ಲಂಡನ್: ಭಾರತ್ ಬಯೋಟೆಕ್ನ ಕೋವಿಡ್-19 ಲಸಿಕೆ ಕೋವಾಕ್ಸಿನ್ಗೆ ವಿಶ್ವ ಆರೋಗ್ಯ ಸಂಸ್ಥೆ (WHO) ತುರ್ತು ಬಳಕೆ ಅನುಮೋದನೆ ನೀಡಿದ ಒಂದು ವಾರದ ನಂತರ, ಬ್ರಿಟನ್ ಸರ್ಕಾರವು ಅಂತಿಮವಾಗಿ ಕೋವಾಕ್ಸಿನ್ ಅನ್ನು ತನ್ನ ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಅನುಮೋದಿತ ಕೋವಿಡ್ -19 ಲಸಿಕೆಗಳ ಪಟ್ಟಿಗೆ ಸೇರಿಸುವುದಾಗಿ ಹೇಳಿದೆ ಹಾಗೂ ಈ ಬದಲಾವಣೆಗಳು ನವೆಂಬರ್ 22 ರಂದು ಬೆಳಿಗ್ಗೆ 4 ಗಂಟೆಗೆ ಜಾರಿಗೆ ಬರಲಿವೆ.
ಬ್ರಿಟನ್ ಸರ್ಕಾರದ ಅನುಮೋದನೆ ಎಂದರೆ ಭಾರತ್ ಬಯೋಟೆಕ್-ತಯಾರಿಸಿದ ಭಾರತದ ಮೊದಲ ಸ್ಥಳೀಯ ಲಸಿಕೆ ಕೊವ್ಯಾಕ್ಸಿನ್ ಹಾಕಿಸಿಕೊಂಡವರು ಇಂಗ್ಲೆಂಡ್ಗೆ ಬಂದ ನಂತರ ಸ್ವಯಂ-ಪ್ರತ್ಯೇಕವಾಗಿ ಇರಬೇಕಾಗಿಲ್ಲ.
ಈ ಕುರಿತು ಭಾರತದ ಬ್ರಿಟಿಷ್ ಹೈ ಕಮಿಷನರ್ ಅಲೆಕ್ಸ್ ಎಲ್ಲಿಸ್ ಸೋಮವಾರ ಟ್ವಿಟರ್ನಲ್ಲಿ ತಿಳಿಸಿದ್ದಾರೆ.
ಕೊವ್ಯಾಕ್ಸಿನ್ ಜೊತೆಗೆ, ಡಬ್ಲ್ಯುಎಚ್ಒ (WHO) ಎಮರ್ಜೆನ್ಸಿ ಯೂಸ್ ಲಿಸ್ಟಿಂಗ್ನಲ್ಲಿರುವ ಚೀನಾದ ಸಿನೊವಾಕ್ ಮತ್ತು ಸಿನೋಫಾರ್ಮ್ ಅನ್ನು ಬ್ರಿಟನ್ ಸರ್ಕಾರವು ಬ್ರಿಟನ್ನಿಗೆ ಬರುವ ಪ್ರಯಾಣಕ್ಕಾಗಿ ಅನುಮೋದಿತ ಲಸಿಕೆಗಳಾಗಿ ಗುರುತಿಸುತ್ತದೆ, ಯುನೈಟೆಡ್ ಅರಬ್ ಎಮಿರೇಟ್ಸ್ ಮತ್ತು ಮಲೇಷ್ಯಾದಿಂದ ಸಂಪೂರ್ಣವಾಗಿ ಲಸಿಕೆ ಪಡೆದ ಜನರಿಗೆ ಪ್ರಯೋಜನವನ್ನು ನೀಡುತ್ತದೆ. ಈ ಸಂಪೂರ್ಣ ಲಸಿಕೆಯನ್ನು ಪಡೆದ ಪ್ರಯಾಣಿಕರು ಪೂರ್ವ ನಿರ್ಗಮನ ಪರೀಕ್ಷೆ, ಅಥವಾ ಆಗಮನದ ನಂತರ ಸ್ವಯಂ-ಪ್ರತ್ಯೇಕತೆಯನ್ನು ತೆಗೆದುಕೊಳ್ಳುವ ಅಗತ್ಯವಿಲ್ಲ.
.
ನಿಮ್ಮ ಕಾಮೆಂಟ್ ಬರೆಯಿರಿ