ನವದೆಹಲಿ: ಉತ್ತರಾಖಂಡದ ಪರ್ವತದ ಮೇಲೆ ಶುಕ್ರವಾರ ಹಿಮಪಾತದಲ್ಲಿ ಸಿಲುಕಿ ನಾಪತ್ತೆಯಾಗಿದ್ದ ಭಾರತೀಯ ನೌಕಾಪಡೆಯ ಐವರು ಪರ್ವತಾರೋಹಿಗಳಲ್ಲಿ ನಾಲ್ವರ ಮೃತದೇಹವನ್ನು ಪತ್ತೆ ಮಾಡಲಾಗಿದೆ.
ಲೆಫ್ಟಿನೆಂಟ್ ಸಿಡಿಆರ್ ರಜನಿಕಾಂತ್ ಯಾದವ್, ಲೆಫ್ಟಿನೆಂಟ್ ಸಿಡಿಆರ್ ಯೋಗೀಶ್ ತಿವಾರಿ, ಲೆಫ್ಟಿನೆಂಟ್ ಸಿಡಿಆರ್ ಅನಂತ್ ಕುಕ್ರೆಟಿ ಮತ್ತು ಹರಿ ಓಂ ಅವರ ಶವಗಳನ್ನು ಚಮೋಲಿಯಿಂದ ಶನಿವಾರ ಪತ್ತೆಹಚ್ಚಲಾಗಿದೆ ಎಂದು ಭಾರತೀಯ ನೌಕಾಪಡೆ ಟ್ವೀಟ್ ಮಾಡಿದೆ ಹಾಗೂ ದುಃಖಿತ ಕುಟುಂಬಗಳಿಗೆ ಸಾಂತ್ವನ ಹೇಳಿದೆ.ಐದನೇ ಪರ್ವತಾರೋಹಿ ಹಾಗೂ ಶರ್ಪಾನಿಗಾಗಿ ಶೋಧ ಕಾರ್ಯಗಳು ಮುಂದುವರಿದಿದೆ. ಪರ್ವತಾರೋಹಿಗಳು, ಭಾರತೀಯ ನೌಕಾಪಡೆಯ ಪರ್ವತಾರೋಹಣ ತಂಡದ ಸದಸ್ಯರು, ಶುಕ್ರವಾರ ಮುಂಜಾನೆ ಬೃಹತ್ ಹಿಮಪಾತಕ್ಕೆ ಸಿಲುಕಿದರು. ಅವರು ಮೌಂಟ್ ತ್ರಿಶೂಲ್ ಶಿಖರದಿಂದ 500 ಮೀಟರ್‌ಗಿಂತಲೂ ಕಡಿಮೆ ದೂರದಲ್ಲಿದ್ದರು.
20 ಸದಸ್ಯರ ಪರ್ವತಾರೋಹಣವು ಸೆಪ್ಟೆಂಬರ್ 3 ರಂದು ಮುಂಬೈನಿಂದ ಫ್ಲ್ಯಾಗ್ ಆಫ್ ಆಗಿತ್ತು. ಹತ್ತು ಪರ್ವತಾರೋಹಿಗಳು ಶನಿವಾರ ಶಿಖರಕ್ಕೆ ಏರಲು ಆರಂಭಿಸಿದರು ಆದರೆ ಹಿಮಪಾತದಲ್ಲಿ ಸಿಲುಕಿಕೊಂಡರು. ಹತ್ತರಲ್ಲಿ ಐವರು ಸುರಕ್ಷಿತವಾಗಿದ್ದಾರೆಂದು ದೃಢಪಟ್ಟಿದೆ. ಶನಿವಾರದಿಂದ ಉಳಿದವರಿಗಾಗಿ ಶೋಧ ಮತ್ತು ರಕ್ಷಣಾ ಪ್ರಯತ್ನಗಳು ಮುಂದುವರಿದಿದ್ದು, ಇವರಲ್ಲಿ ನಾಲ್ವರ ಮೃತದೇಃಗಳು ಪತ್ತೆಯಾಗಿವೆ ಎಂದು ನೌಕಾಪಡೆ ತಿಳಿಸಿದೆ.
ಭಾರತೀಯ ಸೇನೆ, ಭಾರತೀಯ ವಾಯುಪಡೆ ಮತ್ತು ರಾಜ್ಯ ವಿಪತ್ತು ಪ್ರತಿಕ್ರಿಯೆ ಪಡೆಯಿಂದ ಗ್ರೌಂಡ್ ತಂಡಗಳು ಮತ್ತು ಹೆಲಿಕಾಪ್ಟರ್‌ಗಳನ್ನು ನಿಯೋಜಿಸಲಾಗಿದೆ.
ಮೃತರಲ್ಲಿ ಅನುಭವಿ ಮತ್ತು ದಾಖಲೆ ನಿರ್ಮಿಸುವ ಆರೋಹಿಗಳು ಸೇರಿದ್ದಾರೆ. ಲೆಫ್ಟಿನೆಂಟ್ ಸಿಡಿಆರ್ ಯೋಗೀಶ್ ತಿವಾರಿ ಅವರು 13 ನೇ ವಯಸ್ಸಿನಲ್ಲಿ ಮೌಂಟ್ ಭಾಗೀರಥಿ (6,512 ಮೀ) ಏರಿದ್ದರು ಮತ್ತು 2015 ರಲ್ಲಿ ನಾಲ್ಕು ತಿಂಗಳಲ್ಲಿ ಮೂರು ಶಿಖರಗಳನ್ನು ಏರಿದ್ದರು. ಅವರು 11 ಹಿಮಾಲಯನ್ ಪಾಸ್‌ಗಳಲ್ಲಿ ಸೈಕ್ಲಿಂಗ್‌ನಲ್ಲಿ ಲಿಮ್ಕಾ ದಾಖಲೆಯನ್ನು ಹೊಂದಿದ್ದರು.
ಲೆಫ್ಟಿನೆಂಟ್ ಸಿಡಿಆರ್ ರಜನಿಕಾಂತ್ ಯಾದವ್ ಅವರು 2013 ರಲ್ಲಿ ತಿವಾರಿ ಜೊತೆಗೆ ಸೈಕ್ಲಿಂಗ್ ದಾಖಲೆ ನಿರ್ಮಿಸಿದ್ದರು, ಕೊಚ್ಚಿ ಮೂಲದ ಐಎನ್ಎಸ್ ವೆಂದುರುತಿಯಿಂದ ತಮಿಳುನಾಡಿನ ಅರಕ್ಕೋಣಂನಲ್ಲಿ ಐಎನ್ಎಸ್ ರಾಜಾಲಿಗೆ 94 ಗಂಟೆಗಳ ಅವಧಿಯಲ್ಲಿ 1,423 ಕಿಮೀ ಕ್ರಮಿಸಿದ್ದರು.
ಲೆಫ್ಟಿನೆಂಟ್ ಸಿಡಿಆರ್ ಅನಂತ್ ಕುಕ್ರೇಟಿ ಅವರು 2017 ರಲ್ಲಿ ಮೌಂಟ್ ಎವರೆಸ್ಟ್ ಅನ್ನು ಏರಿದ ನೌಕಾಪಡೆಯ ಸಿಬ್ಬಂದಿಯಲ್ಲಿದ್ದರು.
ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ತಮ್ಮ ಸಂತಾಪ ಸೂಚಿಸಿ ಟ್ವೀಟ್ ಮಾಡಿದ್ದಾರೆ. ಮೌಂಟ್ ತ್ರಿಶೂಲ್‌ಗೆ ಭಾರತೀಯ ನೌಕಾಪಡೆಯ ಪರ್ವತಾರೋಹಣ ಯಾತ್ರೆಯ ಭಾಗವಾಗಿದ್ದ ನಾಲ್ವರು ನೌಕಾಪಡೆಯ ಸಿಬ್ಬಂದಿಯ ದುರಂತ ಸಾವಿನಿಂದ ತೀವ್ರವಾಗಿ ನೊಂದಿದ್ದೇನೆ. ಈ ದುರಂತದಲ್ಲಿ ರಾಷ್ಟ್ರವು ಅಮೂಲ್ಯವಾದ ಯುವ ಜೀವಗಳನ್ನು ಮಾತ್ರವಲ್ಲದೆ ಧೈರ್ಯಶಾಲಿ ಸೈನಿಕರನ್ನೂ ಕಳೆದುಕೊಂಡಿದೆ ಎಂದು ಅವರು ಸಂತಾಪ ಸೂಚಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ