ಮತಾಂತರ ವಿರೋಧಿ ಮಸೂದೆಗೆ ಆತಂಕ: ಸಂವಿಧಾನ ಮತಾಂತರ ನಿರ್ಬಂಧಿಸುವುದಿಲ್ಲ ಎಂದ ಬೆಂಗಳೂರು ಆರ್ಚ್‌ಬಿಷಪ್

ಬೆಂಗಳೂರು: ಕರ್ನಾಟಕ ಸರ್ಕಾರವು ಮುಂದಿನ ದಿನಗಳಲ್ಲಿ ಮಂಡಿಸಲಿರುವ ಮತಾಂತರ ವಿರೋಧಿ ಮಸೂದೆಯ ಬಗ್ಗೆ ಕ್ರೈಸ್ತ ಸಮುದಾಯವು ಆತಂಕಕ್ಕೊಳಗಾಗಿದೆ ಎಂದು ಬೆಂಗಳೂರು ಆರ್ಚ್ ಬಿಷಪ್ ಪೀಟರ್ ಮಚಾಡೋ ಶನಿವಾರ ಹೇಳಿದ್ದಾರೆ.
ಅಂತಹ ಮಸೂದೆಯು ರಾಜ್ಯದಲ್ಲಿ ಕೋಮು ಅಶಾಂತಿಯನ್ನು ಸೃಷ್ಟಿಸುತ್ತದೆ ಎಂದು ಅವರು ಹೇಳಿದ್ದಾರೆ.
ಮಾಧ್ಯಮದವರೊಂದಿಗೆ ಮಾತನಾಡಿದ ಪೀಟರ್ ಮಚಾಡೊ, “ನಾವು ಕ್ರೈಸ್ತರು ಮತಾಂತರ ವಿರೋಧಿ ಮಸೂದೆಯ ಬಗ್ಗೆ ಸ್ವಲ್ಪ ಚಿಂತಿತರಾಗಿದ್ದೇವೆ.
“ನಿಮಗೆ ಧರ್ಮದ ಸ್ವಾತಂತ್ರ್ಯವಿಲ್ಲದಿದ್ದರೆ ಅದು ಮಾನವ ಹಕ್ಕುಗಳ ಸಮಸ್ಯೆಯಾಗುತ್ತದೆ. ಇದು ಜಾತ್ಯತೀತ ದೇಶ ಮತ್ತು ಪ್ರತಿಯೊಬ್ಬ ನಾಗರಿಕರಿಗೂ ಆಚರಣೆ ಮಾಡುವ ಹಕ್ಕು, ವೃತ್ತಿ ಮಾಡುವ ಹಕ್ಕು, ಪ್ರಚಾರ ಮಾಡುವ ಹಕ್ಕಿದೆ. ಸಂವಿಧಾನವು ಧರ್ಮದ ಪರಿವರ್ತನೆ ನಿರ್ಬಂಧಿಸುವುದಿಲ್ಲ ಎಂದು ಅವರು ಹೇಳಿದ್ದಾರೆ.
ಸಂವಿಧಾನದ 25 ಮತ್ತು 26 ನೇ ವಿಧಿಯನ್ನು ಉಲ್ಲೇಖಿಸಿದ ಆರ್ಚ್‌ಬಿಷಪ್, ಅಂತಹ ಕಾನೂನುಗಳನ್ನು ಪರಿಚಯಿಸುವುದು ನಾಗರಿಕರ, ವಿಶೇಷವಾಗಿ ಅಲ್ಪಸಂಖ್ಯಾತ ಸಮುದಾಯಗಳ ಹಕ್ಕುಗಳನ್ನು ಉಲ್ಲಂಘಿಸಿದಂತಾಗುತ್ತದೆ. ರಾಜ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅಧಿಕೃತ ಮತ್ತು ಅನಧಿಕೃತ ಕ್ರೈಸ್ತ ಮಿಷನರಿಗಳು ಮತ್ತು ಸಂಸ್ಥೆಗಳ ಸಮೀಕ್ಷೆಯನ್ನು ನಡೆಸಲು ಕರ್ನಾಟಕ ಸರ್ಕಾರದ ಆದೇಶವನ್ನು ಅವರು ಪ್ರಶ್ನಿಸಿದ್ದಾರೆ.