ಕರಾಚಿ: ಬಾಲಕಿಯ ಅಪಹರಣ, ಕಿರುಕುಳ ಮತ್ತು ಬೆದರಿಕೆ ಆರೋಪದ ಮೇಲೆ ಪಾಕಿಸ್ತಾನ ಟೆಸ್ಟ್ ಲೆಗ್ ಸ್ಪಿನ್ನರ್ ಯಾಸಿರ್ ಶಾ ಮತ್ತು ಆತನ ಸ್ನೇಹಿತನ ವಿರುದ್ಧ ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.
ಬಾಲಕಿ ದೂರು ನೀಡಿದ ನಂತರ ಲಾಹೋರ್ನ ಶಾಲಿಮಾರ್ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ. ಈ ಬಗ್ಗೆ ಪಾಕಿಸ್ತಾನ ಕ್ರಿಕೆಟಿಗರು ಇನ್ನೂ ಪ್ರತಿಕ್ರಿಯಿಸಿಲ್ಲ.
ಎಫ್ಐಆರ್ನಲ್ಲಿ, ಯಾಸಿರ್ನ ಸ್ನೇಹಿತ ಫರ್ಹಾನ್ ತನ್ನನ್ನು ಗನ್ಪಾಯಿಂಟ್ನಲ್ಲಿ ಅಪಹರಿಸಿ, ಅತ್ಯಾಚಾರ ಮಾಡಿ ವಿಡಿಯೊಗಳನ್ನು ಮಾಡಿದ ಮತ್ತು ನಂತರ ತನಗೆ ಬೆದರಿಕೆ ಹಾಕಿದ್ದಾನೆ ಎಂದು ಹುಡುಗಿ ಆರೋಪಿಸಿದ್ದಾರೆ.
ಯಾಸಿರ್ ಶಾ ತನ್ನ ಸ್ನೇಹಿತನಿಗೆ ಸಹಾಯ ಮಾಡಿದ್ದಾನೆ ಮತ್ತು ನಂತರ ಫರ್ಹಾನ್ ಜೊತೆಗೂಡಿ ತಾನು ಧ್ವನಿ ಎತ್ತಿದರೆ ತನ್ನ ವಿಡಿಯೊಗಳನ್ನು ಬಿಡುಗಡೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ ಎಂದು ಹುಡುಗಿ ಆರೋಪಿಸಿದ್ದಾಳೆ
ಪೊಲೀಸರಿಗೆ ಸಲ್ಲಿಸಿದ ದೂರಿನ ಪ್ರಕಾರ, ಹುಡುಗಿ ಯಾಸಿರ್ನನ್ನು ವಾಟ್ಸಾಪ್ನಲ್ಲಿ ಸಂಪರ್ಕಿಸಿ ಸಹಾಯಕ್ಕಾಗಿ ಬೇಡಿಕೊಂಡಾಗ ಅವನು ತನ್ನನ್ನು ನೋಡಿ ನಕ್ಕನು ಮತ್ತು ಸಂಪೂರ್ಣ ವಿಷಯದ ಬಗ್ಗೆ ಮೌನವಾಗಿರಲು ಹೇಳಿದ್ದಾನೆ.
ತಾನು ಪೊಲೀಸರ ಮೊರೆ ಹೋದಾಗ ಯಾಸಿರ್ ತಾನು ಸುಮ್ಮನಿದ್ದರೆ 18 ವರ್ಷಗಳ ಕಾಲ ಫ್ಲ್ಯಾಟ್ ಮತ್ತು ಮಾಸಿಕ ಖರ್ಚನ್ನು ನೀಡುವುದಾಗಿ ಹೇಳಿದ್ದ ಎಂದು ಬಾಲಕಿ ಹೇಳಿಕೊಂಡಿದ್ದಾಳೆ.
ಬೆರಳಿನ ಗಾಯದಿಂದ ಬಳಲುತ್ತಿರುವ ಕಾರಣ ಯಾಸಿರ್ ಇತ್ತೀಚಿನ ಟೆಸ್ಟ್ ಸರಣಿಗಾಗಿ ಬಾಂಗ್ಲಾದೇಶಕ್ಕೆ ಪ್ರಯಾಣಿಸಿರಲಿಲ್ಲ.
ನಿಮ್ಮ ಕಾಮೆಂಟ್ ಬರೆಯಿರಿ