ನವದೆಹಲಿ: ವಿಶ್ವದ ಕೋವಿಡ್‌-19 ಸಾವಿನ ಸಂಖ್ಯೆ 40 ಲಕ್ಷದಷ್ಟು ಭೀಕರ ಮೈಲಿಗಲ್ಲನ್ನು ದಾಟಿದೆ ಎಂದು ರಾಯಿಟರ್ಸ್ ಅಧ್ಯಯನವು ಶುಕ್ರವಾರ ತಿಳಿಸಿದೆ.
ವಿಶ್ಲೇಷಣೆಯ ಪ್ರಕಾರ, ಒಂದು ವರ್ಷದಲ್ಲಿ ಮೊದಲ 20 ಲಕ್ಷ ಸಾವುಗಳನ್ನು ದಾಖಲಿಸಿದರೆ ಮುಂದಿನ 20 ಲಕ್ಷ ಸಾವುಗಳು ಕೇವಲ 166 ದಿನಗಳಲ್ಲಿ ಸಂಭವಿಸಿವೆ.ಜಾನ್ಸ್ ಹಾಪ್ಕಿನ್ಸ್ ಯೂನಿವರ್ಸಿಟಿ ಸೆಂಟರ್ ಪ್ರಕಾರ, ಅಮೆರಿಕ, ಬ್ರೆಜಿಲ್, ಭಾರತ, ರಷ್ಯಾ ಮತ್ತು ಮೆಕ್ಸಿಕೊಗಳು ವಿಶ್ವದ ಅತಿ ಹೆಚ್ಚು ಪೀಡಿತ ರಾಷ್ಟ್ರಗಳಾಗಿವೆ. ಈ ಐದು ರಾಷ್ಟ್ರಗಳು ವಿಶ್ವದ ಎಲ್ಲ ಸಾವುಗಳಲ್ಲಿ 50 ಪ್ರತಿಶತವನ್ನು ದಾಖಲಿಸಿವೆ. ಮತ್ತೊಂದೆಡೆ, ಪೆರು, ಹಂಗೇರಿ, ಬೋಸ್ನಿಯಾ, ಜೆಕ್ ಗಣರಾಜ್ಯ ಮತ್ತು ಜಿಬ್ರಾಲ್ಟರ್ ಅತಿ ಹೆಚ್ಚು ಸಾವಿನ ಪ್ರಮಾಣವನ್ನು ಹೊಂದಿವೆ.
ಜಗತ್ತಿನಲ್ಲಿ ಪ್ರತಿದಿನ ವರದಿಯಾಗುವ ಪ್ರತಿ ಮೂರು ಸಾವುಗಳಲ್ಲಿ ಒಂದು ಭಾರತದಲ್ಲಿ ಸಂಭವಿಸುತ್ತದೆ ಎಂದು ವರದಿ ಹೇಳಿದೆ. ಲ್ಯಾಟಿನ್ ಅಮೆರಿಕವು ಮಾರ್ಚ್‌ನಿಂದೀಚೆಗೆ ವಿಶ್ವದ ಪ್ರತಿ 100 ಸೋಂಕುಗಳಲ್ಲಿ 43 ಪ್ರಕರಣಗಳನ್ನು ದಾಖಲಿಸುತ್ತಿದ್ದರೆ, ಭಾರತ ಮತ್ತು ಬ್ರೆಜಿಲ್ ಪ್ರತಿದಿನ ಗರಿಷ್ಠ ಸಾವುಗಳನ್ನು ವರದಿ ಮಾಡುತ್ತಿವೆ ಎಂದು ವರದಿ ಉಲ್ಲೇಖಿಸಿದೆ.
ತಜ್ಞರ ಪ್ರಕಾರ, ವಿಶ್ವ ಆರೋಗ್ಯ ಸಂಸ್ಥೆ, ಜಾಗತಿಕ ಸಾವಿನ ಸಂಖ್ಯೆಯನ್ನು ಕಡಿಮೆ ವರದಿ ಮಾಡಿರಬಹುದು ಮತ್ತು ನಿಜವಾದ ಸಂಖ್ಯೆ ದಾಖಲಾದ ಸಂಖ್ಯೆಗಳಿಗಿಂತ ಹೆಚ್ಚಿನದಾಗಿರಬಹುದು. ”
ಅನೇಕ ಬಡ ರಾಷ್ಟ್ರಗಳಲ್ಲಿ ಕೋವಿಡ್‌-19 ಲಸಿಕೆಗಳಿಗೆ ಪ್ರವೇಶದ ಕೊರತೆಯೂ ಹೆಚ್ಚುತ್ತಿರುವ ಸಾವಿನ ಸಂಖ್ಯೆಗೆ ಕಾರಣವಾಗಿದೆ. ಲಸಿಕೆಗಳಿಗೆ ಸೀಮಿತ ಪ್ರವೇಶವನ್ನು ಹೊಂದಿರುವ ದೇಶಗಳಿಗೆ ಹೆಚ್ಚಿನ ಲಸಿಕೆಗಳನ್ನು ದಾನ ಮಾಡುವಂತೆ ಶ್ರೀಮಂತ ರಾಷ್ಟ್ರಗಳಿಗೆ ಒತ್ತಾಯಿಸಲಾಗಿದೆ.
ಕಳೆದ ವಾರ, ಜಿ -7 ದೇಶಗಳು ತಮ್ಮ ಜನಸಂಖ್ಯೆಯ ಲಸಿಕೆಯನ್ನು ಖಚಿತಪಡಿಸಿಕೊಳ್ಳಲು ಬಡ ದೇಶಗಳಿಗೆ ಒಂದು ಬಿಲಿಯನ್ ಲಸಿಕೆಗಳನ್ನು ನೀಡುವುದಾಗಿ ಪ್ರತಿಜ್ಞೆ ಮಾಡಿದ್ದವು.
ನಿಮ್ಮ ಕಾಮೆಂಟ್ ಬರೆಯಿರಿ