ಬ್ಯಾಂಕಾಕ್‌: ಥಾಯ್ಲೆಂಡ್‌ನ 102 ವರ್ಷದ ವ್ಯಕ್ತಿ, ಸವಾಂಗ್ ಜನಪ್ರಮ್ ಅವರು ಕೇವಲ 27.08 ಸೆಕೆಂಡುಗಳಲ್ಲಿ 100 ಮೀಟರ್ ಓಟವನ್ನು ಪೂರ್ಣಗೊಳಿಸುವ ಮೂಲಕ ತಮ್ಮ ವಯಸ್ಸಿನ ಗುಂಪಿನಲ್ಲಿ ಹೊಸ ದಾಖಲೆ ನಿರ್ಮಿಸಿ ಬೆರಗುಗೊಳಿಸಿದ್ದಾರೆ.
ನೈರುತ್ಯ ಸಮುತ್ ಸಾಂಗ್‌ಖ್ರಾಮ್ ಪ್ರಾಂತ್ಯದಲ್ಲಿ ಕಳೆದ ವಾರಾಂತ್ಯದಲ್ಲಿ ನಡೆದ ಥಾಯ್ಲೆಂಡ್ ಮಾಸ್ಟರ್ಸ್ ಅಥ್ಲೀಟ್ ಚಾಂಪಿಯನ್‌ಶಿಪ್‌ನಲ್ಲಿ ಜನಪ್ರಮ್ 100-105 ವರ್ಷಗಳ ವಿಭಾಗದಲ್ಲಿ ಎಲ್ಲ ಚಿನ್ನದ ಪದಕಗಳನ್ನು ಗೆದ್ದಿದ್ದಾರೆ ಎಂದು ಥಾಯ್ಲೆಂಡ್‌ನ ನ್ಯಾಷನಲ್ ನ್ಯೂಸ್ ಬ್ಯೂರೋ (ಎನ್‌ಎನ್‌ಟಿ) ವರದಿ ಮಾಡಿದೆ. ಜನಪ್ರಮ್ ಚಾಂಪಿಯನ್‌ಶಿಪ್‌ನಲ್ಲಿ ನಾಲ್ಕು ಬಾರಿ ಭಾಗವಹಿಸಿದ್ದಾರೆ ಮತ್ತು ಅವರು ಥೈಲ್ಯಾಂಡ್‌ನ ಅತ್ಯಂತ ಹಳೆಯ ಓಟಗಾರ ಎಂದು ಪ್ರಸಿದ್ಧರಾಗಿದ್ದಾರೆ.
ಈ ಶತಾಯುಷಿ ಸ್ಪ್ರಿಂಟರ್ ದಿನಕ್ಕೆ ಒಮ್ಮೆ ತನ್ನ ದಿನದ ಅಭ್ಯಾಸದ ನಡಿಗೆಗೆ ಬದಲಾಗಿ ಈ ಕ್ರೀಡಾಕೂಟಕ್ಕಿಂತ ಮುಂಚೆ ತನ್ನ ಮಗಳೊಂದಿಗೆ ಸ್ಥಳೀಯ ಕ್ರೀಡಾಂಗಣದಲ್ಲಿ ದಿನಕ್ಕೆ ಎರಡು ಬಾರಿ ನಡೆಯಲು ಪ್ರಾರಂಭಿಸಿದ್ದಾರೆ.
ನನ್ನ ತಂದೆ ಯಾವಾಗಲೂ ಸಕಾರಾತ್ಮಕ ಆಲೋಚನೆಗಳನ್ನು ಮಾಡುತ್ತಾರೆ … ಆದ್ದರಿಂದ ಅವರು ಉತ್ತಮ ಮಾನಸಿಕ ಆರೋಗ್ಯ ಸ್ಥಿತಿಯಲ್ಲಿದ್ದಾರೆ. ದೈಹಿಕ ಆರೋಗ್ಯದ ವಿಷಯದಲ್ಲಿ, ಅವರು ಹೆಚ್ಚು ಬಲಶಾಲಿಯಾಗಿದ್ದಾರೆ ”ಎಂದು ಜನಪ್ರಮ್ ಅವರ 70 ವರ್ಷದ ಮಗಳು ಸಿರಿಪನ್ ಅವರು ರಾಯಿಟರ್ಸ್ ತಿಳಿಸಿದ್ದಾರೆ.
ಹಿರಿಯರ ವಿಭಾಗದಲ್ಲಿ ಭಾಗವಹಿಸುವವರ ಸಂಖ್ಯೆ ಹೆಚ್ಚಿದೆ ಎಂದು ಏಷ್ಯಾ ಮಾಸ್ಟರ್ಸ್ ಅಥ್ಲೆಟಿಕ್ಸ್ ಅಧ್ಯಕ್ಷ ವಿವಾಟ್ ವಿಗ್ರಂತನೊರೊಸ್ ಅವರನ್ನು ಉಲ್ಲೇಖಿಸಿ ಎನ್‌ಎನ್‌ಟಿ ವರದಿ ಮಾಡಿದೆ. 1996 ರಲ್ಲಿ ಚಾಂಪಿಯನ್‌ಶಿಪ್ ಪ್ರಾರಂಭವಾದಾಗ 35 ರಿಂದ 102 ವರ್ಷ ವಯಸ್ಸಿನ ಆಟೋಟಗಳಲ್ಲಿ ಸುಮಾರು 300 ಜನ ಮಾತ್ರ ಭಾಗವಹಿಸಿದ್ದರು. ಆದರೆ ಈಗ 2,000 ಕ್ಕೂ ಹೆಚ್ಚು ಜನ ಭಾಗವಹಿಸುತ್ತಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ