ನವದೆಹಲಿ: 30 ವರ್ಷದ ಮಹಿಳೆಯೊಬ್ಬಳನ್ನು ಸಿಗರೇಟ್ ನೀಡಲು ನಿರಾಕರಿಸಿದ ಕಾರಣಕ್ಕೆ ವ್ಯಕ್ತಿಯೊಬ್ಬ ಕ್ರೂರವಾಗಿ ಹಲ್ಲೆ ಮಾಡಿ ಕೊಲೆ ಮಾಡಿದ ಘಟನೆ ವರದಿಯಾಗಿದೆ.
ಆರೋಪಿ ದಿಲೀಪ್ (45) ಎಂಬಾತನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ವಿಭಾ ಎಂಬ ಮಹಿಳೆ ತನ್ನ ಗಂಡ ಮತ್ತು ಇಬ್ಬರು ಮಕ್ಕಳೊಂದಿಗೆ ದ್ವಾರಕೆಯ ಡಾಬ್ರಿಯಲ್ಲಿ ವಾಸಿಸುತ್ತಿದ್ದು, ತನ್ನ ಗಂಡನ ಜೊತೆ ಅಂಗಡಿ ನಡೆಸುತ್ತಿದ್ದಳು. ಭಾನುವಾರ ರಾತ್ರಿ, ದಿಲೀಪ್ ಅಂಗಡಿಗೆ ಹೋಗಿ ಸಿಗರೇಟ್ ಮತ್ತು ಸ್ವಲ್ಪ ಆಹಾರವನ್ನು ಕೇಳಿದ್ದಾನೆ ಆದರೆ ತನ್ನ ಬಳಿ ಹಣವಿಲ್ಲ ಎಂದು ಹೇಳಿದ್ದಾನೆ. ವಿಭಾ ಕೊಡಲು ನಿರಾಕರಿಸಿದಾಗ, ಆತ ವಾಗ್ವಾದ ಮಾಡಿದ್ದಾನೆ, ನಂತರ ಚಾಕುವಿನಿಂದ ಹಲ್ಲೆ ಮಾಡಿದ್ದಾನೆ.
ರಾತ್ರಿ 10.15 ಕ್ಕೆ ಈ ಘಟನೆ ನಡೆದಿದೆ ಎಂದು ಡಿಸಿಪಿ (ದ್ವಾರಕಾ) ಶಂಕರ್ ಚೌಧರಿ ತಿಳಿಸಿದ್ದಾರೆ. “ದಿಲೀಪ್ ಒಬ್ಬ ಕೊಳಾಯಿಗಾರ ಮತ್ತು ಗುತ್ತಿಗೆದಾರ. ಆ ಸಮಯದಲ್ಲಿ ಆತ ಕುಡಿದಿದ್ದ ಮತ್ತು ವಿಭಾ ಜೊತೆ ತೀವ್ರ ವಾಗ್ವಾದ ನಡೆಸಿದ್ದ. ಅವಳು ಅವನನ್ನು ಪೊರಕೆಯಿಂದ ಹೆದರಿಸಲು ಪ್ರಯತ್ನಿಸಿದಳು. ಅವನು ಟೂಲ್‌ಬಾಕ್ಸ್ ಒಯ್ಯುತ್ತಿದ್ದನು ಮತ್ತು ಚಾಕುವಿನಿಂದ ಅವಳ ಕುತ್ತಿಗೆ ಕೊಯ್ದಿದ್ದಾನೆ. ತಕ್ಷಣವೇ ವಿಭಾ ಅವರನ್ನು ಡಿಡಿಯು ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಅಲ್ಲಿ ವೈದ್ಯರು ಆಕೆ ಬರುವಾಗಲೇ ಮೃತಪಟ್ಟಿದ್ದಾರೆ ಎಂದು ಘೋಷಿಸಿದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳಲ್ಲಿ ಆರೋಪಿಯು ಮಹಿಳೆಯೊಂದಿಗೆ ಜಗಳವಾಡುತ್ತಿರುವುದು ಕಂಡುಬಂದಿದೆ. ಮಹಿಳೆ ಕೋಲಿನಿಂದ ಆರೋಪಿಯನ್ನು ಬೆದರಿಸಲು ಪ್ರಯತ್ನಿಸಿದ್ದಾಳೆ. ಆದರೆ ಆರೋಪಿಯು ಚೀಲದಿಂದ ಆಯುಧವನ್ನು ಹೊರತೆಗೆದು ಅವಳ ಮೇಲೆ ಹಲ್ಲೆ ಮಾಡಿದ್ದಾನೆ.
ಸ್ಥಳೀಯರು ದಿಲೀಪನನ್ನು ಹಿಡಿದು ಥಳಿಸಿದ್ದಾರೆ ಎಂದು ಆರೋಪಿಸಲಾಗಿದೆ. “ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿರುವಾಗ, ಕೆಲವರು ಸ್ಥಳದಲ್ಲಿ ಜಮಾಯಿಸಿದರು ಮತ್ತು ದಿಲೀಪನನ್ನು ತಮಗೆ ಒಪ್ಪಿಸಬೇಕೆಂದು ಒತ್ತಾಯಿಸಿದರು. ಕೆಲವು ಸ್ಥಳೀಯರು ಆರೋಪಿಯ ಮೇಲೆ ಕಲ್ಲು ತೂರಿದ ನಂತರ ಇಬ್ಬರು ಕಾನ್‌ಸ್ಟೇಬಲ್‌ಗಳು ಗಾಯಗೊಂಡರು ಎಂದು ಡಿಸಿಪಿ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ