ಆಪರೇಷನ್ ಗಂಗಾ ಅಡಿ ಉಕ್ರೇನ್‌ನಿಂದ ಸುಮಾರು 11,000 ಭಾರತೀಯರು ವಾಪಸ್‌: ಸರ್ಕಾರ

ನವದೆಹಲಿ: ಉಕ್ರೇನ್‌ನಲ್ಲಿ ಸಿಲುಕಿರುವ ಭಾರತೀಯ ನಾಗರಿಕರನ್ನು ರಕ್ಷಿಸಲು ‘ಆಪರೇಷನ್ ಗಂಗಾ’ ಅಡಿಯಲ್ಲಿ, ಉಕ್ರೇನ್‌ನ ನೆರೆಯ ದೇಶಗಳಿಂದ 17 ವಿಶೇಷ ವಿಮಾನಗಳು ಶುಕ್ರವಾರ (ಮಾರ್ಚ್ 4) ದೇಶಕ್ಕೆ ಬಂದಿವೆ.
ಈ ವಿಶೇಷ ವಿಮಾನಗಳಲ್ಲಿ 14 ನಾಗರಿಕ ವಿಮಾನಗಳು ಮತ್ತು 3 C-17 ಐಎಎಫ್‌ (IAF) ವಿಮಾನಗಳು ಸೇರಿವೆ. ಇನ್ನೂ ಒಂದು ನಾಗರಿಕ ವಿಮಾನವು ದಿನದ ನಂತರ ಆಗಮಿಸುವ ನಿರೀಕ್ಷೆಯಿದೆ. ನಾಗರಿಕ ವಿಮಾನಗಳು 3,142 ಜನರನ್ನು ಹೊತ್ತೊಯ್ದರೆ, C-17 ವಿಮಾನಗಳು 630 ಪ್ರಯಾಣಿಕರನ್ನು ಸ್ಥಳಾಂತರಿಸಿದವು.

ಇಲ್ಲಿಯವರೆಗೆ, 43 ವಿಶೇಷ ನಾಗರಿಕ ವಿಮಾನಗಳ ಮೂಲಕ 9,364 ಭಾರತೀಯರನ್ನು ಸ್ಥಳಾಂತರಿಸಲಾಗಿದೆ. C-17 ನ 7 ವಿಮಾನಗಳು ಇದುವರೆಗೆ 1,428 ಪ್ರಯಾಣಿಕರನ್ನು ಸ್ಥಳಾಂತರಿಸಿವೆ ಮತ್ತು 9.7 ಟನ್ ಪರಿಹಾರ ಸಾಮಗ್ರಿಗಳನ್ನು ಸಾಗಿಸಿದೆ.
ಸಚಿವಾಲಯದ ಪ್ರಕಾರ, ನಿನ್ನೆಯ ನಾಗರಿಕ ವಿಮಾನಗಳಲ್ಲಿ ಬುಕಾರೆಸ್ಟ್‌ನಿಂದ 4, ಕೊಸಿಸ್‌ನಿಂದ 2, ಬುಡಾಪೆಸ್ಟ್‌ನಿಂದ 4, ರ್ಜೆಸ್ಜೋವ್‌ನಿಂದ 3 ಮತ್ತು ಸುಸೇವಾದಿಂದ 2 ವಿಮಾಗಳು ಸೇರಿವೆ, ಆದರೆ ಐಎಎಫ್ ಬುಕಾರೆಸ್ಟ್‌ನಿಂದ 2 ಮತ್ತು ಬುಡಾಪೆಸ್ಟ್‌ನಿಂದ 1 ವಿಮಾನಗಳನ್ನು ಹಾರಿಸಿದೆ.

ಶನಿವಾರ (5 ಮಾರ್ಚ್), 11 ವಿಶೇಷ ನಾಗರಿಕ ವಿಮಾನಗಳು 2,200 ಕ್ಕೂ ಹೆಚ್ಚು ಭಾರತೀಯರನ್ನು ಮರಳಿ ಕರೆತರುವ ನಿರೀಕ್ಷೆಯಿದೆ, 10 ವಿಮಾನಗಳು ನವದೆಹಲಿಯಲ್ಲಿ ಮತ್ತು ಒಂದು ಮುಂಬೈನಲ್ಲಿ ಇಳಿಯಲಿದೆ.
5 ವಿಮಾನಗಳು ಬುಡಾಪೆಸ್ಟ್‌ನಿಂದ, 2 ರ್ಜೆಸ್ಜೋವ್‌ನಿಂದ ಮತ್ತು 4 ಸುಸೇವಾದಿಂದ ಬರಲಿವೆ. ನಾಲ್ಕು C-17 ವಿಮಾನಗಳು ರೊಮೇನಿಯಾ, ಪೋಲೆಂಡ್ ಮತ್ತು ಸ್ಲೋವಾಕಿಯಾಕ್ಕೆ ಹೊರಟಿದ್ದು, ಇಂದು ತಡರಾತ್ರಿ ಮತ್ತು ಮುಂಜಾನೆ ತಲುಪುವ ನಿರೀಕ್ಷೆಯಿದೆ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.

ಪ್ರಮುಖ ಸುದ್ದಿ :-   ಕೆಲ ದಿನಗಳ ಹಿಂದೆ ಆತ್ಮಹತ್ಯೆಗೆ ಯತ್ನಿಸಿದ್ದ ತಮಿಳುನಾಡು ಸಂಸದ ಹೃದಯಾಘಾತದಿಂದ ಸಾವು

0 / 5. 0

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement