ಭಾರತದ ದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) 2021ರ ಜುಲೈ 1 ರಿಂದ ತನ್ನ ಎಟಿಎಂ ಮತ್ತು ಬ್ಯಾಂಕ್ ಶಾಖೆಗಳಿಂದ ಹಣವನ್ನು ಹಿಂಪಡೆಯಲು ಹೊಸ ನಿಯಮಗಳು ಮತ್ತು ಪರಿಷ್ಕೃತ ಶುಲ್ಕಗಳನ್ನು ಪರಿಚಯಿಸಲು ಸಿದ್ಧವಾಗಿದೆ.
ಹೊಸ ಶುಲ್ಕಗಳು ಬೇಸಿಕ್ ಸೇವಿಂಗ್ಸ್ ಬ್ಯಾಂಕ್ ಠೇವಣಿ (ಬಿಎಸ್ಬಿಡಿ) ಖಾತೆ ಹೊಂದಿರುವವರಿಗೆ ಅನ್ವಯವಾಗುತ್ತವೆ. ಖಾತೆದಾರರು. ಎಟಿಎಂ ಹಿಂಪಡೆಯುವಿಕೆ, ಚೆಕ್‌ಬುಕ್‌ಗಳು, ವರ್ಗಾವಣೆಗಳು ಮತ್ತು ಇತರ ಹಣಕಾಸೇತರ ವಹಿವಾಟುಗಳಿಗೆ ಸಹ ಇದನ್ನು ಅನ್ವಯಿಸಲಾಗುತ್ತದೆ.
ಹೊಸ ನಿಯಮಗಳು ಮತ್ತು ಶುಲ್ಕಗಳು:
* ಮಾನ್ಯವಾದ ಕೆವೈಸಿ ದಾಖಲೆಗಳನ್ನು ಹೊಂದಿರುವ ಯಾವುದೇ ವ್ಯಕ್ತಿ ಎಸ್‌ಬಿಐ ಮೂಲ ಉಳಿತಾಯ ಬ್ಯಾಂಕ್ ಖಾತೆಯನ್ನು ತೆರೆಯಬಹುದು. ಸಮಾಜದ ಬಡ ವರ್ಗಗಳನ್ನು ಪ್ರೋತ್ಸಾಹಿಸಲು, ಎಸ್‌ಬಿಐ ಬಿಎಸ್ಬಿಡಿ ಖಾತೆಯಲ್ಲಿ ಕನಿಷ್ಠ ಬಾಕಿ ಎಂದರೆ ಹಣ ಇರದೆಯೂ ಇರಬಹುದು, ಆದರೆ ಈ ಖಾತೆಯಲ್ಲಿ ಒಬ್ಬರು ಇರಿಸಬಹುದಾದ ಗರಿಷ್ಠ ಮೊತ್ತಕ್ಕೆ ಯಾವುದೇ ಮಿತಿಯಿಲ್ಲ. ಈ ಬದಲಾವಣೆಗಳು ಎಸ್‌ಬಿಐ ಮೂಲ ಉಳಿತಾಯ ಬ್ಯಾಂಕ್ ಠೇವಣಿ ಖಾತೆದಾರರಿಗೆ ಅನ್ವಯವಾಗುತ್ತವೆ.
* ಎಟಿಎಂ ಹಾಗೂ ಬಿಎಸ್ಬಿಡಿ ಖಾತೆದಾರರು ಉಚಿತವಾಗಿ ನಾಲ್ಕು ಬಾರಿ ಮಾತ್ರ ಹಣ ತೆಗೆಯಬಹುದು. ನಾಲ್ಕು ಉಚಿತವಾಗಿ ಹಣ ತೆಗೆಯುವುದನ್ನು ಮೀರಿದ ನಂತರ ಎಲ್ಲ ಎಸ್‌ಬಿಐ ಎಟಿಎಂಗಳಲ್ಲಿ ಪ್ರತಿ ವಾಪಸಾತಿಗೆ 15 ರೂ. ಸೇವಾ ಶುಲ್ಕವನ್ನು ಎಸ್‌ಬಿಐ ಎಟಿಎಂ ಮತ್ತು ಎಸ್‌ಬಿಐ ಅಲ್ಲದ ಎಟಿಎಂಗಳಲ್ಲಿ ಅನ್ವಯವಾಗುತ್ತದೆ.
*ಚೆಕ್ ಬುಕ್ ಶುಲ್ಕಗಳು: ಎಸ್‌ಬಿಐ ಈಗ ಬಿಎಸ್ಬಿಡಿ ಖಾತೆದಾರರಿಗೆ ಹಣಕಾಸು ವರ್ಷದಲ್ಲಿ 10 ಚೆಕ್ ಗಳಿರುವ ಚೆಕ್ ಪುಸ್ತಕವನ್ನು ಉಚಿತವಾಗಿ ನೀಡುತ್ತದೆ. ಅದರ ನಂತರ, ಬ್ಯಾಂಕ್ ಶುಲ್ಕ ವಿಧಿಸುತ್ತದೆ:
10 ಚೆಕ್ಗಳಿಗೆ 40 ರೂ. ಜೊತೆಗೆ ಜಿಎಸ್ಟಿ, 25 ಚೆಕ್ ಗಳಿಗೆ 75 ರೂ. ಜೊತೆಗೆ ಜಿಎಸ್ಟಿ, ತುರ್ತು ಚೆಕ್ ಪುಸ್ತಕಕ್ಕಾಗಿ, 10 ಚೆಕ್ಗಳಿಗೆ 50 ರೂ. ಜೊತೆಗೆ ಜಿಎಸ್ಟಿ ವಿಧಿಸಲಾಗುತ್ತದೆ ಆದಾಗ್ಯೂ, ಹಿರಿಯ ನಾಗರಿಕರು ಈ ಚೆಕ್ ಬುಕ್ ಬಳಕೆಯ ಮಿತಿಯಿಂದ ಮುಕ್ತರಾಗಿದ್ದಾರೆ.
* ಶಾಖೆಗಳಲ್ಲಿ ನಗದು ತೆಗೆಯುವುದು: ಬ್ಯಾಂಕ್ ಹಾಗೂ ಬ್ಯಾಕೇತರ ಶಾಖೆಗಳಲ್ಲಿ ಬಿಬಿಎಸ್ಡಿ ಖಾತೆದಾರರು ಹಣಕಾಸಿನೇತರ ವಹಿವಾಟುಗಳಿಗೆ ಎಸ್‌ಬಿಐ ಯಾವುದೇ ಶುಲ್ಕವನ್ನು ವಿಧಿಸುವುದಿಲ್ಲ. ಬಿಎಸ್ಬಿಡಿ ಖಾತೆದಾರರಿಗೆ, ಶಾಖೆ ಮತ್ತು ಪರ್ಯಾಯ ಚಾನಲ್‌ಗಳಲ್ಲಿ ವರ್ಗಾವಣೆ ವಹಿವಾಟು ಸಹ ಉಚಿತವಾಗಿರುತ್ತದೆ
ಶಾಖೆಗಳಲ್ಲಿ ಚೆಕ್ ಬಳಸಿ ನಗದು ಹಿಂಪಡೆಯುವಿಕೆಯನ್ನು ದಿನಕ್ಕೆ 1 ಲಕ್ಷ ರೂ.ಗೆ ಏರಿಸಲಾಗಿದೆ. ಉಳಿತಾಯ ಬ್ಯಾಂಕ್ ಪಾಸ್‌ಬುಕ್‌ನೊಂದಿಗೆ ವಾಪಸಾತಿ ಫಾರ್ಮ್ ಅನ್ನು ಬಳಸಿಕೊಂಡು ನಗದು ಹಿಂಪಡೆಯುವಿಕೆಯನ್ನು ದಿನಕ್ಕೆ 25 ಸಾವಿರ ರೂ.ಗೆ ಹೆಚ್ಚಿಸಲಾಗಿದೆ.
ಅಲ್ಲದೆ, ತೃತೀಯ ನಗದು ಹಿಂಪಡೆಯುವಿಕೆಯನ್ನು ತಿಂಗಳಿಗೆ 50,000 ರೂ ಎಂದು ನಿಗದಿಪಡಿಸಲಾಗಿದೆ (ಚೆಕ್ ಬಳಸಿ ಮಾತ್ರ).
“ವಾಪಸಾತಿ ನಮೂನೆಗಳ ಮೂಲಕ ಮೂರನೇ ವ್ಯಕ್ತಿಗಳಿಗೆ ಯಾವುದೇ ನಗದು ಪಾವತಿಗಳನ್ನು ಅನುಮತಿಸಲಾಗುವುದಿಲ್ಲ” ಎಂದು ಬ್ಯಾಂಕ್ ಹೇಳಿದೆ. ಪರಿಷ್ಕೃತ ಸೀಲಿಂಗ್‌ಗಳು ಸೆಪ್ಟೆಂಬರ್ 30 ರವರೆಗೆ ಮಾನ್ಯವಾಗಿರುತ್ತವೆ. ಹೊಸ ನಿಯಮವು ಎಲ್ಲಾ ಎಸ್‌ಬಿಐ ಗ್ರಾಹಕರಿಗೆ ಅನ್ವಯಿಸುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ