ಎಲ್‌ಜೆಪಿ ಪಕ್ಷದ ಬಿಕ್ಕಟ್ಟು ತಾರಕಕ್ಕೆ: ಐವರು ಬಂಡಾಯ ಸಂಸದರ ಅಮಾನತು ಮಾಡಿದ ಚಿರಾಗ್ ಪಾಸ್ವಾನ್

ನವದೆಹಲಿ:ಲೋಕ ಜನಶಕ್ತಿ ಪಕ್ಷದ ನಾಯಕ ಚಿರಾಗ್ ಪಾಸ್ವಾನ್ ಅವರು ಐದು ಬಂಡಾಯ ಸಂಸತ್ ಸದಸ್ಯರನ್ನು ಲೋಕ ಜನಶಕ್ತಿ ಪಕ್ಷದಿಂದ ಅಮಾನತುಗೊಳಿಸಿದ್ದಾರೆ.
ಈ ಐವರು ಸಂಸದರು ದಿವಂಗತ ರಾಮವಿಲಾಸ ಪಾಸ್ವಾನ್‌ ಅವರ ಪುತ್ರ ಚಿರಾಗ ಪಾಸ್ವಾನ್‌ ಅವರ ಬದಲಿಗೆ ಪಕ್ಷದ ಸಂಸದೀಯ ನಾಯಕರನ್ನಾಗಿ ಅವರ ಚಿಕ್ಕಪ್ಪ ಪಶುಪತಿ ಪರಾಸ್ ಅವರನ್ನು ನೇಮಕ ಮಾಡಿದ್ದಾರೆ. ಐವರು ಸಂಸದರಾದ ಪಶುಪತಿ ಪರಾಸ್, ಪ್ರಿನ್ಸ್ ರಾಜ್, ಚಂದನ್ ಸಿಂಗ್, ವೀಣಾ ದೇವಿ ಮತ್ತು ಮೆಹಬೂಬ್ ಅಲಿ ಕೇಶರ್ ಅವರು ಚಿರಾಗ್‌ ಪಾಸ್ವಾನ್‌ ವಿರುದ್ಧ ತಿರುಗಿ ಬಿದ್ದಿದ್ದಾರೆ.
ಎಲ್‌ಜೆಪಿ ಪಕ್ಷದ ರಾಷ್ಟ್ರೀಯ ಕಾರ್ಯಕಾರಿಣಿಯ ಸಭೆ ನಡೆಯಿತು; ಐವರು ಸಂಸದರಿಗೆ ನೋಟಿಸ್ ನೀಡಲಾಯಿತು ಆದರೆ ಅವರು ಉತ್ತರಿಸದ ನಂತರ ಅವರನ್ನು ಅಮಾನತುಗೊಳಿಸಲಾಗಿದೆ ಎಂದು ತಿಳಿಸಲಾಗಿದೆ.
ಸಂಸದ ಮತ್ತು ಎಲ್‌ಜೆಪಿ ಮುಖಂಡ ಚಿರಾಗ್ ಪಾಸ್ವಾನ್ ಅವರು ಬುಧವಾರ ಮಧ್ಯಾಹ್ನ 1 ಗಂಟೆಗೆ ಈ ಎಲ್ಲ ಸಮಸ್ಯೆಗಳ ಕುರಿತು ಪತ್ರಿಕಾಗೋಷ್ಠಿ ನಡೆಸಲಿದ್ದಾರೆ ಎಂದು ಪಕ್ಷವು ತಿಳಿಸಿದೆ.
ಪಕ್ಷದ ಅಧ್ಯಕ್ಷರನ್ನು ಲೋಕಸಭೆಯಲ್ಲಿ ಪಕ್ಷದ ಸಂಸದೀಯ ನಾಯಕನ ಸ್ಥಾನದಿಂದ ತೆಗೆದು ಹಾಕಲಾಗಿದೆ ಎಂಬ ಸುದ್ದಿ ಹೊರಬಿದ್ದ ನಂತರ ನಂತರ ಈ ಮಾಹಿತಿ ಬಂದಿದೆ. ಸೂರಜ್ ಭಾನ್ ಅವರನ್ನು ಎಲ್‌ಜೆಪಿಯ ಹೊಸ ಕಾರ್ಯಕಾರಿ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗಿದೆ ಎಂದು ವರದಿಯಾಗಿದೆ. ಐದು ದಿನಗಳಲ್ಲಿ ಹೊಸ ಅಧ್ಯಕ್ಷರಿಗೆ ಚುನಾವಣೆ ನಡೆಸಲು ಅವರನ್ನು ಕೇಳಲಾಗಿತ್ತು.
ಏತನ್ಮಧ್ಯೆ, ಪಾಸ್ವಾನ್ ಅವರ ಬೆಂಬಲಿಗರು ಪಾಟ್ನಾದ ಎಲ್‌ಜೆಪಿ ಕಚೇರಿಗೆ ನುಗ್ಗಿ ಪರಾಸ್ ಮತ್ತು ಇತರ ಬಂಡಾಯ ಸಂಸದರ ವಿರುದ್ಧ ಘೋಷಣೆಗಳನ್ನು ಕೂಗಿದರು.
ವಾರಾಂತ್ಯದಲ್ಲಿ, ಲೋಕಸಭೆಯ ಆರು ಪಕ್ಷದ ಸಂಸದರಲ್ಲಿ ಐವರು ಪಕ್ಷದ ಮುಖ್ಯಸ್ಥ ಚಿರಾಗ್ ಪಾಸ್ವಾನ್ ವಿರುದ್ಧ ದಂಗೆ ಎದ್ದರು. ಭಿನ್ನಮತೀಯ ನಾಯಕರ ನೇತೃತ್ವವನ್ನು ಚಿರಾಗ್ ಪಾಸ್ವಾನ್ ಚಿಕ್ಕಪ್ಪ ಪಶುಪತಿ ಪರಾಸ್ ವಹಿಸಿದ್ದರು.
ಕಳೆದ ವರ್ಷದ ಬಿಹಾರ ವಿಧಾನಸಭಾ ಚುನಾವಣೆ ನಂತರದಿಂದ ಐವರು ನಾಯಕರು ಚಿರಾಗ್ ಪಾಸ್ವಾನ್ ಅವರೊಂದಿಗೆ ಭಿನ್ನಮತ ಹೊಂದಿದ್ದರು, ಅಲ್ಲಿ ಎಲ್‌ಜೆಪಿ ಕಳಪೆ ಪ್ರದರ್ಶನ ನೀಡಿತ್ತು.
ವಾರಾಂತ್ಯದಲ್ಲಿ ನಡೆದ ಸಭೆಯಲ್ಲಿ ಅವರು ಪಕ್ಷದ ಸಂಸದೀಯ ನಾಯಕರಾಗಿ ಪಶುಪತಿ ಪರಾಸ್ ಅವರನ್ನು ನೇಮಕ ಮಾಡಲು ನಿರ್ಧರಿಸಿದರು. ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಸೋಮವಾರ ಸಂಜೆ ಇದಕ್ಕೆ ಅನುಮೋದನೆ ನೀಡಿದರು.
ಲೋಕಸಭೆಯಲ್ಲಿ ಮೆಹಬೂಬ್ ಅಲಿ ಕೇಶರ್ ಪಕ್ಷದ ಉಪನಾಯಕ ಮತ್ತು ಚಂದನ್ ಸಿಂಗ್ ಅವರು ಪಕ್ಷದ ಮುಖ್ಯ ವಿಪ್ ಆಗಿರುತ್ತಾರೆ ಎಂದು ಬಂಡಾಯ ಸಂಸದರು ನಿರ್ಧರಿಸಿದ್ದಾರೆ.

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

5 / 5. ಒಟ್ಟು ವೋಟುಗಳು 1

ನಿಮ್ಮ ಕಾಮೆಂಟ್ ಬರೆಯಿರಿ