ವರದಕ್ಷಿಣೆ ವಿರುದ್ಧ ಕ್ರಮ.. ಕ್ಯಾಲಿಕಟ್ ವಿಶ್ವವಿದ್ಯಾಲಯ ಪ್ರವೇಶಕ್ಕೆ ಈಗ ವರದಕ್ಷಿಣೆ ಕೇಳುವುದಿಲ್ಲ ಎಂಬ ಘೋಷಣಾ ಪತ್ರ ಸಲ್ಲಿಕೆ ಕಡ್ಡಾಯ..!

ಕೋಝಿಕ್ಕೋಡು::ಹಲವಾರು ಪದವಿ ಹಾಗೂ, ಇಂಟಿಗ್ರೇಟೆಡ್ ಸ್ನಾತಕೋತ್ತರ ಕೋರ್ಸ್‌ಗಳಿಗಾಗಿ ಕ್ಯಾಲಿಕಟ್ ವಿಶ್ವವಿದ್ಯಾಲಯ ಪ್ರವೇಶ -2021 ಪ್ರಾರಂಭವಾಗಿದ್ದು, ಸೆಪ್ಟೆಂಬರ್ 15, 2021 ರಂದು ವಿಶ್ವವಿದ್ಯಾಲಯವು ಹೊರಡಿಸಿದ ಸುತ್ತೋಲೆಯ ಪ್ರಕಾರ, ವಿದ್ಯಾರ್ಥಿಗಳು ವರದಕ್ಷಿಣೆ ವಿರೋಧಿ ಘೋಷಣಾ ಪತ್ರ ಸಲ್ಲಿಸುವುದು ಕಡ್ಡಾಯವಾಗಿದೆ…!
ವಿಶ್ವವಿದ್ಯಾನಿಲಯವು ನೀಡುವ ಪದವಿ ಹಾಗೂ ಮತ್ತು ಸ್ನಾತಕೋತ್ತರ ಪದವಿ ಕೋರ್ಸ್‌ಗಳಿಗೆ ಪ್ರವೇಶ ಪಡೆಯಲು ವಿದ್ಯಾರ್ಥಿಗಳು ಈ ಘೋಷಣಾ ಪತ್ರವನ್ನು ಕಡ್ಡಾಯವಾಗಿ ಸಲ್ಲಿಸಬೇಕು.
ಸುತ್ತೋಲೆಯ ಪ್ರಕಾರ ವರದಿಯಾಗಿರುವ ವರದಕ್ಷಿಣೆ ಸಾವುಗಳ ಸಂಖ್ಯೆಯಿಂದಾಗಿ ಉಪಕುಲಪತಿಗಳು ಈ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ವರದಕ್ಷಿಣೆ ಸಾವುಗಳು ಕೌಟುಂಬಿಕ ದೌರ್ಜನ್ಯಕ್ಕೆ ಸಂಬಂಧಿಸಿವೆ, ಇದು ವರದಕ್ಷಿಣೆ ಸಾವಿನ ಹೆಚ್ಚಳವನ್ನು ತಡೆಯಲು ವಿಶ್ವವಿದ್ಯಾನಿಲಯವು ಬಲವಾದ ಕ್ರಮಗಳನ್ನು ತೆಗೆದುಕೊಳ್ಳಲು ಕಾರಣವಾಯಿತು. ಹೀಗಾಗಿ, ಸುತ್ತೋಲೆಯ ಪ್ರಕಾರ, ವಿಶ್ವವಿದ್ಯಾನಿಲಯದ ಎಲ್ಲ ಪಾಲುದಾರರು (stakeholders) ವರದಕ್ಷಿಣೆಗಾಗಿ ಬೇಡಿಕೆ ಇಡಬಾರದು ಅಥವಾ ಸ್ವೀಕರಿಸಬಾರದು.
ಇದಲ್ಲದೆ, ಎಲ್ಲ ಮಧ್ಯಸ್ಥಗಾರರೂ (stakeholders) ಪರೋಕ್ಷವಾಗಿ ವರದಕ್ಷಿಣೆ ತೆಗೆದುಕೊಳ್ಳುವಲ್ಲಿ ಅಥವಾ ಯಾರಿಂದಲೂ ವರದಕ್ಷಿಣೆ ಪ್ರೋತ್ಸಾಹಿಸಬಾರದು. ಆದ್ದರಿಂದ, ತಮ್ಮ ಪ್ರವೇಶದ ಸಮಯದಲ್ಲಿ, ಎಲ್ಲ ವಿದ್ಯಾರ್ಥಿಗಳು ವಧುವಿನ ಪೋಷಕರು ಅಥವಾ ಪೋಷಕರಿಂದ ನೇರವಾಗಿ ಅಥವಾ ಪರೋಕ್ಷವಾಗಿ ವರದಕ್ಷಿಣೆ ಕೇಳುವುದಿಲ್ಲ ಎಂದು ಸ್ಪಷ್ಟವಾಗಿ ಹೇಳುವ ಘೋಷಣಾ ಪತ್ರಕ್ಕೆ ಸಹಿ ಹಾಕಬೇಕು.
ವಿದ್ಯಾರ್ಥಿಗಳು ನಿಯಮವನ್ನು ಉಲ್ಲಂಘಿಸಿದರೆ, ಅವರ ಪ್ರವೇಶವನ್ನು ರದ್ದುಗೊಳಿಸಬಹುದು ಎಂಬುದನ್ನು ತಿಳಿಸಲಾಗಿದೆ. ಮುಂದೆ, ವಿಶ್ವವಿದ್ಯಾನಿಲಯವು ಇತರ ಕ್ರಮಗಳನ್ನು ತೆಗೆದುಕೊಳ್ಳಬಹುದು, ಉದಾಹರಣೆಗೆ ಆಯಾ ವಿದ್ಯಾರ್ಥಿಗೆ ಪದವಿ ನೀಡದಿರುವುದು ಅಥವಾ ವಿದ್ಯಾರ್ಥಿಯಿಂದ ಪದವಿ ಹಿಂಪಡೆಯುವುದು. ವಿದ್ಯಾರ್ಥಿಗಳ ಜೊತೆಯಲ್ಲಿ, ಅವರ ಪೋಷಕರು ಸಹ ತಮ್ಮ ಮಕ್ಕಳಿಗೆ ಕ್ಯಾಲಿಕಟ್ ವಿಶ್ವವಿದ್ಯಾಲಯಕ್ಕೆ ಪ್ರವೇಶ ಪಡೆಯಲು ಅನುವು ಮಾಡಿಕೊಡಲು ಈ ಘೋಷಣಾ ಪತ್ರಕ್ಕೆಸಹಿ ಹಾಕಬೇಕು.
ಪೋಷಕರಿಂದ ಸಹಿ ಮಾಡಬೇಕಾದ ಘೋಷಣಾಪತ್ರವು ವಧುವಿನ ಕುಟುಂಬದಿಂದ ಯಾವುದೇ ವರದಕ್ಷಿಣೆ ಅಥವಾ ವರದಕ್ಷಿಣೆ ಪ್ರೋತ್ಸಾಹವು ತಮ್ಮ ಮಕ್ಕಳ ಪ್ರವೇಶವನ್ನು ರದ್ದುಗೊಳಿಸುವುದಕ್ಕೆ ಅಥವಾ ವಿಶ್ವವಿದ್ಯಾನಿಲಯದಿಂದ ಪದವಿ ನಿರಾಕರಣೆಗೆ ಕಾರಣವಾಗುತ್ತದೆ ಎಂದು ತಿಳಿಸುತ್ತದೆ. ಅವರ ಹೆಸರು, ಆಧಾರ್ ಕಾರ್ಡ್ ಸಂಖ್ಯೆ ಮತ್ತು ವಸತಿ ವಿಳಾಸವನ್ನು ನಮೂದಿಸಬೇಕಾಗುತ್ತದೆ.
ವರದಕ್ಷಿಣೆ ನಿಷೇಧ ಕಾಯ್ದೆ, 1961 ರಂತೆಯೇ ವರದಕ್ಷಿಣೆಗೂ ಅದೇ ಅರ್ಥವಿರುತ್ತದೆ” ಎಂದು ಅದು ಉಲ್ಲೇಖಿಸುತ್ತದೆ. ಸಂಸತ್ತು 1961 ರಲ್ಲಿ ಅಂಗೀಕರಿಸಿದ ವರದಕ್ಷಿಣೆ ನಿಷೇಧ ಕಾಯಿದೆ, ಯಾವುದೇ ವ್ಯಕ್ತಿಯು ವರದಕ್ಷಿಣೆ ತೆಗೆದುಕೊಳ್ಳುವುದನ್ನು ಕಾನೂನುಬಾಹಿರಗೊಳಿಸುತ್ತದೆ. ಈ ಕಾಯ್ದೆಯು ಭಾರತದ ಎಲ್ಲ ಧರ್ಮಗಳ ಜನರಿಗೆ ಅನ್ವಯಿಸುತ್ತದೆ ಮತ್ತು ಇದು ವರದಕ್ಷಿಣೆ ನೀಡುವುದನ್ನು ಅಥವಾ ಸ್ವೀಕರಿಸುವುದನ್ನು ದೇಶದಲ್ಲಿ ಕಾನೂನುಬಾಹಿರಗೊಳಿಸುತ್ತದೆ.