ಕಾರವಾರ: ಭಟ್ಕಳದ ಜೆಎಂಎಫ್‌ಸಿ ನ್ಯಾಯಾಲಯದಲ್ಲಿ ಶುಕ್ರವಾರ ಬೆಳಿಗ್ಗೆ ಬೆಂಕಿ ಕಾಣಿಸಿಕೊಂಡಿದ್ದು, ಮರದ ಮೇಲ್ಚಾವಣಿ ಮುಂಭಾಗದ ಭಾಗ ಉಟ್ಟು ಕರಕಲಾಗಿದೆ. ಒಳಾಂಗಣ ಪೀಠೋಪಕರಣಗಳು ಸುಟ್ಟುಹೋಗಿವೆ.
ಹೆದ್ದಾರಿಯಿಂದ ಹಾದುಹೋಗುತ್ತಿದ್ದ ಮಸೀದಿಯ ಇಮಾಮ್, ನ್ಯಾಯಾಲಯದ ಮೇಲ್ಛಾವಣಿಯಿಂದ ಬೆಂಕಿ ಜ್ವಾಲೆಗಳು ಹೊರಬರುತ್ತಿರುವುದನ್ನು ಕಂಡು ಬೆಳಿಗ್ಗೆ 4: 30 ರ ಸುಮಾರಿಗೆ ಅಗ್ನಿಶಾಮಕ ದಳಕ್ಕೆ ತಿಳಿಸಿದ್ದಾರೆ. ಕೂಡಲೇ ಅಗ್ನಿಶಾಮಕ ದಳದವರು ಸ್ಥಳಕ್ಕೆ ತಲುಪಿ ಬೆಂಕಿ ನಂದಿಸಲು ಪ್ರಾರಂಭಿಸಿದರು ಎಂದು ವರದಿಯಾಗಿದೆ.
ನ್ಯಾಯಾಲಯದ ಮೇಲ್ಛಾವಣಿಯು ಮರದಿಂದ ಮಾಡಲ್ಪಟ್ಟಿರುವುದರಿಂದ, ಶಾರ್ಟ್ ಸರ್ಕ್ಯೂಟ್‌ನಿಂದಾಗಿ ಬೆಂಕಿಯು ತಕ್ಷಣವೇ ಪರಿಣಾಮ ಬೀರಲು ಪ್ರಾರಂಭಿಸಿತು ಎಂದು ನಂಬಲಾಗಿದೆ, ಇದರೊಂದಿಗೆ ಮೇಲ್ಛಾವಣಿಯನ್ನೂ ಒಳಗೊಂಡಂತೆ ಒಳಗಿನ ಕೋಣೆಗಳ ಟೇಬಲ್‌ಗಳು, ಬೀರುಗಳು, ಕುರ್ಚಿಗಳು ಇತ್ಯಾದಿಗಳು ಸುಟ್ಟುಹೋಗಿವೆ. ನ್ಯಾಯಾಲಯದ ದಾಖಲೆಗಳು ಮತ್ತು ಫೈಲ್‌ಗಳನ್ನು ಉಳಿಸಲು ಪ್ರಯತ್ನಿಸಲಾಯಿತು, ಆದರೆಹಲವು ದಾಖಲೆಗಳು ನಾಶವಾಗಿವೆ ಎಂದು ವರದಿಯಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ