ಭುವನೇಶ್ವರ: ಭುವನೇಶ್ವರ ಸಮೀಪದ ಕಲರಹಂಗಾ ಗ್ರಾಮದ ನಿವಾಸಿಗಳು ಬುಧವಾರ ಆಘಾತಕ್ಕೊಳಗಾಗಿದ್ದು, ಹತ್ತಕ್ಕೂ ಹೆಚ್ಚು ಮಾನವ ತಲೆಬುರುಡೆಗಳು ಮತ್ತು ಅಸ್ಥಿಪಂಜರಗಳ ಭಾಗಗಳು ಸಮೀಪದ ಸೇತುವೆಯ ಕೆಳಗೆ ಎಸೆದಿರುವುದು ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪಾಟಿಯಾ ರೈಲು ನಿಲ್ದಾಣದ ಬಳಿಯ ಇಂಜಾನಾ ಸೇತುವೆಯ ಕೆಳಗೆ ಸುಮಾರು 14 ಮಾನವ ತಲೆಬುರುಡೆಗಳು ಮತ್ತು ಅಸ್ಥಿಪಂಜರಗಳ ಭಾಗಗಳನ್ನು ಚಿಂದಿ ಆಯುವವರು ಗುರುತಿಸಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಮಂಚೇಶ್ವರ ಪೊಲೀಸರು ಮತ್ತು ವೈಜ್ಞಾನಿಕ ತಂಡವು ಸ್ಥಳಕ್ಕೆ ಧಾವಿಸಿ ಅಸ್ಥಿಪಂಜರಗಳನ್ನು ವಶಪಡಿಸಿಕೊಂಡಿದ್ದು, ಅವುಗಳನ್ನು ವಿಧಿವಿಜ್ಞಾನ ಪರೀಕ್ಷೆಗಾಗಿ ಭುವನೇಶ್ವರ ಏಮ್ಸ್ ಗೆ ಕಳುಹಿಸಲಾಗಿದೆ ಎಂದು ಭುವನೇಶ್ವರ-ಕಟಕ್ ಪೊಲೀಸ್ ಕಮಿಷನರೇಟ್‌ನ ಎಸಿಪಿ ಸಂಜೀವ್ ಸತ್ಪತಿ ತಿಳಿಸಿದ್ದಾರೆ.
ಅಸ್ಥಿಪಂಜರಗಳು ಹಳೆಯದಾಗಿವೆ ಮತ್ತು ಸ್ವಲ್ಪ ಸಮಯದವರೆಗೆ ಭೂಮಿಯ ಅಡಿಯಲ್ಲಿ ಹುದುಗಿರುವಂತೆ ತೋರುತ್ತಿದೆ ಎಂದು ಸತ್ಪತಿ ಹೇಳಿದರು. “ನಾವು ಏಮ್ಸ್‌ನಿಂದ ವರದಿಗಳನ್ನು ಪಡೆದ ನಂತರ ಹೆಚ್ಚಿನ ಸುಳಿವುಗಳನ್ನು ಪಡೆಯಬಹುದು” ಎಂದು ಅವರು ಹೇಳಿದರು. ದುಷ್ಕರ್ಮಿಗಳು ಹತ್ತಿರದ ಸ್ಮಶಾನ ಅಗೆದ ನಂತರ ಸಿಕ್ಕಿದ ಅಸ್ಥಿಪಂಜರಗಳನ್ನು ಸೇತುವೆಯ ಕೆಳಗೆ ಎಸೆದಿರಬಹುದು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ