ಮುಂಬೈ: ಬಿಲ್ಡರ್‌ನಿಂದ ₹ 2 ಕೋಟಿ ಸುಲಿಗೆ ಮಾಡಲು ಯತ್ನಿಸಿದ 35 ವರ್ಷದ ವ್ಯಕ್ತಿಯನ್ನು ಮುಂಬೈ ಪೊಲೀಸರು ಬೆಂಗಳೂರಿನಲ್ಲಿ ಬಂಧಿಸಿದ್ದಾರೆ ಎಂದು ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ.
ಆರೋಪಿಯನ್ನು ಮಹೇಶ್ ಸಂಜೀವ್ ಪೂಜಾರಿ ಎಂದು ಗುರುತಿಸಲಾಗಿದ್ದು, ಬುಧವಾರ ಮಲಾಡ್ ಪೊಲೀಸರ ತಂಡ ಬೆಂಗಳೂರಿನಲ್ಲಿ ಬಂಧಿಸಿದ್ದು, ಗುರುವಾರ ಮುಂಬೈಗೆ ಕರೆತರಲಾಗಿದೆ ಎಂದು ಅವರು ಹೇಳಿದರು.
2021ರ ಮೇ ತಿಂಗಳಲ್ಲಿ ಮೊಬೈಲ್‌ ಆ್ಯಪ್ ಮೂಲಕ ಬಿಲ್ಡರ್‌ಗೆ ಕರೆ ಮಾಡಿದ್ದ ಪೂಜಾರಿ, ಅಂತಾರಾಷ್ಟ್ರೀಯ ಸಂಖ್ಯೆಯಿಂದ ಕರೆ ಮಾಡಿರುವುದನ್ನು ತೋರಿಸಿದ್ದು, ಬಿಲ್ಡರ್‌ನಿಂದ ₹ 2 ಕೋಟಿಗೆ ಬೇಡಿಕೆ ಇಟ್ಟಿದ್ದು, ಕೊಲೆ ಬೆದರಿಕೆ ಹಾಕಿದ್ದಾರೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಬಿಲ್ಡರ್‌ಗೆ ಆರೋಪಿಯಿಂದ ಪದೇ ಪದೇ ಕರೆಗಳು ಬಂದಿದ್ದರಿಂದ, ಅವರು ಪೊಲೀಸರಿಗೆ ದೂರು ನೀಡಿದ್ದರು ಮತ್ತು ಡಿಸೆಂಬರ್ 2021 ರಲ್ಲಿ ಸುಲಿಗೆ ಪ್ರಕರಣವನ್ನು ದಾಖಲಿಸಲಾಗಿದೆ ಎಂದು ಅವರು ಹೇಳಿದರು.
ಆರೋಪಿಯು ಕರೆ ಮಾಡುವ ಆ್ಯಪ್ ಬಳಸಿ ಬೆದರಿಕೆ ಹಾಕುತ್ತಿದ್ದುದರಿಂದ ಮುಂಬೈ ಪೊಲೀಸರ ಸುಲಿಗೆ ನಿಗ್ರಹ ದಳವೂ ಪ್ರಕರಣದ ತನಿಖೆ ಆರಂಭಿಸಿದೆ ಎಂದು ಅವರು ಹೇಳಿದ್ದಾರೆ.
ಸೈಬರ್ ಸೆಲ್‌ನ ತಾಂತ್ರಿಕ ಸಹಾಯ ಪಡೆದ ಪೊಲೀಸರಿಗೆ ಆರೋಪಿ ಬೆಂಗಳೂರಿನಲ್ಲಿರುವುದು ಪತ್ತೆಯಾಗಿದೆ. ಅದರಂತೆ, ಮಲಾಡ್ ಪೊಲೀಸರ ತಂಡವನ್ನು ಬೆಂಗಳೂರಿಗೆ ಕಳುಹಿಸಲಾಗಿದ್ದು, ಅಲ್ಲಿ ಪೂಜಾರಿಯನ್ನು ಬಂಧಿಸಲಾಗಿದೆ ಎಂದು ಅವರು ಹೇಳಿದರು.
ಬಂಧಿತ ಆರೋಪಿ ಯಾವುದೇ ಕೆಲಸ ಮಾಡದಿದ್ದರೂ ತಾಂತ್ರಿಕವಾಗಿ ಸದೃಢನಾಗಿದ್ದು, ಕಂಪ್ಯೂಟರ್ ಜ್ಞಾನ ಹೊಂದಿದ್ದಾನೆ ಎಂದು ಮಲಾಡ್ ಪೊಲೀಸ್ ಠಾಣೆಯ ಹಿರಿಯ ನಿರೀಕ್ಷಕ ಧನಂಜಯ್ ಲಿಗಾಡೆ ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ