ವಿಶಾಖಪಟ್ಟಣಂ: ವಿಶಾಖಪಟ್ಟಣಂ ಕರಾವಳಿಯ ಬಂಗಾಳಕೊಲ್ಲಿ ಸಮುದ್ರದಲ್ಲಿ ನಡೆದ ದಾರುಣ ಘಟನೆಯೊಂದರಲ್ಲಿ, ಈಟಿಯಂತಹ ಮೂತಿ ಹೊಂದಿರುವ ಮಾರ್ಲಿನ್ ಎಂಬ ದೈತ್ಯ ಮೀನು ಮೀನುಗಾರನೊಬ್ಬನನ್ನು ಕೊಂದಿದೆ.
ದುರಂತ ಸಂಭವಿಸಿದಾಗ ವಿಶಾಖಪಟ್ಟಣಂ ಜಿಲ್ಲೆಯ 40 ವರ್ಷದ ಮೊಳ್ಳಿ ಜೋಗಣ್ಣ ಎಂಬವರು ಇತರ ನಾಲ್ವರು ಮೀನುಗಾರರೊಂದಿಗೆವಿಶಾಖಪಟ್ಟಣಂನ ದಕ್ಷಿಣದ ಪರವಾಡ ಪೊಲೀಸ್ ಠಾಣಾ ವ್ಯಾಪ್ತಿಯ ತೀರದಿಂದ 60 ನಾಟಿಕಲ್ ಮೈಲಿ ದೂರದ ಆಳ ಸಮುದ್ರದಲ್ಲಿ ಮೀನುಗಾರಿಕೆ ಮಾಡುತ್ತಿದ್ದರು.ಆಗ ಈ ದುರಂತ ಸಂಭವಿಸಿದೆ. ಮಂಗಳವಾರ ಸಂಜೆ 4 ಗಂಟೆಗೆ ಮೀನು ಹಿಡಿಯಲು ಆಳ ಸಮುದ್ರಕ್ಕೆ ಇಳಿದ ಮೀನುಗಾರರು ಬುಧವಾರ ಬೆಳಗಿನ ಜಾವದ ವರೆಗೂ ಮೀನುಗಾರಿಕೆ ಮುಂದುವರಿಸಿದರು.
ಬೆಳಿಗ್ಗೆ 7 ಗಂಟೆಗೆ, ಅವರ ಬಲೆಯಲ್ಲಿ ಸುಮಾರು 70 ಕೆಜಿ ತೂಕದ ಮಾರ್ಲಿನ್ ಮೀನು (ಸ್ಥಳೀಯ ಮೀನುಗಾರರು ಇದನ್ನು ಕೊಮ್ಮು ಕೋಣಂ ಎಂದು ಕರೆಯುತ್ತಾರೆ) ಕಂಡುಕೊಂಡರು. ಮೀನುಗಳನ್ನು ತಮ್ಮ ದೋಣಿಗೆ ಎಳೆಯಲು ಸಾಧ್ಯವಾಗದ ಕಾರಣ, ಜೋಗಣ್ಣ ಇತರರಿಗೆ ಸಹಾಯ ಮಾಡಲು ಸಮುದ್ರಕ್ಕೆ ಇಳಿದಿದ್ದಾರೆ. ಆಗ ದೊಡ್ಡ ಗಾತ್ರದ ಮೀನು ಜೋಗಣ್ಣ ಅವರ ಹೊಟ್ಟೆಯ ಮೇಲೆ ಚೂಪಾದ ಮೂತಿಯಿಂದ ದಾಳಿ ಮಾಡಿ ಸ್ಥಳದಲ್ಲೇ ಕೊಂದಿದೆ.
ಜೋಗಣ್ಣ ಅವರು ಪರವಾಡ ಮಂಡಲದ ಕರಾವಳಿ ಕುಗ್ರಾಮವಾದ ಜಾಲಾರಿಪೇಟ ನಿವಾಸಿಯಾಗಿದ್ದರು.
ಪರವಾಡ ವೃತ್ತ ನಿರೀಕ್ಷಕ ಪಿ.ಈಶ್ವರ ರಾವ್, ಜೋಗಣ್ಣ ಅವರ ದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ಹೇಳಿದರು. ಈ ಪ್ರಕರಣವನ್ನು ಮೆರೈನ್ ಪೋಲೀಸರು ಉಲ್ಲೇಖಿಸಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ ಎಂದು ಅವರು ಹೇಳಿದರು.
ವಿಶಾಖಪಟ್ಟಣಂ ಶಾಖೆಯ ಸೆಂಟ್ರಲ್ ಮೆರೈನ್ ಫಿಶರೀಸ್ ರಿಸರ್ಚ್ ಇನ್ಸ್ಟಿಟ್ಯೂಟ್ (ಸಿಎಂಎಫ್ಆರ್ಐ) ಮುಖ್ಯಸ್ಥ ಡಾ ಸುಭದೀಪ್ ಘೋಷ್ ಅವರು ಮಾರ್ಲಿನ್ ಮೀನುಗಳು ತುಂಬಾ ಆಕ್ರಮಣಕಾರಿ ಮತ್ತು ವೇಗವಾಗಿ ಈಜುತ್ತವೆ. ವಿಶಾಖಪಟ್ಟಣಂ ಕರಾವಳಿಯಲ್ಲಿ ಸಾಕಷ್ಟು ಮಾರ್ಲಿನ್ ಮೀನುಗಳಿವೆ. ನವೆಂಬರ್ ನಿಂದ ಫೆಬ್ರುವರಿವರೆಗಿನ ಚಳಿಗಾಲದ ತಿಂಗಳುಗಳಲ್ಲಿ ಗಾಳಿಯ ದಿಕ್ಕಿನ ಬದಲಾವಣೆಯಿಂದಾಗಿ ಅವು ತೀರದ ಹತ್ತಿರ ಬರುತ್ತವೆ. ಅವುಗಳು ಸಾಮಾನ್ಯವಾಗಿ ಆಳವಾದ ಸಮುದ್ರದಲ್ಲಿ ಈಜುತ್ತಾರೆ. ಅವುಗಳ ಚೂಪಾದ ಮೂತಿಯಿಂದಾಗಿ, ಮೀನುಗಾರರ ದೇಹಕ್ಕೆ ಅವುಗಳನ್ನು ಹರಿದು ಹಾಕುವ ಸಾಧ್ಯತೆಗಳಿವೆ ಎಂದು ಘೋಷ್ ಅವರನ್ನು ಉಲ್ಲೇಖಿಸಿ ಡೆಕ್ಕನ್‌ ಕ್ರೋನಿಕಲ್‌ ವರದಿ ಮಾಡಿದೆ.
15 ವರ್ಷಗಳ ಕಾಲ ಸಮುದ್ರ ಜೀವಿಗಳ ಸಂಶೋಧನೆಯಲ್ಲಿ ಹಲವಾರು ಜನರು ಮೀನುಗಳಿಂದ ಗಾಯಗೊಂಡಿದ್ದಾರೆ. ಆದರೆ ಈ ಮೀನು ಮನುಷ್ಯನನ್ನು ಕೊಲ್ಲುತ್ತದೆ ಎಂದು ಕೇಳಿದ್ದು ಇದೇ ಮೊದಲು. “ಸಾಮಾನ್ಯವಾಗಿ, ಮೀನಿನ ದಾಳಿಯಿಂದ ಈ ರೀತಿಯ ಮಾನವ ಸಾವಿನ ಘಟನೆಗಳು ಅಮೆರಿಕ ಮತ್ತು ಆಸ್ಟ್ರೇಲಿಯಾದ ಕರಾವಳಿಯಲ್ಲಿ ವರದಿಯಾಗುತ್ತವೆ” ಎಂದು ಅವರು ಹೇಳಿದ್ದಾರೆ ಎಂದು ವರದಿ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ