ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರು ಸೋಮವಾರ, ಡಿಸೆಂಬರ್ ೧೩ರಂದು ಕಾಶಿ ವಿಶ್ವನಾಥ ಕಾರಿಡಾರ್ ಉದ್ಘಾಟಿಸಲಿದ್ದಾರೆ, ಇದು ಕಾಶಿ ವಿಶ್ವನಾಥ ದೇವಾಲಯವನ್ನು ಗಂಗಾ ನದಿಯ ದಡಕ್ಕೆ ಸಂಪರ್ಕಿಸುವ ಸುಲಭವಾಗಿ ಪ್ರವೇಶಿಸಬಹುದಾದ ಮಾರ್ಗವನ್ನು ನಿರ್ಮಾಣ ಮಾಡುವ ಪ್ರಧಾನಮಂತ್ರಿಯವರ ಬಹುಕಾಲದ ಕನಸಾಗಿದೆ.
ಈ ಯೋಜನೆಯು 40 ಕ್ಕೂ ಹೆಚ್ಚು ಪ್ರಾಚೀನ ದೇವಾಲಯಗಳನ್ನು ಪುನಃಸ್ಥಾಪಿಸಿ ಸುಂದರಗೊಳಿಸುವುದರೊಂದಿಗೆ ಬೃಹತ್ 5 ಲಕ್ಷ ಚದರ ಅಡಿಗಳಲ್ಲಿ ಹರಡಿದೆ. ಭಕ್ತರಿಗೆ ವಿವಿಧ ಸೌಲಭ್ಯಗಳನ್ನು ಒದಗಿಸಲು 23 ಹೊಸ ಕಟ್ಟಡಗಳನ್ನು ನಿರ್ಮಿಸಲಾಗಿದೆ. ಮಾರ್ಚ್ 8, 2019 ರಂದು ಪ್ರಧಾನಿ ಮೋದಿ ಅವರು ಈ ಯೋಜನೆಗೆ ಅಡಿಪಾಯ ಹಾಕಿದರು.
ಪ್ರಧಾನಿ ಮೋದಿ ಸೋಮವಾರ ಬೆಳಗ್ಗೆ ವಾರಾಣಸಿ ವಿಮಾನ ನಿಲ್ದಾಣವನ್ನು ತಲುಪಿ ನಂತರ ಹೆಲಿಕಾಪ್ಟರ್ ಮೂಲಕ ಸಂಪೂರ್ಣಾನಂದ ಸಂಸ್ಕೃತ ವಿಶ್ವವಿದ್ಯಾಲಯದ ಕ್ಯಾಂಪಸ್‌ಗೆ ಪ್ರಯಾಣಿಸುವ ನಿರೀಕ್ಷೆಯಿದೆ. ನಂತರ ಅವರು ಕಾಲ ಭೈರವ ಮಂದಿರಕ್ಕೆ ಪ್ರಯಾಣಿಸಿ ನಂತರ ಜಲಮಾರ್ಗದಲ್ಲಿ ಕಾರಿಡಾರ್‌ಗೆ ಹೊಂದಿಕೊಂಡಿರುವ ಘಾಟ್‌ಗೆ ತಲುಪುತ್ತಾರೆ.
ಪ್ರಧಾನಿ ಮೋದಿ ಅವರು ಘಾಟ್ ಕಡೆಯಿಂದ ಕಾಶಿ ವಿಶ್ವನಾಥ ಧಾಮವನ್ನು ತಲುಪುತ್ತಾರೆ, ನಂತರ ಕಾರಿಡಾರ್ ಉದ್ಘಾಟಿಸುತ್ತಾರೆ. ಅವರು ಹೊಸ ಕಾರಿಡಾರ್ ಆವರಣದಲ್ಲಿ ಪಾದಯಾತ್ರೆ ಮಾಡುತ್ತಾರೆ ಮತ್ತು ನಿರ್ಮಿಸಲಾದ ಕಟ್ಟಡಗಳನ್ನು ನೋಡುತ್ತಾರೆ” ಎಂದು ವಾರಣಾಸಿ ಜಿಲ್ಲಾಧಿಕಾರಿ ತಿಳಿಸಿದ್ದಾರೆ. ಕಾರ್ಯಕ್ರಮವು ಸುಮಾರು 2-3 ಗಂಟೆಗಳ ವರೆಗೆ ನಡೆಯುತ್ತದೆ. ಸೋಮವಾರ, ಡಿಸೆಂಬರ್ 13 ರಂದು ಉದ್ಘಾಟನೆ ವೀಕ್ಷಿಸಲು 3,000 ಕ್ಕೂ ಹೆಚ್ಚು ವೀಕ್ಷಕರು, ಕಲಾವಿದರು ಮತ್ತು ಇತರ ಗಣ್ಯ ವ್ಯಕ್ತಿಗಳು ಉಪಸ್ಥಿತರಿರಲಿದ್ದಾರೆ.
ಪರಿಸರ ಸಂರಕ್ಷಣೆಯ ಸಂದೇಶ ಸಾರುವ ಕಾಶಿ ಕಾರಿಡಾರ್…
ಪರಿಸರ ಸಂರಕ್ಷಣೆಯ ಸಂದೇಶ ಸಾರಲು ನೂತನವಾಗಿ ನಿರ್ಮಿಸಿರುವ ಕೃಷಿ ಕಾರಿಡಾರ್ ರುದ್ರಾಕ್ಷಿ, ಬೇಲ್, ಪಾರಿಜಾತ, ಆಮ್ಲಾ, ಅಶೋಕ ಮರಗಳಿಂದ ಕಂಗೊಳಿಸಲಿದೆ. ದೇವಾಲಯದ ಆವರಣ ಮತ್ತು ಮಂದಿರ ಚೌಕದಾದ್ಯಂತ ಗಿಡಗಳನ್ನು ನೆಡಲು ವಿಶೇಷ ವ್ಯವಸ್ಥೆ ಮಾಡಲಾಗಿದೆ.
ಸುಲಭ-ಸರಳ -ಸುರಕ್ಷಿತ ದರ್ಶನಕ್ಕಾಗಿ ಮೂರು ಪ್ರಯಾಣಿಕರ ಸೌಲಭ್ಯ ಕೇಂದ್ರಗಳು
ವಿವಿಧ ಧಾರ್ಮಿಕ ಕಾರ್ಯಗಳಿಗೆ ವಿವಿಧ ಕಟ್ಟಡಗಳು ಮತ್ತು ಸೌಲಭ್ಯಗಳನ್ನು ನಿರ್ಮಿಸಲಾಗಿದೆ. ವಿಶ್ವನಾಥ ಧಾಮದಲ್ಲಿ ಮೂರು ಪ್ರಯಾಣಿಕರ ಅನುಕೂಲ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ. ಅಲ್ಲದೆ, ಲಾಕರ್‌ಗಳು, ಟಿಕೆಟ್ ಕೌಂಟರ್‌ಗಳು, ಭಕ್ತರಿಗೆ ಪೂಜಾ ಸಾಮಗ್ರಿಗಳನ್ನು ಮಾರಾಟ ಮಾಡುವ ಅಂಗಡಿಗಳು ಅಲ್ಲಿ ಲಭ್ಯವಿರುತ್ತವೆ.
8 ಲಕ್ಷ ಕುಟುಂಬಗಳಿಗೆ ಕಾಶಿ ವಿಶ್ವನಾಥ ಧಾಮ ಪ್ರಸಾದ ವಿತರಣೆ
ವಾರಣಾಸಿ ಜಿಲ್ಲಾಡಳಿತವು ಈ ಸಂದರ್ಭದಲ್ಲಿ ನಗರದ 8 ಲಕ್ಷ ಮನೆಗಳಿಗೆ ಲಡ್ಡುಗಳನ್ನು ವಿತರಿಸಲಿದೆ. ಸುಮಾರು 28 ರಿಂದ 30 ಲಕ್ಷ ಲಡ್ಡುಗಳನ್ನು ವಿತರಿಸಲಾಗುತ್ತಿದ್ದು, ಈಗಾಗಲೇ ತಯಾರಿ ಆರಂಭವಾಗಿದೆ. ಪ್ರತಿ ಪ್ಯಾಕೆಟ್‌ನಲ್ಲಿ ಅವುಗಳ ಗಾತ್ರಕ್ಕೆ ಅನುಗುಣವಾಗಿ ಎರಡರಿಂದ ನಾಲ್ಕು ಲಡ್ಡುಗಳಿರುತ್ತವೆ. ದೇಶದ 12 ‘ಜ್ಯೋತಿರ್ಲಿಂಗ’ (ಶಿವ ದೇವಾಲಯಗಳು) ಗಳಲ್ಲಿ ಒಂದಾಗಿರುವ ಕಾಶಿ ವಿಶ್ವನಾಥ ದೇವಾಲಯದ ಆಧ್ಯಾತ್ಮಿಕ ಪ್ರಾಮುಖ್ಯತೆಯ ಬಗ್ಗೆ ಮಾಹಿತಿಯನ್ನು ಒಳಗೊಂಡಿರುವ ಜೊತೆಗೆ ಕಿರುಪುಸ್ತಕವನ್ನು ಸಹ ಸಿಹಿತಿಂಡಿಗಳ ವಿತರಿಸಲಾಗುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ