‘ಕೋವಿಡ್‌ ವೈರಸ್ಸಿನ ಡೆಲ್ಟಾ ಪ್ಲಸ್ ರೂಪಾಂತರ ಇದು ಸಂಭಾವ್ಯ ಸಾಂಕ್ರಾಮಿಕ: ಏಮ್ಸ್ ವೈದ್ಯರು

ನವದೆಹಲಿ: SARS-CoV-2 ವೈರಸ್ ರೂಪಾಂತರವು ಪ್ರಪಂಚದಾದ್ಯಂತದ ಆರೋಗ್ಯ ವ್ಯವಸ್ಥೆಗಳಿಗೆ, ಅದರಲ್ಲೂ ವಿಶೇಷವಾಗಿ ಭಾರತಕ್ಕೆ ಸವಾಲು ಹಾಕುತ್ತಲೇ ಇದೆ, ಇಲ್ಲಿ ಹೊರಹೊಮ್ಮಿದ ಹೊಸ ರೂಪಾಂತರವು ಈಗ ಸಾಂಕ್ರಾಮಿಕ ರೋಗದ ಮೂರನೇ ಅಲೆಯ ಕೇಂದ್ರಬಿಂದುವಾಗಿದೆ.
ಕೋವಿಡ್ -19 ವೈರಸ್‌ನ ‘ಡೆಲ್ಟಾ ಪ್ಲಸ್’ ರೂಪಾಂತರವು ಹೆಚ್ಚು ಸಾಂಕ್ರಾಮಿಕವಾಗಿದೆ, ಆದರೆ ಇದರ ಪ್ರಕರಣಗಳು ಇನ್ನೂ ಕಡಿಮೆ ಇರುವುದರಿಂದ ಇದು ಭಾರತದಲ್ಲಿ ‘ಕಾಳಜಿಯ ರೂಪಾಂತರ’ ಅಲ್ಲ.
ಡೆಲ್ಟಾ ಪ್ಲಸ್‌ ಹೆಚ್ಚುವರಿ ರೂಪಾಂತರಿತ ಕೆ 417 ಎನ್ ಅನ್ನು ಹೊಂದಿದೆ, ಇದು ಡೆಲ್ಟಾವನ್ನು (ಬಿ .1.617.2) ಡೆಲ್ಟಾ ಪ್ಲಸ್ ಆಗಿ ಪರಿವರ್ತಿಸುತ್ತದೆ. ಈ ರೂಪಾಂತರಿತವು ಹೆಚ್ಚು ಸಾಂಕ್ರಾಮಿಕವಾಗಿದೆ ಮತ್ತು ಆಲ್ಫಾ ರೂಪಾಂತರಕ್ಕೆ ಹೋಲಿಸಿದರೆ ಇದು 35-60% ಹೆಚ್ಚು ಸಾಂಕ್ರಾಮಿಕವಾಗಿದೆ ಎಂಬ ಊಹಾಪೋಹಗಳಿವೆ. ಇದು ಸಾಂಕ್ರಾಮಿಕವಾಗಬಹುದು. ಆದರೆ ಭಾರತದಲ್ಲಿ ಇನ್ನೂ ಸಂಖ್ಯೆಗಳು ತೀರಾ ಕಡಿಮೆ. ಸೋಂಕಿತರ ಸಂಖ್ಯೆ ಕಡಿಮೆ ಇರುವುದರಿಂದ ಇದು ಇನ್ನೂ ಆಸಕ್ತಿಯ ರೂಪಾಂತರವಾಗಿದೆ ಮತ್ತು ಇದು ಇನ್ನೂ ಕಾಳಜಿಯ ರೂಪಾಂತರವಲ್ಲ ”ಎಂದು ಏಮ್ಸ್‌ ಜೀವರಾಸಾಯನಿಕ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ.ಸುಭ್ರದೀಪ್ ಕರ್ಮಕರ್ ಹೇಳಿದ್ದಾರೆ.
“ಪ್ರತಿ ರೂಪಾಂತರವು ವಿಭಿನ್ನ ರೀತಿಯ ಕ್ಲಿನಿಕಲ್ ಪ್ರತಿಕ್ರಿಯೆಯೊಂದಿಗೆ ಬರುತ್ತದೆ. ಹಿಂದಿನ ರೂಪಾಂತರದಲ್ಲಿ, ಆಮ್ಲಜನಕದ ಮಟ್ಟ ಕುಸಿಯುತ್ತಿತ್ತು. ಆದರೆ ಡೆಲ್ಟಾ ಪ್ಲಸ್ ರೂಪಾಂತರವು ಯಾವ ರೀತಿಯ ಪರಿಣಾಮಗಳನ್ನು ಬೀರುತ್ತದೆ ಎಂದು ನಮಗೆ ತಿಳಿದಿಲ್ಲ ಎಂದು ಅವರು ಹೇಳಿದ್ದಾರೆ.
ಡೆಲ್ಟಾ ರೂಪಾಂತರವು ಭಾರತ ಸೇರಿದಂತೆ 80 ರಾಷ್ಟ್ರಗಳಲ್ಲಿ ಕಂಡುಬಂದಿದೆ. ಇದನ್ನು ‘ಕಾಳಜಿಯ ರೂಪಾಂತರ’ (‘variant of concern) ಎಂದು ಪರಿಗಣಿಸಲಾಗಿದೆ. ಡೆಲ್ಟಾ ಪ್ಲಸ್ 9 ರಾಷ್ಟ್ರಗಳಲ್ಲಿ ಕಂಡುಬಂದಿದೆ – ಅಮೆರಿಕ,ಬ್ರಿಟನ್‌, ಪೋರ್ಚುಗಲ್, ಸ್ವಿಟ್ಜರ್ಲೆಂಡ್, ಜಪಾನ್, ಪೋಲೆಂಡ್, ನೇಪಾಳ, ಚೀನಾ ಮತ್ತು ರಷ್ಯಾ; ಭಾರತದಲ್ಲಿ ಈವರೆಗೆ 22 ಪ್ರಕರಣಗಳು ಪತ್ತೆಯಾಗಿವೆ. ಈ ರೂಪಾಂತರವು ‘ಆಸಕ್ತಿಯ ರೂಪಾಂತರ’ (‘variant of interest’) ವಿಭಾಗದಲ್ಲಿದೆ ”ಎಂದು ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್ ಮಂಗಳವಾರ ನವದೆಹಲಿಯಲ್ಲಿ ತಿಳಿಸಿದ್ದಾರೆ.
ಭಾರತದಲ್ಲಿ, ಡೆಲ್ಟಾ ಪ್ಲಸ್ ರೂಪಾಂತರದ 22 ಪ್ರಕರಣಗಳಲ್ಲಿ 16 ಮಹಾರಾಷ್ಟ್ರದ ರತ್ನಗಿರಿ ಮತ್ತು ಜಲ್ಗಾಂವ್ ಕಂಡುಬಂದಿವೆ. ಮತ್ತೆ ಕೆಲವು ಕೇರಳ ಮತ್ತು ಮಧ್ಯಪ್ರದೇಶದಲ್ಲಿ ಕೆಲವು ಪ್ರಕರಣಗಳು ಕಂಡುಬಂದಿವೆ.
ಕೋವಿಡ್ -19 ವೈರಸ್‌ನ ‘ಡೆಲ್ಟಾ ಪ್ಲಸ್’ ರೂಪಾಂತರವು ಹೆಚ್ಚು ಸಾಂಕ್ರಾಮಿಕವಾಗಿದೆ, ಆದರೆ ಇದು ಪ್ರಕರಣಗಳು ಇನ್ನೂ ಕಡಿಮೆ ಇರುವುದರಿಂದ ಇದು ಭಾರತದಲ್ಲಿ ‘ಕಾಳಜಿಯ ರೂಪಾಂತರ’ ಅಲ್ಲ.
ಬೆಂಗಳೂರು, ಹೈದರಾಬಾದ್, ನವದೆಹಲಿ ಮತ್ತು ಪುಣೆಯ ನಾಲ್ಕು ನಗರ ಕ್ಲಸ್ಟರ್‌ಗಳ ಒಕ್ಕೂಟವಾದ ಇಂಡಿಯನ್ SARS-CoV-2 ಜೀನೋಮ್ ಸೀಕ್ವೆನ್ಸಿಂಗ್ ಕನ್ಸೋರ್ಟಿಯಾ (ಐಎನ್‌ಎಸ್‌ಎಒಒಜಿ) ಶೀಘ್ರದಲ್ಲೇ ಡೆಲ್ಟಾ ಪ್ಲಸ್ ರೂಪಾಂತರದಲ್ಲಿ ಜೀನೋಮಿಕ್ ಕಣ್ಗಾವಲು ಬುಲೆಟಿನ್ ಅನ್ನು ಔಪಚಾರಿಕವಾಗಿ ಬಿಡುಗಡೆ ಮಾಡಲಿದೆ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ.