ವರದಿಗಳ ಪ್ರಕಾರ, ತಾಲಿಬಾನ್ ಅಫ್ಘಾನಿಸ್ತಾನದ ದಾಯ್ಕುಂಡಿ ಪ್ರಾಂತ್ಯದ ಖಾದಿರ್ ಜಿಲ್ಲೆಯಲ್ಲಿ ಹಜಾರಾ ಸಮುದಾಯಕ್ಕೆ ಸೇರಿದ 14 ಜನರನ್ನು ಕೊಂದಿದೆ.ಕೊಲ್ಲಲ್ಪಟ್ಟವರಲ್ಲಿ ಶರಣಾದ 12 ಸೈನಿಕರು ಮತ್ತು ಇಬ್ಬರು ನಾಗರಿಕರು ಸೇರಿದ್ದಾರೆ ಎಂದು ವರದಿ ಹೇಳುತ್ತದೆ.
ಜುಲೈ ಆರಂಭದಲ್ಲಿ ಹಜಾರಾ ಅಲ್ಪಸಂಖ್ಯಾತ ಒಂಬತ್ತು ಪುರುಷರನ್ನು ಹಿಂಸಿಸಿ ಮತ್ತು ಅವರ ಮನೆಗಳನ್ನು ಲೂಟಿ ಮಾಡಿದ ತಾಲಿಬಾನ್ ಒಂದು ತಿಂಗಳ ನಂತರ 14 ಜನರನ್ನು ಕೊಂದುಹಾಕಿದ ಸುದ್ದಿ ಬಂದಿದೆ ಎಂದು ಮಾನವ ಹಕ್ಕುಗಳ ಗುಂಪು ಅಮ್ನೆಸ್ಟಿ ಇಂಟರ್‌ನ್ಯಾಷನಲ್ ಹೇಳಿದೆ.
ಅಮ್ನೆಸ್ಟಿ ಇಂಟರ್‌ನ್ಯಾಷನಲ್ ಮಾಲಿಸ್ತಾನ್ ಜಿಲ್ಲೆಯ ಮುಂಡರಖ್ತ್ ಗ್ರಾಮದಲ್ಲಿ ಜುಲೈ 4 ಮತ್ತು ಜುಲೈ 5 ರ ನಡುವೆ ನಡೆದ ಕ್ರೂರ ಹತ್ಯೆಗೆ ಸಾಕ್ಷಿಯಾದ ಹಲವಾರು ಜನರೊಂದಿಗೆ ಮಾತನಾಡಿದೆ.. ವರದಿಯಲ್ಲಿ ಆರು ಹಜಾರ ಪುರುಷರಿಗೆ ಗುಂಡು ಹಾರಿಸಲಾಯಿತು ಮತ್ತು ಅವರಲ್ಲಿ ಮೂವರನ್ನು ಚಿತ್ರಹಿಂಸೆಗೆ ಒಳಪಡಿಸಲಾಯಿತು ಎಂದು ಗೊತ್ತಾಗಿದೆ.
ಹಜಾರಾ ಸಮುದಾಯವು ಅಫ್ಘಾನಿಸ್ತಾನದ ಮೂರನೇ ಅತಿದೊಡ್ಡ ಜನಾಂಗೀಯ ಗುಂಪಾಗಿದ್ದು, ಇದು ಮುಖ್ಯವಾಗಿ ಶಿಯಾ ಇಸ್ಲಾಂ ಅನ್ನು ಆಚರಿಸುತ್ತದೆ. ಪ್ರಮುಖವಾಗಿ ಸುನ್ನಿ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನದಲ್ಲಿ ಇದು ಬಹಳ ಸಮಯದಿಂದ ತಾರತಮ್ಯ ಮತ್ತು ಕಿರುಕುಳವನ್ನು ಎದುರಿಸುತ್ತಿದೆ ಎಂದು ಬಿಬಿಸಿ ವರದಿ ಮಾಡಿದೆ.
ಅಮ್ನೆಸ್ಟಿ ಪ್ರಧಾನ ಕಾರ್ಯದರ್ಶಿ ಆಗ್ನೆಸ್ ಕ್ಯಾಲಾಮಾರ್ಡ್ ಅವರ ಪ್ರಕಾರ, “ಈ ಕೊಲೆಗಳ ತಣ್ಣನೆಯ ರಕ್ತದ ಕ್ರೌರ್ಯವು ತಾಲಿಬಾನ್‌ನ ಹಿಂದಿನ ದಾಖಲೆಯನ್ನು ನೆನಪಿಸುತ್ತದೆ ಮತ್ತು ತಾಲಿಬಾನ್ ಆಳ್ವಿಕೆಯು ಏನನ್ನು ತರಬಹುದು ಎಂಬುದರ ಭಯಾನಕ ಸೂಚಕವಾಗಿದೆ.
ಜುಲೈ 3, 2021 ರಂದು, ಘಜ್ನಿ ಪ್ರಾಂತ್ಯದಲ್ಲಿ ಅಫಘಾನ್ ಪಡೆಗಳು ಮತ್ತು ತಾಲಿಬಾನ್ ನಡುವೆ ಹೋರಾಟ ತೀವ್ರಗೊಂಡಿತು. ಹಿಂಸಾಚಾರದ ನಂತರ, ಸುಮಾರು 30 ಕುಟುಂಬಗಳು ತಮ್ಮ ಮನೆಗಳನ್ನು ಬಿಟ್ಟು ಪರ್ವತಗಳಲ್ಲಿ ಆಶ್ರಯ ಪಡೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ