ಜುನಾಗಢ: ಗಿರ್ ಅರಣ್ಯದ ಹಳ್ಳಿಯೊಂದರಲ್ಲಿ ಕಂಬಕ್ಕೆ ಕಟ್ಟಿ ಹಾಕಿದ ಹಸುವನ್ನು ಸಿಂಹವೊಂದು ಕೊಂದು ತಿನ್ನುತ್ತಿರುವ ಕಾನೂನು ಬಾಹಿರ ಕಾರ್ಯಕ್ರಮ ವೀಕ್ಷಿಸಲು ನೆರೆದಿದ್ದ ಜನರ ಗುಂಪೊಂದರ ವಿಡಿಯೊ ಆಗಿದ್ದು, ಈ ಸಂಬಂಧ ಗುಜರಾತ್ ಅರಣ್ಯ ಇಲಾಖೆ 12 ಜನರ ವಿರುದ್ಧ ಎಫ್‌ಐಆರ್ ದಾಖಲಿಸಿದೆ ಎಂದು ಅಧಿಕಾರಿಯೊಬ್ಬರು ಭಾನುವಾರ ತಿಳಿಸಿದ್ದಾರೆ.
ಘಟನೆಯ ಕುರಿತು ಇದುವರೆಗೆ ನಡೆಸಲಾದ ತನಿಖೆಯ ಪ್ರಕಾರ, ನವೆಂಬರ್ 8 ರಂದು ಗಿರ್ ಅರಣ್ಯದ ದೇವಲಿಯಾ ವ್ಯಾಪ್ತಿಯ ಹಳ್ಳಿಯಲ್ಲಿ ಈ ಅಕ್ರಮ ಪ್ರದರ್ಶನ ಆಯೋಜಿಸಲಾಗಿದೆ. ಸಿಂಹಕ್ಕೆ ಗೋವಿನ ಆಮಿಷ ಒಡ್ಡಿ, ವಿಕೃತ ಆನಂದ ಪಡೆಯಲಾಗಿದೆ ಎಂದು ಅವರು ಹೇಳಿದ್ದಾರೆ.
ಗಿರ್ ಅರಣ್ಯ ರಾಷ್ಟ್ರೀಯ ಉದ್ಯಾನವನ ಮತ್ತು ವನ್ಯಜೀವಿ ಅಭಯಾರಣ್ಯವನ್ನು ಸಾಸನ್-ಗಿರ್ ಎಂದೂ ಕರೆಯುತ್ತಾರೆ, ಇದನ್ನು ಏಷ್ಯಾಟಿಕ್ ಸಿಂಹಗಳ “ಕೊನೆಯ ವಾಸಸ್ಥಾನ” ಎಂದು ಕರೆಯಲಾಗುತ್ತದೆ.
ಈ ಘಟನೆ ಸಂಬಂಧ ನಾವು 12 ಅಪರಿಚಿತ ವ್ಯಕ್ತಿಗಳ ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದೇವೆ ಮತ್ತು ಮೂವರನ್ನು ವಿಚಾರಣೆಗಾಗಿ ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಏಷಿಯಾಟಿಕ್ ಸಿಂಹವು ಕಂಬಕ್ಕೆ ಕಟ್ಟಿದ ಹಸುವನ್ನು ಕೊಲ್ಲುವುದನ್ನು ವೀಕ್ಷಿಸಲು ನೆರೆದಿದ್ದ ಜನರ ಗುಂಪನ್ನು ತೋರಿಸುವ ವಿಡಿಯೊದ ಆಧಾರದ ಮೇಲೆ ಕ್ರಮ ತೆಗೆದುಕೊಳ್ಳಲಾಗಿದೆ. ಸಿಂಹದ ಅಕ್ರಮ ಪ್ರದರ್ಶನದ ಸಲುವಾಗಿ ಸಿಂಹವನ್ನು ಆಕರ್ಷಿಸಲು ಸಂಘಟಕರು ಹಸುವನ್ನು ಆಮಿಷವಾಗಿ ಬಳಸಿಕೊಂಡಿದ್ದಾರೆ ಎಂದು ಉಪ ಅರಣ್ಯ ಸಂರಕ್ಷಣಾಧಿಕಾರಿ (ಜುನಾಗಢ) ಎಸ್‌ಕೆ ಬರ್ವಾಲ್ ಹೇಳಿದ್ದಾರೆ.
ವಿಡಿಯೊದಲ್ಲಿ, ಗುಂಪಿನಲ್ಲಿರುವ ಜನರು ದೂರದಿಂದ ನೋಡುತ್ತಿರುವಾಗಲೂ ಸಿಂಹವು ಶವವನ್ನು ತಿನ್ನುತ್ತಿರುವುದನ್ನು ಕಾಣಬಹುದು.ಅವರಲ್ಲಿ ಕೆಲವರು ಮೊಬೈಲ್ ಫೋನ್‌ಗಳಲ್ಲಿ ಕಾರ್ಯಕ್ರಮವನ್ನು ರೆಕಾರ್ಡ್ ಮಾಡುತ್ತಿರುವುದು ಕಂಡುಬರುತ್ತದೆ.
ಇಇದುವರೆಗಿನ ತನಿಖೆಯಿಂದ ನವೆಂಬರ್ 8 ರಂದು ಪ್ರದರ್ಶನವನ್ನು ಆಯೋಜಿಸಲಾಗಿದೆ ಎಂದು ತಿಳಿದುಬಂದಿದೆ ಮತ್ತು ಭಾಗವಹಿಸಿದವರು ಸಹ ಹೊರಗಿನವರೇ ಎಂದು ನಾವು ನಿರ್ಧರಿಸಲು ಪ್ರಯತ್ನಿಸುತ್ತಿದ್ದೇವೆ. ಪ್ರಕರಣದ ಪ್ರಮುಖ ಆರೋಪಿಯನ್ನು ಬಂಧಿಸಲು ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ ಎಂದು ಬರ್ವಾಲ್ ಹೇಳಿದ್ದಾರೆ.
ಆರೋಪಿಗಳ ವಿರುದ್ಧ ವನ್ಯಜೀವಿ (ರಕ್ಷಣೆ) ಕಾಯ್ದೆಯ ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಬೇಟೆ ಸೆಕ್ಷನ್‌ಗಳು (ಸೆಕ್ಷನ್ 9) ಸೇರಿದಂತೆ ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಈ ವರ್ಷದ ಆರಂಭದಲ್ಲಿ, ಗಿರ್ ಸೋಮನಾಥ ನ್ಯಾಯಾಲಯವು ಅಂತಹ ಒಂದು ಪ್ರದರ್ಶನ ಆಯೋಜಿಸಿ ಏಷ್ಯಾಟಿಕ್ ಸಿಂಹಕ್ಕೆ ಕಿರುಕುಳ ನೀಡಿದ ಆರು ಜನರಿಗೆ ಮೂರು ವರ್ಷಗಳ ಜೈಲು ಶಿಕ್ಷೆ ವಿಧಿಸಿತ್ತು.
ಆಮಿಷವಾಗಿ ಕೋಳಿಯನ್ನು ನೇತುಹಾಕುವ ಮೂಲಕ ವ್ಯಕ್ತಿಯೊಬ್ಬ ಸಿಂಹಿಣಿಯನ್ನು ಆಮಿಷವೊಡ್ಡುತ್ತಿರುವುದನ್ನು ವಿಡಿಯೊ ತೋರಿಸಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ