ಇದು ಸಲಿಂಗಿಗಳ ಮದುವೆ..: ಮನೆಯಿಂದ ಓಡಿ ಹೋಗಿ ಮದುವೆಯಾದ ಇಬ್ಬರು ಹುಡುಗಿಯರು..!

ರತನ್‌ಗಢ್ (ಚುರು). ಈ ಸಣ್ಣ ಪಟ್ಟಣದ ಕುಟುಂಬದ ಹುಡುಗಿ, ಪ್ರಪಂಚದ ಸಂಪ್ರದಾಯಗಳನ್ನು ಮೀರಿ ಕುಟುಂಬ ಸದಸ್ಯರ ಒಪ್ಪಿಗೆಗೆ ವಿರುದ್ಧವಾಗಿ ಹರಿಯಾಣದ ಗೆಳತಿಯೊಂದಿಗೆ ಓಡಿಹೋಗಿ ಮದುವೆಯಾಗಿದ್ದಾಳೆ..! ಇಬ್ಬರೂ ಮೊದಲು ಸ್ನೇಹಿತರಾಗಿದ್ದರು ಮತ್ತು ನಂತರ ಅದು ಪ್ರೀತಿಗೆ ತಿರುಗಿ ಅದು ಮದುವೆಯಲ್ಲಿ ಮುಕ್ತಾಯವಾಗಿದೆ.
ಇಬ್ಬರೂ ಸಂಬಂಧಿಕರು, ಒಂದು ವರ್ಷದ ಹಿಂದೆಯಷ್ಟೇ ಇಬ್ಬರೂ ಭೇಟಿಯಾಗಿದ್ದರು. ಚುರು ಹುಡುಗಿಯ ಕಣ್ಣು ಹರಿಯಾಣದ ಜಿಂದ್‌ನಲ್ಲಿ ವಾಸಿಸುವ ತನ್ನ ಅತ್ತಿಗೆಯ ಸಹೋದರಿಯ ಮೇಲೆ ಬಿದ್ದಿತು. ಇಬ್ಬರೂ ಕಡಿಮೆ ಸಮಯದಲ್ಲಿ ಪರಸ್ಪರ ಬಿಟ್ಟಿಲಾರದಷ್ಟು ಹತ್ತಿರವಾದರು. ವಿಷಯ ತಿಳಿದ ಕುಟುಂಬಸ್ಥರು ಇವರಿಗೆ ಎಲ್ಲ ರೀತಿಯ ಕಾವಲು ಹಾಕಿದ್ದರು. ಆದರೆ ಪರಸ್ಪರ ಪ್ರೀತಿಯಲ್ಲಿ ಮುಳುಗಿದ್ದ ಈ ಸಲಿಂಗ ಜೋಡಿ ಯಾರ ಮಾತನ್ನೂ ಕೇಳಲಿಲ್ಲ. ಮನೆಯಿಂದ ಓಡಿ ಹೋದರು ಹಾಗೂ ವಿವಾಹವಾದರು. ಈ ಕುರಿತು ಈ ಟಿವಿ ಭಾರತ್‌ (ಹಿಂದಿ) ವರದಿ ಮಾಡಿದೆ.
ಇದು ನಡೆದದ್ದು ಹೇಗೆ..?
ವರದಿ ಪ್ರಕಾರ, ಒಂದು ವರ್ಷದ ಹಿಂದೆ, ಹರಿಯಾಣದ 22 ವರ್ಷದ ಯುವತಿ ರತನ್‌ಗಢದಲ್ಲಿರುವ ತನ್ನ ಅತ್ತಿಗೆಯ ಮನೆಗೆ ಬಂದಿದ್ದಳು. ಇಲ್ಲಿ ಅವಳು ತನ್ನ ಸಹೋದರಿಯ 18 ವರ್ಷದ ಅತ್ತಿಗೆಯೊಂದಿಗೆ ಸ್ನೇಹ ಬೆಳೆಸಿದಳು. ನಂತರ ಆತ್ಮೀಯತೆ ಹೆಚ್ಚಾಯಿತು, ಇಬ್ಬರೂ ಪರಸ್ಪರ ಹೃದಯವನ್ನು ನೀಡಿದರು. 12 ನವೆಂಬರ್ 2021 ರ ರಾತ್ರಿ, ರತನ್‌ಗಢದ 18 ವರ್ಷದ ಹುಡುಗಿ ತನ್ನ ಮನೆಯಿಂದ ಓಡಿಬಂದು ಹರಿಯಾಣದ ಆದಂಪುರ ಮಂಡಿಯ 22 ವರ್ಷದ ಹುಡುಗಿಯನ್ನು ಭೇಟಿಯಾದಳು. ಇಬ್ಬರೂ ಫತೇಹಾಬಾದ್‌ಗೆ ಹೋಗಿ ವಿವಾಹವಾದರು. ನಂತರ ದಂಪತಿ ಜಿಂದ್‌ನಲ್ಲಿ ಸುಮಾರು ಎರಡು ತಿಂಗಳು ವಾಸಿಸುತ್ತಿದ್ದರು.
ಏತನ್ಮಧ್ಯೆ, ರತನ್‌ಘರ್‌ನ ಪಂಡಿತ್‌ಪುರ ನಿವಾಸಿ, ಹುಡುಗಿಯ ತಂದೆ ನವೆಂಬರ್ 14ರಂದು ಪೊಲೀಸ್ ಠಾಣೆಯಲ್ಲಿ ತನ್ನ ಮಗಳು ಕಾಣೆಯಾದ ಬಗ್ಗೆ ದೂರು ದಾಖಲಿಸಿದ್ದರು. ಯುವತಿಯ ನಾಪತ್ತೆ ಪ್ರಕರಣವನ್ನು ಪೊಲೀಸರು ಗಂಭೀರವಾಗಿ ತೆಗೆದುಕೊಂಡರು. ಈ ಜನವರಿ 12ರಂದು ಇಬ್ಬರೂ ಪತ್ತೆಯಾದರು. ಆದರೆ ಇಬ್ಬರೂ ಒಟ್ಟಿಗೆ ಇರಬೇಕೆಂಬ ಒತ್ತಾಯಕ್ಕೆ ಪಟ್ಟು ಹಿಡಿದರು. ರತನ್‌ಗಢದ ನಿವಾಸಿ 18 ವರ್ಷದ ಯುವತಿ ತಾನು ಸ್ವತಂತ್ರ ಜೀವನ ನಡೆಸಲು ಬಯಸುತ್ತೇನೆ ಎಂದು ಪೊಲೀಸರಿಗೆ ಹೇಳಿಕೆ ನೀಡಿದರೆ, ಹರಿಯಾಣದ 22 ವರ್ಷದ ಹುಡುಗಿ ತಾನು ಮತ್ತು ತನ್ನ ಗೆಳತಿ ಪರಸ್ಪರ ಪ್ರೀತಿಸುತ್ತೇವೆ ಮತ್ತು ಒಟ್ಟಿಗೆ ಬದುಕಲು ಬಯಸುತ್ತೇವೆ ಎಂದು ಹೇಳಿದ್ದಾಳೆ. ಕುಟುಂಬದವರು, ಪೊಲೀಸರು ಮತ್ತು ಅಧಿಕಾರಿಗಳು ಈ ಇಬ್ಬರಿಗೂ ಸಾಕಷ್ಟು ತಿಳಹೇಳಿದರು. ಆದರೆ ಇಬ್ಬರೂ ಒಪ್ಪದಿದ್ದಾಗ ಪೊಲೀಸರು ಅವರನ್ನು ಸ್ವತಂತ್ರ ಜೀವನಕ್ಕಾಗಿ ಠಾಣೆಯಿಂದ ಕಳುಹಿಸಿದರು.

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

0 / 5. ಒಟ್ಟು ವೋಟುಗಳು 0

ನಿಮ್ಮ ಕಾಮೆಂಟ್ ಬರೆಯಿರಿ