ಜವಾದ್ (ಮಧ್ಯಪ್ರದೇಶ): ಜನರ ಗುಂಪೊಂದು ಕ್ರೌರ್ಯವನ್ನು ನಡೆಸಿದ್ದು ಗುರುವಾರ ಜಿಲ್ಲಾ ಕೇಂದ್ರದಿಂದ 70 ಕಿಮೀ ದೂರದಲ್ಲಿರುವ ಜೆಟ್ಲಿಯಾ ಗ್ರಾಮದಲ್ಲಿ 45 ವರ್ಷದ ವ್ಯಕ್ತಿಯ ಸಾವಿಗೆ ಕಾರಣವಾಗಿದೆ. ಇದು ಶನಿವಾರ ಬೆಳಕಿಗೆ ಬಂದಿದ್ದು, ಘಟನೆಯ ವಿಡಿಯೋ ತುಣುಕು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಆ ವ್ಯಕ್ತಿ ಕಳ್ಳತನದಲ್ಲಿ ಭಾಗಿಯಾಗಿದ್ದಾನೆ ಎಂದು ಅನುಮಾನಿಸಿ ಗ್ರಾಮಸ್ಥರು ಆತನನ್ನು ಥಳಿಸಿದರು ಮತ್ತು ಪಿಕಪ್ ವ್ಯಾನ್ ಹಿಂದಕ್ಕೆ ಕಟ್ಟಿ ಹಲವಾರು ಮೀಟರ್ ಎಳೆದ ಅಮಾನವೀಯ ಹಾಗೂ ಕ್ರೂರ ಘಟನೆ ವರದಿಯಾಗಿದೆ.
ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಪೊಲೀಸರು ಕ್ರಮಕ್ಕೆ ಮುಂದಾದರು ಮತ್ತು ಗ್ರಾಮದ ಸರಪಂಚ್ ಪತಿ ಸೇರಿದಂತೆ ಎಂಟು ಮಂದಿಯನ್ನು ಬಂಧಿಸಲಾಗಿದೆ ಎಂದು ಫ್ರೀ ಪ್ರೆಸ್ ಜರ್ನಲ್ ವರದಿ ಮಾಡಿದೆ.
ನಾಲ್ವರನ್ನು ಬಂಧಿಸಲಾಗಿದೆ ಮತ್ತು ಇತರರಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ ಎಂದು ವರದಿ ಹೇಳಿದೆ.
ನೀಮುಚ್ನ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಸುಂದರ್ ಸಿಂಗ್ ಕನೇಶ್ ಅವರು ಕನ್ಹಾ ಅಲಿಯಾಸ್ ಕನ್ಹಿಯಾ ಭೀಲ್ ಎಂದು ಗುರುತಿಸಲ್ಪಟ್ಟ ವ್ಯಕ್ತಿ ಬನದಾ ಹಳ್ಳಿಯ ನಿವಾಸಿ ಎಂದು ಹೇಳಿದ್ದಾರೆ. ಜೆಟ್ಲಿಯಾ ಗ್ರಾಮದ ಸರ್ಪಂಚ್ ಪತಿ ಮಹೇಂದ್ರ ಗುರ್ಜಾರ್ ಸೇರಿದಂತೆ ನಾಲ್ವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಕನೇಶ್ ಹೇಳಿದರು.
ಗ್ರಾಮಸ್ಥರು ಕಳ್ಳನನ್ನು ಹಿಡಿದಿದ್ದಾರೆ ಎಂದು ಗ್ರಾಮಸ್ಥರು ಸಿಂಗೋಳಿ ಪೊಲೀಸರಿಗೆ ಡಯಲ್ 100 ಗೆ ಮಾಹಿತಿ ನೀಡಿದರು ಎಂದು ಕನೇಶ್ ಹೇಳಿದರು.
ಕಳ್ಳ ಗಾಯಗೊಂಡಿದ್ದಾನೆ ಮತ್ತು ವೈದ್ಯಕೀಯ ನೆರವು ಅಗತ್ಯ ಎಂದು ಅವರು ಹೇಳಿದರು. ಡಯಲ್ 100 ತಂಡ ಸ್ಥಳಕ್ಕೆ ಧಾವಿಸಿ ಅವರನ್ನು ಹತ್ತಿರದ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ದಿತು.
ಆತನನ್ನು ನೀಮುಚ್ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಯಿತು, ತೀವ್ರವಾಗಿ ಗಾಯಗೊಂಡಿದ್ದರಿಂದ ಅಲ್ಲಿ ಆ ವ್ಯಕ್ತಿ ಮೃತಪಟ್ಟಿದ್ದಾನೆ.
ಈ ಮಧ್ಯೆ, ಈ ವ್ಯಕ್ತಿಯನ್ನು ಹೊಡೆದು ಪಿಕಪ್ ವ್ಯಾನ್ಗೆ ಕಟ್ಟಿಹಾಕಿರುವ ವಿಡಿಯೋ ಕ್ಲಿಪ್ಪಿಂಗ್ ವೈರಲ್ ಆಗಿದೆ.ಆರೋಪಿಯೊಬ್ಬರು ವಿಡಿಯೋ ಮಾಡಿ ಅದನ್ನು ಆ ಪ್ರದೇಶದಲ್ಲಿ ಪ್ರಸಾರ ಮಾಡಿದ್ದಾರೆ ಎಂದು ಕನೇಶ್ ಹೇಳಿದ್ದಾರೆ.
ಸರ್ಪಂಚ್ ಪತಿಯೊಂದಿಗೆ ಕನ್ಹಾಳನ್ನು ಹಿಡಿದು ಆತನನ್ನು ಹೊಡೆದರು. ತಾನು ಕಳ್ಳನಲ್ಲ ಎಂದು ಗ್ರಾಮಸ್ಥರಿಗೆ ಮನವರಿಕೆ ಮಾಡಿಕೊಡುವ ಅವನ ಪ್ರಯತ್ನಗಳು ವ್ಯರ್ಥವಾಯಿತು ಕೆಲವು ಗ್ರಾಮಸ್ಥರು ಹೇಳಿದ್ದಾರೆ.
ಆತ ರಕ್ತದ ಮಡುವಿನಲ್ಲಿ ಪ್ರಜ್ಞಾಹೀನನಾಗುವವರೆಗೂ ಚಿತ್ರಹಿಂಸೆ ಮುಂದುವರಿಯಿತು ಎಂದು ವರದಿ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ