ಕಾಲಿನಲ್ಲಿ ಅನುಮಾನಾಸ್ಪದ ಸಾಧನ ಹೊಂದಿದ್ದ 2 ಪಾರಿವಾಳಗಳು ಪತ್ತೆ

ಅಹಮದಾಬಾದ್: ಕಾಲುಗಳಲ್ಲಿ ಸಾಧನ ಹೊಂದಿದ್ದ ಎರಡು ಅನುಮಾನಾಸ್ಪದ ಪಾರಿವಾಳಗಳನ್ನು ದೋಣಿ ಮಾಲೀಕರು ಪೊಲೀಸರಿಗೆ ಒಪ್ಪಿಸಿರುವುದು ವರದಿಯಾಗಿದೆ.
ಪಾರಿವಾಳಗಳು ತಮ್ಮ ಕಾಲುಗಳಲ್ಲಿ ಉಂಗುರದ ಆಕಾರದ ಸಣ್ಣ ಸಾಧನವನ್ನು ಹೊಂದಿದ್ದು, ಡಿಸೆಂಬರ್ 5 ರಂದು/ಮೀನುಗಾರಿಕಾ ದೋಣಿಯಲ್ಲಿ ಬಂದು ಕುಳಿತಿವೆ.
ಈ ದೋಣಿಯು ಶನಿವಾರ ಪೋರಬಂದರ್‌ಗೆ ತಲುಪಿದ್ದು, ಆ ಬಳಿಕ ದೋಣಿ ಮಾಲೀಕರು ಪೊಲೀಸ್‌ ಅಧಿಕಾರಿಗಳಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
ಈ ಕುರಿತು ಪೊಲೀಸ್‌ ಅಧಿಕಾರಿ ಸ್ಮಿತ್‌ ಗೋಹಿಲ್‌ ಮಾಹಿತಿ ನೀಡಿದ್ದು, ಅರಣ್ಯ ಇಲಾಖೆಯೊಂದಿಗೆ ಸಮಾಲೋಚನೆ ನಡೆಸಿದ ನಂತರ ಸಾಧನವನ್ನು ಪಕ್ಷಿಗಳ ಕಾಲಿನಿಂದ ತೆಗೆದುಹಾಕಲಾಗುವುದು. ಆ ನಂತರ ಪರೀಕ್ಷೆಗಾಗಿ ಸಾಧನವನ್ನು ಗಾಂಧಿನಗರಕ್ಕೆ ಕಳುಹಿಸಲಾಗುವುದು ಎಂದು ತಿಳಿಸಿದ್ದಾರೆ.
ಕೆಲವು ತಿಂಗಳ ಹಿಂದೆ ಗುಜರಾತಿನಲ್ಲಿ ಪಾರಿವಾಳವೊಂದು ಕಾಲಿಗೆ ಚಿಪ್ ಅಳವಡಿಸಿದ್ದು ಇದೇ ರೀತಿಯ ಘಟನೆ ವರದಿಯಾಗಿತ್ತು.
ಖಾಸಗಿ ಕಂಪನಿಯೊಂದರಲ್ಲಿ ನೀರು ತುಂಬಿದ ಪಾತ್ರೆಯಲ್ಲಿ ಪಾರಿವಾಳ ಪತ್ತೆಯಾಗಿದೆ. ಪಾರಿವಾಳದ ಕಾಲಿನಲ್ಲಿ ಉಂಗುರ ಮತ್ತು ಸಣ್ಣ ಸಾಧನವನ್ನು ಗಮನಿಸಿದ ಸಿಬ್ಬಂದಿ ಅರಣ್ಯ ಅಧಿಕಾರಿಗಳನ್ನು ಕರೆದರು, ಅವರು ಪಾರಿವಾಳದ ಕಾಲಿನಲ್ಲಿ ಉಂಗುರ ಮತ್ತು ಸಣ್ಣ ಸಾಧನವನ್ನು ಗಮನಿಸಿದ ನಂತರ ಪೊಲೀಸ್ ಇಲಾಖೆಯನ್ನು ಸಂಪರ್ಕಿಸಿದರು ”ಎಂದು ಗುಜರಾತ್ ಸೊಸೈಟಿ ಫಾರ್ ಪ್ರಿವೆನ್ಶನ್ ಆಫ್ ಕ್ರೂಲ್ಟಿ ಟು ಅನಿಮಲ್ಸ್ (ಜಿಎಸ್‌ಪಿಸಿಎ) ಮೇ ತಿಂಗಳಲ್ಲಿ ತಿಳಿಸಿತ್ತು.