ನವದೆಹಲಿ: ಅಸ್ಸಾಮಿ ಲೇಖಕ ನೀಲ್ಮಣಿ ಫೂಕನ್ ಅವರಿಗೆ 56ನೇ ಜ್ಞಾನಪೀಠ ಪ್ರಶಸ್ತಿ ಮತ್ತು ಕೊಂಕಣಿ ಸಣ್ಣಕಥೆಗಾರ ಮತ್ತು ಕಾದಂಬರಿಕಾರ ದಾಮೋದರ್ ಮೌಜೊ ಅವರು ಭಾರತೀಯ ಸಾಹಿತ್ಯಕ್ಕೆ ನೀಡಿದ ಅತ್ಯುತ್ತಮ ಕೊಡುಗೆಗಾಗಿ 57ನೇ ಜ್ಞಾನಪೀಠ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಫೂಕನ್ ಅವರಿಗೆ 56ನೇ ಜ್ಞಾನಪೀಠ ಪ್ರಶಸ್ತಿ ಲಭಿಸಿದ್ದು, ಮೌಜೊ ಅವರಿಗೆ 57ನೇ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ ಎಂದು ಪ್ರಶಸ್ತಿ ಪ್ರದಾನ ಮಾಡುವ ಸಾಹಿತ್ಯ ಸಂಸ್ಥೆ ಭಾರತೀಯ ಜ್ಞಾನಪೀಠ ತಿಳಿಸಿದೆ.
1983 ರಲ್ಲಿ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಡೆದಿರುವ ದಾಮೋದರ್ ಮೌಜೊ ಅವರು 2021 ರ ಜ್ಞಾನಪೀಠ ಪ್ರಶಸ್ತಿಗೆ ಭಾಜನರಾಗಿದ್ದಾರೆ ಮತ್ತು ನೀಲ್ಮಣಿ ಫೂಕನ್ ಅವರು 2020ರ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಜ್ಞಾನಪೀಠವು ಭಾರತದ ಅತ್ಯುನ್ನತ ಸಾಹಿತ್ಯ ಪ್ರಶಸ್ತಿಯಾಗಿದೆ.
ದಾಮೋದರ್ ಮೌಜೊ..:
ಆಗಸ್ಟ್ 1, 1 1944ರಂದು ಜನಿಸಿದ ದಾಮೋದರ್ ಮೌಜೊ ಅವರು ಗೋವಾದಿಂದ ತೆರೇಸಾಸ್ ಮ್ಯಾನ್ ಮತ್ತು ಇತರ ಕಥೆಗಳ ಸಣ್ಣ ಕಥೆಗಳ ಸಂಗ್ರಹಕ್ಕಾಗಿ ಜನಪ್ರಿಯರಾಗಿದ್ದಾರೆ. ಅವರು ಬರೆದ ಈ ಸಣ್ಣ ಕಥೆಗಳು 2015 ರಲ್ಲಿ ಫ್ರಾಂಕ್ ಓ’ಕಾನ್ನರ್ ಅಂತಾರಾಷ್ಟ್ರೀಯ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿವೆ, ಇದಲ್ಲದೇ, ಕಾರ್ಮೆಲಿನ್ ಕಾದಂಬರಿಗಾಗಿ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿಯಿಂದ 1983 ರಲ್ಲಿ ಅವರನ್ನು ಗೌರವಿಸಲಾಯಿತು ಮತ್ತು ಸುನಾಮಿ ಸೈಮನ್ ಕೃತಿಗೆ 2011ರಲ್ಲಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಸಾಹಿತ್ಯ ಪುರಸ್ಕಾರಕ್ಕೆ ಭಾಜನರಾದರು.
1976 ರಲ್ಲಿ ಗೋವಾದಲ್ಲಿ ನಡೆದ ಐತಿಹಾಸಿಕ ಅಭಿಪ್ರಾಯ ಸಂಗ್ರಹದಲ್ಲಿ ಕೊಂಕಣಿ ಬರಹಗಾರ ಸಕ್ರಿಯವಾಗಿ ಭಾಗವಹಿಸಿದರು, ಅದು ಹೊಸದಾಗಿ ವಿಮೋಚನೆಗೊಂಡ ಗೋವಾದ ರಾಜಕೀಯ ಸ್ಥಿತಿಯನ್ನು ನಿರ್ಧರಿಸಿತು. ಗೋವಾದ ಯಶಸ್ವಿ ಆಂದೋಲನ ಕೊಂಕಣಿ ಪೊರ್ಜೆಚೊ ಆವಾಜ್‌ನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ದಾಮೋದರ್ ಅವರು ಗೋವಾ ಕಲೆ ಮತ್ತು ಸಾಹಿತ್ಯೋತ್ಸವದ ಸಹ-ಸ್ಥಾಪಕರು ಮತ್ತು ಸಹ-ಕ್ಯುರೇಟರ್ ಆಗಿದ್ದಾರೆ.
ನೀಲ್ಮಣಿ ಫೂಕನ್…
1933ರಲ್ಲಿ ಅಸ್ಸಾಂನ ದೇರ್ಗಾಂವ್‌ನಲ್ಲಿ ಜನಿಸಿದ ಫುಕಾನ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (1981) ಪಡೆದಿದ್ದಾರೆ. ಅಸ್ಸಾಮಿ ಕಾವ್ಯದಲ್ಲಿ ಫೂಕನ್‌ನ ಕೃತಿಯನ್ನು ಸಾಂಕೇತಿಕತೆಯ ಪ್ರತಿನಿಧಿಯಾಗಿ ಪರಿಗಣಿಸಲಾಗಿದೆ.1990 ರಲ್ಲಿ ದೇಶವು ಅವರಿಗೆ ಪದ್ಮಶ್ರೀ ಪ್ರಶಸ್ತಿಯನ್ನು ನೀಡಿ ಗೌರವಿಸಿದೆ. ಅವರಿಗೆ 1997 ರಲ್ಲಿ ಅಸ್ಸಾಂ ವ್ಯಾಲಿ ಸಾಹಿತ್ಯ ಪ್ರಶಸ್ತಿಯನ್ನು ನೀಡಲಾಗಿದ್ದು. 2002 ರಲ್ಲಿ ಅವರು ಸಾಹಿತ್ಯ ಅಕಾಡೆಮಿ ಫೆಲೋಶಿಪ್ ಪಡೆದುಕೊಂಡಿದ್ದಾರೆ. ಗುಲಾಪಿ ಜಮೂರ್ ಲಗೇನಾ, ಸೂರ್ಯ ಹೆನು ನಮಿ ಅಹೇ ಏಹಿ ನಡೀದಿ, ಮತ್ತು ಕಬಿತಾ ಅವರ ಕೆಲವು ಪ್ರಮುಖ ಕೃತಿಗಳು.
ನಿಮ್ಮ ಕಾಮೆಂಟ್ ಬರೆಯಿರಿ