ಭವಾನಿಪುರ ಉಪಚುನಾವಣೆಯಲ್ಲಿ ಮಮತಾ ಬ್ಯಾನರ್ಜಿ ವಿರುದ್ಧ ಬಿಜೆಪಿ ಬಂಗಾಳಿ ಅಭ್ಯರ್ಥಿಯನ್ನು ಕಣಕ್ಕಿಳಿಸುತ್ತದೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ ರಾಜ್ಯ ಬಿಜೆಪಿ ನೀಡಿದ 10 ಹೆಸರುಗಳಿಂದ ಕೋಲ್ಕತಾದಲ್ಲಿ ಜನಿಸಿ ಬೆಳೆದ ಬಂಗಾಳಿ ಮಾತನಾಡುವ ಮಾರ್ವಾಡಿ ಪ್ರಿಯಾಂಕಾ ಟಿಬ್ರೆವಾಲ್ ಅವರನ್ನು ಆಯ್ಕೆ ಮಾಡುವ ಮೂಲಕ ಅಚ್ಚರಿ ಮೂಡಿಸಿದೆ.
ಟಿಬ್ರೆವಾಲ್ ಸಮುದಾಯವು ಮೂಲತಃ ರಾಜಸ್ಥಾನದಿಂದ ಬಂದ ಸಮುದಾಯ, ಟಿಬ್ರೆವಾಲ್ ಅವರನ್ನು ಆಯ್ಕೆ ಮಾಡುವ ಮೂಲಕ ಬಿಜೆಪಿ ಮಮತಾ ಬ್ಯಾನರ್ಜಿಗೆ ವಾಕೋವರ್ ನೀಡಿದೆ ಎಂದು ಹೇಳಿದೆ. ಆದರೆ ಕೇಸರಿ ಪಕ್ಷ, ಟಿಬ್ರೆವಾಲ್ ಅವರನ್ನು ಹಗುರವಾಗಿ ಪರಿಗಣಿಸದಂತೆ ಎಚ್ಚರಿಕೆ ನೀಡಿದೆ.
ಕೋಲ್ಕತ್ತಾ ಹೈಕೋರ್ಟಿನ ವಕೀಲರಾದ 40 ವರ್ಷದ ಟಿಬ್ರೆವಾಲ್ ವಕೀಲರ ಕುಟುಂಬದಿಂದ ಬಂದವರು. ಅವರು ದಕ್ಷಿಣ ಕೋಲ್ಕತ್ತಾ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಮತ್ತು ನಂತರ ದೆಹಲಿ ವಿಶ್ವವಿದ್ಯಾಲಯದಲ್ಲಿ ಅಧ್ಯಯನ ಮಾಡಿದರು. ಕೋಲ್ಕತಾ ವಿಶ್ವವಿದ್ಯಾನಿಲಯದಲ್ಲಿ ಕಾನೂನು ಅಧ್ಯಯನ ಮಾಡಲು ಅವರು ಮತ್ತೆ ಕೋಲ್ಕತ್ತಾಕ್ಕೆ ಬಂದರು. ಟಿಬ್ರೆವಾಲ್ ಎಂಬಿಎ ಹಾಗೂ ಎಲ್‌ಎಲ್‌ಬಿ ಮಾಡಿದವರು ಮತ್ತು ಕೋಲ್ಕತ್ತಾ ಹೈಕೋರ್ಟ್‌ನಲ್ಲಿ ವಕೀಲರಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು. ರಾಜಕೀಯದಲ್ಲಿ ಇಲ್ಲದಿದ್ದಾಗ ಅವರ ಮೊದಲ ಉನ್ನತ ಕ್ಲೈಂಟ್ ಬಿಜೆಪಿ ಸಂಸದ ಮತ್ತು ಮಾಜಿ ಕೇಂದ್ರ ಸಚಿವ ಬಾಬುಲ್ ಸುಪ್ರಿಯೋ. ಅವರು ಟಿಬ್ರೆವಾಲ್ ಅವರನ್ನು ಬಿಜೆಪಿ ಸೇರಲು ಪ್ರೇರೇಪಿಸಿದರು ಮತ್ತು ಅವರು 2014 ರಲ್ಲಿ ಬಿಜೆಪಿ ಸೇರಿದರು.
2015 ರಲ್ಲಿ ದಿಲೀಪ್ ಘೋಷ್ ಬಂಗಾಳ ಬಿಜೆಪಿಯ ಉಸ್ತುವಾರಿಯನ್ನು ವಹಿಸಿಕೊಂಡ ನಂತರ, ಟಿಬ್ರೆವಾಲ್ ಅವರನ್ನು ಪಕ್ಷದ ಯುವ ವಿಭಾಗ ಮತ್ತು ಅದರ ಕಾನೂನು ಕೋಶಕ್ಕೆ ಸೇರಿಸಲಾಯಿತು. ಅವರು ಪಕ್ಷವನ್ನು ಪ್ರತಿನಿಧಿಸಿ ಹಲವಾರು ದೂರದರ್ಶನ ಚಾನೆಲ್ ಚರ್ಚೆಗಳಲ್ಲಿ ಕಾಣಿಸಿಕೊಂಡರು. ನಿಧಾನವಾಗಿ, ಅವರು ಪಕ್ಷದಲ್ಲಿ ತಮ್ಮ ಸ್ಥಾನವನ್ನು ಗಟ್ಟಿಗೊಳಿಸಿಕೊಂಡರು ಮತ್ತು 2020 ರಲ್ಲಿ ಪಕ್ಷದ ಯುವ ಘಟಕದ ರಾಜ್ಯ ಉಪಾಧ್ಯಕ್ಷರಾದರು.
ಟಿಬ್ರೆವಾಲ್‌ಗೆ 2021 ರ ಚುನಾವಣೆಯಲ್ಲಿ ಎಂಟಲ್ಲಿಯಿಂದ ಚುನಾವಣೆ ಟಿಕೆಟ್ ನೀಡಲಾಯಿತು ಆದರೆ 50,000 ಕ್ಕಿಂತ ಹೆಚ್ಚು ಮತಗಳಿಂದ ಸೋಲಿಸಲ್ಪಟ್ಟರು. ಮಾರ್ವಾಡಿಯಾಗಿದ್ದರೂ, ಟಿಬ್ರೆವಾಲ್ ಕೋಲ್ಕತ್ತಾದ ನಾಡಿಮಿಡಿತವನ್ನು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದಾರೆ. ರಾಜ್ಯದಲ್ಲಿ ಚುನಾವಣೋತ್ತರ ಹಿಂಸಾಚಾರ ಭುಗಿಲೆದ್ದಿದ್ದರಿಂದ, 164 ಬಿಜೆಪಿ ಕಾರ್ಯಕರ್ತರ ಕುಟುಂಬಗಳು ತಮ್ಮ ಮನೆಗಳನ್ನು ತೊರೆಯಬೇಕಾಯಿತು. ಟಿಎಂಸಿ ವಿರುದ್ಧ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ ಬಿಜೆಪಿಯ ಕಾನೂನು ಕೋಶದ ಮೊದಲ ವಕೀಲೆ ಪ್ರಿಯಾಂಕಾ ಟಿಬ್ರೆವಾಲ್.
ಅತ್ಯಾಚಾರಕ್ಕೊಳಗಾದ ಮಹಿಳೆಯರಿಗಾಗಿ ನ್ಯಾಯಕ್ಕಾಗಿ ನಮ್ಮ ಪ್ರಯತ್ನದಲ್ಲಿ ಇಬ್ಬರು ಮಹಿಳೆಯರು ಪ್ರಮುಖ ಪಾತ್ರ ವಹಿಸಿದ್ದಾರೆ” ಎಂದು ಪಶ್ಚಿಮ ಬಂಗಾಳದ ಬಿಜೆಪಿ ನಾಯಕರೊಬ್ಬರು ಹೇಳಿದರು. “ಒಬ್ಬರು ಪ್ರಿಯಾಂಕಾ ಟಿಬ್ರೆವಾಲ್ ಮತ್ತು ಇನ್ನೊಬ್ಬರು ಲಾಕೆಟ್ ಚಟರ್ಜಿ. ಇಬ್ಬರೂ ಮಹಿಳೆಯರ ಗುರುತನ್ನು ಉಳಿದವರಿಂದ ರಕ್ಷಿಸಿದರು. ನಮ್ಮ ಪಕ್ಷದ ಇತರ ಪಕ್ಷದ ನಾಯಕರಿಗೂ ಸಹ ಸಂತ್ರಸ್ತರನ್ನು ಭೇಟಿ ಮಾಡಲು ಅವರಿಬ್ಬರು ಅವಕಾಶ ನೀಡಲಿಲ್ಲ ಎಂದು ಹೇಳಿದ್ದಾರೆ.
ಲಾಕೆಟ್ ಚಟರ್ಜಿ, ಸಂಸದರು ಹಾಗೂ ಉತ್ತರಾಖಂಡದಲ್ಲಿ ಪಕ್ಷದ ಸಹ-ಉಸ್ತುವಾರಿಯಾಗಿ ನೇಮಕಗೊಂಡಿದ್ದಾರೆ.
ಬಿಜೆಪಿಯ ಕೇಂದ್ರ ನಾಯಕರ ತಂಡ ಸೆಪ್ಟೆಂಬರ್ 30 ರ ಉಪಚುನಾವಣೆಗೆ ಟಿಬ್ರೆವಾಲ್‌ಗಾಗಿ ಪ್ರಚಾರ ಮಾಡಲಿದೆ. ಅವರಲ್ಲಿ ಹರ್ದೀಪ್ ಸಿಂಗ್ ಪುರಿ, ಸ್ಮೃತಿ ಇರಾನಿ, ಬಾಬುಲ್ ಸುಪ್ರಿಯೋ ಮತ್ತು ಘೋಷ್, ಸುವೇಂದು ಅಧಿಕಾರಿ, ದಿನೇಶ್ ತ್ರಿವೇದಿ, ಚಟರ್ಜಿ ಮತ್ತು ಸ್ವಪನ್ ದಾಸ್ಗುಪ್ತಾ ಸೇರಿದಂತೆ ಬಹುತೇಕ ಎಲ್ಲಾ ರಾಜ್ಯ ನಾಯಕರು ಸೇರಿದ್ದಾರೆ.
ಹೆಚ್ಚು ಗಮನಾರ್ಹವಾದ ಸಂಗತಿಯೆಂದರೆ, ಪ್ರತ್ಯೇಕ ಉತ್ತರ ಬಂಗಾಳ ರಾಜ್ಯಕ್ಕೆ ಬೇಡಿಕೆ ಸಲ್ಲಿಸಿದ ಜಾನ್ ಬಾರ್ಲಾ ಕೂಡ ಪ್ರಚಾರ ಮಾಡುತ್ತಿದ್ದಾರೆ. ಬಿಜೆಪಿ ಅಧ್ಯಕ್ಷ ಜೆ.ಪಿ ನಡ್ಡಾ ಬರುತ್ತಾರೆಯೋ ಇಲ್ಲವೋ ಎಂಬುದು ಸ್ಪಷ್ಟವಾಗಿಲ್ಲ.
ಟಿಬ್ರೆವಾಲ್ ಬಂಗಾಳದ ಮುಖ್ಯಮಂತ್ರಿ ಮಮತಾ ವಿರುದ್ಧ ಹೋರಾಟಕ್ಕೆ ಸಜ್ಜಾಗಿದ್ದಾರೆ. “ಮುಖ್ಯಮಂತ್ರಿಯನ್ನು ಸೋಲಿಸದೆ ಈ ಕ್ರೂರ ಆಡಳಿತಗಾರರನ್ನು ನ್ಯಾಯಕ್ಕೆ ತರಲು ಉತ್ತಮ ಮಾರ್ಗ ಯಾವುದು? ನೀವು ನನ್ನನ್ನು ಡಾರ್ಕ್‌ ಹಾರ್ಸ್‌ ಎಂದು ಪರಿಗಣಿಸಬಹುದು ಆದರೆ ಕೊನೆಯ ಮತದ ವರೆಗೆ ನಾನು ಹೋರಾಡುತ್ತೇನೆ ಎಂದು ಅವರು ಹೇಳಿದ್ದಾರೆ.
ಚುನಾವಣೆಯಲ್ಲಿ ಬ್ಯಾನರ್ಜಿ ಮಹಿಳೆಯನ್ನು ಎದುರಿಸುತ್ತಿರುವುದು ಇದೇ ಮೊದಲಲ್ಲ. 1989 ರ ಲೋಕಸಭಾ ಚುನಾವಣೆಯಲ್ಲಿ ಸಿಪಿಐ (ಎಂ) ನ ಮಹಿಳಾ ಅಭ್ಯರ್ಥಿ ವಿರುದ್ಧ ಮಮತಾ ಸೋಲು ಅನುಭವಿಸಿದ್ದರು. ಇಂಗ್ಲಿಷ್ ಪ್ರಾಧ್ಯಾಪಕರಾದ ಮಾಲಿನಿ ಭಟ್ಟಾಚಾರ್ಯ ಅವರು ಮಮತಾ ಬ್ಯಾನರ್ಜಿ ಅವರನ್ನು ಸೋಲಿಸಿದ್ದರು.
ನಿಮ್ಮ ಕಾಮೆಂಟ್ ಬರೆಯಿರಿ