ನವದೆಹಲಿ: 2024 ಕ್ಕಿಂತ ಮೊದಲು ಲೋಕಸಭೆಯ ಸದಸ್ಯರ ಬಲವನ್ನು 1,000 ಅಥವಾ ಅದಕ್ಕಿಂತ ಹೆಚ್ಚಿಗೆ ಮಾಡಲು ಬಿಜೆಪಿ ಯೋಜಿಸುತ್ತಿದೆ ಎಂದು ಕಾಂಗ್ರೆಸ್ ಮುಖಂಡ ಮನೀಶ್ ತಿವಾರಿ ಹೇಳಿದ್ದಾರೆ ಮತ್ತು ಗಂಭೀರ ಸಾರ್ವಜನಿಕ ಸಮಾಲೋಚನೆಗೆ ಅವರು ಕರೆ ನೀಡಿದ್ದಾರೆ.
ಸಂಸತ್ತಿನ ಕೆಳಮನೆ ಸ್ಥಾನಗಳ ಸಂಖ್ಯೆ ಹೆಚ್ಚಿಸುವ ಪ್ರಸ್ತಾಪವಿದೆ ಎಂದು ಬಿಜೆಪಿಯಲ್ಲಿ ತಮ್ಮ ಸಂಸದೀಯ ಸಹೋದ್ಯೋಗಿಗಳಿಂದ ವಿಶ್ವಾಸಾರ್ಹ ಮಾಹಿತಿ ಬಂದಿದೆ ಎಂದು ಕಾಂಗ್ರೆಸ್ ಮುಖಂಡರು ತಮ್ಮ ಟ್ವಿಟ್ಟರ್ ನಲ್ಲಿ ತಿಳಿಸಿದ್ದಾರೆ ಎಂದು ಟೈಮ್ಸ್‌ ನೌ.ಕಾಮ್‌ ವರದಿ ಮಾಡಿದೆ.
ಸಂಸದೀಯ ಸಹೋದ್ಯೋಗಿಗಳು 2024 ಕ್ಕಿಂತ ಮೊದಲು ಲೋಕಸಭೆಯ ಬಲವನ್ನು 1000 ಅಥವಾ ಅದಕ್ಕಿಂತ ಹೆಚ್ಚಿಸುವ ಪ್ರಸ್ತಾಪವಿದೆ ಎಂದು ನನಗೆ ವಿಶ್ವಾಸಾರ್ಹವಾಗಿ ತಿಳಿಸಲಾಗಿದೆ. ಹೊಸ ಸಂಸತ್ತು ಕೊಠಡಿಯನ್ನು 1000 ಆಸನಗಳಾಗಿ ನಿರ್ಮಿಸಲಾಗುತ್ತಿದೆ. ಇದನ್ನು ಮಾಡುವ ಮೊದಲು ಗಂಭೀರವಾದ ಸಾರ್ವಜನಿಕ ಸಮಾಲೋಚನೆ ಇರಬೇಕು ”ಎಂದು ತಿವಾರಿ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ ಎಂದು ವರದಿ ಹೇಳಿದೆ.
2019 ರಲ್ಲಿ ದಿವಂಗತ ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರು ಲೋಕಸಭೆಯ ಸ್ಥಾನಗಳ ಸಂಖ್ಯೆಯನ್ನು ಈಗಿನ 543 ರಿಂದ 1,000 ಕ್ಕೆ ಹೆಚ್ಚಿಸಬೇಕು ಎಂದು ಹೇಳಿದ್ದರು ಮತ್ತು ರಾಜ್ಯಸಭೆ ಮತ್ತು ರಾಜ್ಯ ವಿಧಾನಸಭೆಗಳಲ್ಲಿ ಸಂಖ್ಯೆಯನ್ನು ಹೆಚ್ಚಿಸಲು ಕರೆ ನೀಡಿದ್ದರು.
“ಬ್ರಿಟಿಷರು 650 ಸಂಸದರನ್ನು ಹೊಂದಿದ್ದರೆ, ಕೆನಡಾವು 443 ಮತ್ತು ಅಮೆರಿಕ 535 ಸದಸ್ಯರನ್ನು ಹೊಂದಬಹುದು, ಯಾಕೆ ನಮ್ಮಲ್ಲಿ 1000 ಇರಬಾರದು” ಎಂದು ಅವರು ಕೇಳಿದ್ದರು.
1977 ರಲ್ಲಿ, ಜನಸಂಖ್ಯೆ 55 ಕೋಟಿ ಅಥವಾ 550 ಮಿಲಿಯನ್ ಆಗಿದ್ದರೆ, ಇಂದು ಅದು 1.3 ಬಿಲಿಯನ್ ಆಗಿದೆ. 2026 ರ ವರೆಗೆ ಸಂಸತ್ತು ಮತ್ತು ರಾಜ್ಯ ವಿಧಾನಸಭೆಗಳಲ್ಲಿ ಸ್ಥಾನಗಳನ್ನು ಹೆಚ್ಚಿಸಲು ನಿರ್ಬಂಧವಿದೆ. 2011 ರ ಜನಗಣತಿಯ ಹೊತ್ತಿಗೆ, ಲೋಕಸಭಾ ಕ್ಷೇತ್ರಕ್ಕೆ ಮತದಾರರ ಸಂಖ್ಯೆ ಹೆಚ್ಚಾಗಿದೆ ”ಎಂದು ಮುಖರ್ಜಿ ಹೇಳಿದ್ದಾರೆ.
ಪ್ರತಿನಿಧಿ ಎಷ್ಟು ಮತದಾರರೊಂದಿಗೆ ಸಂಪರ್ಕ ಹೊಂದುತ್ತಾರೆ ಎಂದು ನೀವು ನಿರೀಕ್ಷಿಸುತ್ತೀರಿ ಎಂದು ಅವರು ಪ್ರಶ್ನಿಸಿದರು ಮತ್ತು ಸೀಟುಗಳ ಮೇಲಿನ ಫ್ರೀಜ್ ಅನ್ನು ಡಿಲಿಮಿಟೇಶನ್ ಮೂಲಕ ತೆಗೆದುಹಾಕಬೇಕು ಎಂದು ಸಲಹೆ ನೀಡಿದ್ದರು..
ಮುಖರ್ಜಿ ಮೊದಲು, ಜಿತಿನ್ ಪ್ರಸಾದ ಅವರು ಇದೇ ರೀತಿಯ ಹೇಳಿಕೆ ನೀಡಿದ್ದು, ಜನಸಂಖ್ಯೆಯ ಆಧಾರದ ಮೇಲೆ ಲೋಕಸಭಾ ಸ್ಥಾನಗಳ ಸಂಖ್ಯೆಯನ್ನು ತರ್ಕ ಬದ್ಧಗೊಳಿಸಬೇಕು ಎಂದಿದ್ದರು. ಪ್ರಸ್ತುತ, ಲೋಕಸಭೆಯ ಬಲ 543 ಆಗಿದ್ದು, ಅದರಲ್ಲಿ 530 ರಾಜ್ಯಗಳಿಗೆ ಮತ್ತು ಉಳಿದವುಗಳನ್ನು ಕೇಂದ್ರ ಪ್ರದೇಶಗಳಿಗೆ ಹಂಚಿಕೆ ಮಾಡಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ