ಬೆಂಗಳೂರು: ಬೆಂಗಳೂರಿನಲ್ಲಿ ಒಂದೇ ದಿನದಲ್ಲಿ ಆರು ಸಾವಿರಕ್ಕೂ ಹೆಚ್ಚು ಕೊರೊನಾ ಸೋಂಕು ದಾಖಲಾಗಿದ್ದು, ಕರ್ನಾಟಕದಲ್ಲಿ ಕೊರೊನಾ ಏರುತ್ತಲೇ ಸಾಗಿದ್ದು, ಶುಕ್ರವಾರ (ಜ.7) ಒಂದೇ ದಿನ 8449 ಮಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ.
ಇದೇ ಸಮಯದಲ್ಲಿ ಸೋಂಕಿನಿಂದ ನಾಲ್ವರು ಸಾವನ್ನಪ್ಪಿದ್ದಾರೆ. 505 ಮಂದಿ ಸೋಂಕಿನಿಂದ ಚೇತರಿಸಿಕೊಂಡು ಬಿಡುಗಡೆಯಾಗಿದ್ದಾರೆ. ರಾಜ್ಯದಲ್ಲಿ ಪಾಸಿಟಿವಿಟಿ ದರ ಶೇ 4.15 ಇದ್ದು, ಸೋಂಕಿನಿಂದ ಮೃತಪಟ್ಟವರ ಪ್ರಮಾಣ ಶೇ 0.04 ಇದೆ.
ರಾಜ್ಯದಲ್ಲಿ ಈವರೆಗೆ 30,31,052 ಮಂದಿಯಲ್ಲಿ ಸೋಂಕು ದೃಢಪಟ್ಟಿದ್ದು, 29,62,548 ಜನರು ಚೇತರಿಸಿಕೊಂಡಿದ್ದಾರೆ. ಸೋಂಕಿನಿಂದ ಒಟ್ಟು 38,362 ಜನರು ಮೃತಪಟ್ಟಿದ್ದಾರೆ. ರಾಜ್ಯದಲ್ಲಿ ಸಕ್ರಿಯ ಪ್ರಕರಣಗಳು 30,113ಕ್ಕೆ ಏರಿಕೆಯಾಗಿದೆ.
ಬೆಂಗಳೂರು ನಗರದಲ್ಲಿಯೇ ಅತಿಹೆಚ್ಚು ಜನರಲ್ಲಿ ಸೋಂಕು ದೃಢಪಟ್ಟಿದೆ. ನಗರದ 6812 ಮಂದಿಯಲ್ಲಿ ಸೋಂಕು ದೃಢಪಟ್ಟಿದ್ದು, 352 ಮಂದಿ ಚೇತರಿಸಿಕೊಂಡಿದ್ದಾರೆ. ಮೂವರು ಮೃತಪಟ್ಟಿದ್ದಾರೆ. ಬೆಂಗಳೂರಿನಲ್ಲಿ ಈವರೆಗೆ ಒಟ್ಟು 12,83,186 ಜನರಲ್ಲಿ ಸೋಂಕು ದೃಢಪಟ್ಟಿದ್ದು, 12,41,398 ಮಂದಿ ಚೇತರಿಸಿಕೊಂಡಿದ್ದಾರೆ.ಸಕ್ರಿಯ ಪ್ರಕರಣಗಳು 25,370ಕ್ಕೆ ಏರಿಕೆಯಾಗಿದೆ ಹಾಗೂ ಈವರೆಗೆ ಒಟ್ಟು 16,417 ಮಂದಿ ಕೊವಿಡ್ನಿಂದ ಮೃತಪಟ್ಟಿದ್ದಾರೆ.
ಜಿಲ್ಲಾವಾರು ಸೋಂಕಿನ ಮಾಹಿತಿ…:
ಬೆಂಗಳೂರು ನಗರ -6812, ಬೆಂಗಳೂರು ಗ್ರಾಮಾಂತರ -74, ಬಾಗಲಕೋಟೆ-2, ರಾಯಚೂರು -2, ಬಳ್ಳಾರಿ -62, ಬೀದರ -20, ಚಾಮರಾಜನಗರ -7, ಚಿಕ್ಕಬಳ್ಳಾಪುರ- 21, ಚಿಕ್ಕಮಗಳೂರು -24 ದಕ್ಷಿಣ ಕನ್ನಡ -211, ಮೈಸೂರು- 219, ಮಂಡ್ಯ- 129, ಬೆಳಗಾವಿ -114, ಚಿತ್ರದುರ್ಗ -14, ದಾವಣಗೆರೆ -18, ಧಾರವಾಡ -66, ಗದಗ -10, ಹಾಸನ -89, ಕಲಬುರಗಿ -43, ಕೊಡಗು -29, ಕೋಲಾರ -98, ಕೊಪ್ಪಳ -5, ರಾಮನಗರ-20, ಶಿವಮೊಗ್ಗ -43, ತುಮಕೂರು -96, ಉಡುಪಿ -148, ಉತ್ತರ ಕನ್ನಡ-36, ವಿಜಯಪುರ- 36, ಯಾದಗಿರಿ -1.
ನಿಮ್ಮ ಕಾಮೆಂಟ್ ಬರೆಯಿರಿ