ನವದೆಹಲಿ: ಆದಾಯ ತೆರಿಗೆ ಇಲಾಖೆಯು ಹೊಸ ಐಟಿ ಪೋರ್ಟಲ್ ಅನ್ನು ಗಣನೀಯವಾಗಿ ಸ್ಥಿರಗೊಳಿಸಿದೆ ಎಂದು ಗುರುವಾರ ತಿಳಿಸಲಾಗಿದೆ. ಇದುವರೆಗೆ ಎರಡು ಕೋಟಿಗೂ ಹೆಚ್ಚು ಐಟಿಆರ್ಗಳನ್ನು ಸಲ್ಲಿಸಲಾಗಿದೆ ಎಂದು ಮಾಹಿತಿ ನೀಡಿದೆ.
ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿಯು(ಸಿಬಿಡಿಟಿ) ಎಲ್ಲ ಐಟಿಆರ್ಗಳನ್ನು ಇ-ಫೈಲಿಂಗ್ಗಾಗಿ ಲಭ್ಯಗೊಳಿಸಿದೆ ಮತ್ತು ತೆರಿಗೆ ಪಾವತಿದಾರರು ತಮ್ಮ ಆದಾಯ ತೆರಿಗೆ ರಿಟರ್ನ್ಸ್ (ಐಟಿಆರ್)ಗಳನ್ನು 2020-21ರ ಹಣಕಾಸು ವರ್ಷಕ್ಕೆ (ಏಪ್ರಿಲ್ 2020-ಮಾರ್ಚ್ 2021) ಬೇಗನೆ ಸಲ್ಲಿಸಬೇಕು ಎಂದು ತಿಳಿಸಿದೆ.
1.70 ಕೋಟಿಗೂ ಹೆಚ್ಚು ರಿಟರ್ನ್ಸ್ಗಳನ್ನು ಇ-ವೆರಿಫೈ ಮಾಡಲಾಗಿದ್ದು, ಅದರಲ್ಲಿ 1.49 ಕೋಟಿ ಆಧಾರ್ ಆಧಾರಿತ OTP ಮೂಲಕ ಮಾಡಲಾಗಿದೆ. ಇಲಾಖೆಯು ಐಟಿಆರ್ ಪ್ರಕ್ರಿಯೆಯನ್ನು ಆರಂಭಿಸಲು ಮತ್ತು ಯಾವುದಾದರೂ ಇದ್ದರೆ ಮರುಪಾವತಿಯನ್ನು ನೀಡಲು ಆಧಾರ್ ಒಟಿಪಿ ಮತ್ತು ಇತರ ವಿಧಾನಗಳ ಮೂಲಕ ಇ-ವೆರಿ
1.06 ಕೋಟಿ ಐಟಿಆರ್ಗಳನ್ನು ಪ್ರೊಸೆಸ್ ಮಾಡಲಾಗಿದೆ ಮತ್ತು ಅಸೆಸ್ಮೆಂಟ್ ವರ್ಷ (AY) 2021-22ಕ್ಕೆ 36.22 ಲಕ್ಷಕ್ಕೂ ಹೆಚ್ಚು ಮರುಪಾವತಿಗಳನ್ನು ನೀಡಲಾಗಿದೆ. ಪರಿಶೀಲಿಸಿದ ಐಟಿಆರ್ 1 ಮತ್ತು 4 ಅಲ್ಲದೆ ಅಕ್ಟೋಬರ್ 13ರವರೆಗೆ 13.44 ಕೋಟಿ ವಿಶಿಷ್ಟ ತೆರಿಗೆದಾರರು ಲಾಗ್ ಇನ್ ಮಾಡಿದ್ದಾರೆ. ಮತ್ತು ಸುಮಾರು 54.70 ಲಕ್ಷ ತೆರಿಗೆದಾರರು ತಮ್ಮ ಪಾಸ್ವರ್ಡ್ಗಳನ್ನು ಪಡೆಯಲು ಮರೆತುಹೋದ ಪಾಸ್ವರ್ಡ್ (Forget Password) ಸೌಲಭ್ಯವನ್ನು ಪಡೆದುಕೊಂಡಿದ್ದಾರೆ. ಅಸೆಸ್ಮೆಂಟ್ಗಾಗಿ ವಿಡಿಯೊ ಕಾನ್ಫರೆನ್ಸಿಂಗ್ ಮತ್ತು ಅಧಿಕೃತ ಪ್ರತಿನಿಧಿಗಳಿಂದ ನೇಮಕ ಮತ್ತು ಮುಂದೂಡುವಂತೆ ಕೇಳುವುದು ಅಥವಾ ನೇಮಕಾತಿ ಹಾಗೂ ಫೈಲಿಂಗ್ಗಳನ್ನು ಒಳಗೊಂಡಂತೆ ಇ-ಪ್ರೊಸೀಡಿಂಗ್ಗಳು ಮತ್ತು ಫೇಸ್ಲೆಸ್ ಪ್ರಕ್ರಿಯೆಗಳನ್ನು ಸಕ್ರಿಯಗೊಳಿಸಲಾಗಿದೆ ಎಂದು ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ