನಡೆಸುವ ರೀತಿಯು ಸರಿಯಲ್ಲ ಎಂಬ ಆರೋಪ ಕೇಳಿಬಂದಿತ್ತು. ಹೆಚ್ಚಿನ ರಿಯಾಯಿತಿಗಳು ಹಾಗೂ ತಮ್ಮ ಫ್ಲಾಟ್ಪಾರ್ಮ್ನಲ್ಲಿ ಕೆಲವೇ ಮಾರಾಟಗಾರರ ಜೊತೆ ಕೈ ಜೋಡಿಸುತ್ತಿದೆ ಎಂದು ಸಿಸಿಐ ತನಿಖೆಗೆ ಆದೇಶಿಸಿತ್ತು.
ಜನವರಿ 13, 2020 ರಂದು, ನ್ಯಾಯಯುತ ವ್ಯಾಪಾರ ನಿಯಂತ್ರಕ ಸಿಸಿಐ ಫ್ಲಿಪ್ಕಾರ್ಟ್ ಮತ್ತು ಅಮೆಜಾನ್ ವಿರುದ್ಧ ತಮ್ಮ ಪ್ಲ್ಯಾಟ್‌ಫಾರ್ಮ್‌ಗಳಲ್ಲಿ ಆಳವಾದ ರಿಯಾಯಿತಿ ಮತ್ತು ಆದ್ಯತೆಯ ಮಾರಾಟಗಾರರೊಂದಿಗೆ ಹೊಂದಾಣಿಕೆ ಸೇರಿದಂತೆ ದುಷ್ಕೃತ್ಯಗಳಿಗಾಗಿ ತನಿಖೆಗೆ ಆದೇಶಿಸಿತು, ಅದರ ನಂತರ ಎರಡೂ ಕಂಪನಿಗಳು ತನಿಖೆಯನ್ನು ರದ್ದುಗೊಳಿಸುವಂತೆ ಕೋರಿ ಆದೇಶ.ಹೈಕೋರ್ಟ್‌ಗೆ ಮೊರೆ ಹೋಗಿದ್ದವು
ಸಿಸಿಐ ಆದೇಶಿಸಿದ ತನಿಖೆಗೆ ಕರ್ನಾಟಕ ಹೈಕೋರ್ಟ್ 2020 ರ ಫೆಬ್ರವರಿ 14 ರಂದು ಮಧ್ಯಂತರ ತಡೆಯಾಜ್ಞೆ ನೀಡಿತು. ಇದರ ಬೆನ್ನಲ್ಲೇ, ಸಿಸಿಐ ಸುಪ್ರೀಂ ಕೋರ್ಟ್‌ಗೆ ಮೊರೆ ಹೋಗಿದ್ದು, 2020 ರ ಅಕ್ಟೋಬರ್ 26 ರಂದು ಹೈಕೋರ್ಟ್‌ನನ್ನು ಸಂಪರ್ಕಿಸುವಂತೆ ಹೇಳಿತ್ತು.
ಸಿಸಿಐನ ಜನವರಿ 2020 ರ ತನಿಖಾ ಆದೇಶವು ದೆಹಲಿ ವ್ಯಾಪಾರ ಮಹಾಸಂಘ ಸಲ್ಲಿಸಿದ ದೂರಿನ ನಂತರ, ಅವರ ಸದಸ್ಯರು ಸ್ಮಾರ್ಟ್ ಫೋನ್ ಮತ್ತು ಸಂಬಂಧಿತ ಪರಿಕರಗಳಲ್ಲಿ ವ್ಯವಹರಿಸುವ ಅನೇಕ ವ್ಯಾಪಾರಿಗಳನ್ನು ಒಳಗೊಂಡಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ