ಪುದುಚೇರಿ: ಪುರಾತನ ವಸ್ತುಗಳ ಮಾರಾಟಗಾರರೊಬ್ಬರ ಆವರಣದಿಂದ 12 ಕೋಟಿ ಮೌಲ್ಯದ ಮೂರು ಪುರಾತನ ವಿಗ್ರಹಗಳನ್ನು ವಶಪಡಿಸಿಕೊಂಡ ನಂತರ ತಮಿಳುನಾಡು ವಿಗ್ರಹ ವಿಭಾಗದ ಸಿಐಡಿ ತನ್ನ ವಿಚಾರಣೆಯನ್ನು ನೆರೆಯ ಪುದುಚೇರಿಗೆ ವಿಸ್ತರಿಸಿದೆ.
ಪುದುಚೇರಿಯ ಆರ್ಟ್ ಗ್ಯಾಲರಿಯಲ್ಲಿ ಹಿಂದೂ ಪುರಾತನ ವಿಗ್ರಹಗಳನ್ನು ಸಂಗ್ರಹಿಸಿಡಲಾಗಿದೆ ಎಂಬ ಮಾಹಿತಿಯ ನಂತರ ವಿಭಾಗವು ದಾಳಿ ನಡೆಸಿತು. ಈ ಮೂರು ಶಿಲ್ಪಗಳು ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 12 ಕೋಟಿ ರೂ.ಗಳಷ್ಟು ಮೌಲ್ಯ ಹೊಂದಿವೆ ಎಂದು ಹೇಳಲಾಗಿದೆ.
600 ವರ್ಷಗಳ ಹಿಂದಿನ ನಟರಾಜ, ವೀಣಾಧರ ಶಿವ ಮತ್ತು ವಿಷ್ಣುವಿನ ಪುರಾತನ ಲೋಹದ ವಿಗ್ರಹಗಳು ಗ್ಯಾಲರಿ ಕಚೇರಿಯಲ್ಲಿ ಹುಗಿದುಟ್ಟಿದ್ದು ಪತ್ತೆಯಾಗಿದೆ. ವರದಿಗಳ ಪ್ರಕಾರ, ವಿಜಯನಗರ ಮತ್ತು ಚೋಳರ ಆಳ್ವಿಕೆಯ ಕಾಲದ ತಮಿಳುನಾಡಿನ ದೇವಾಲಯಗಳಿಂದ ವಿಗ್ರಹಗಳನ್ನು ತೆಗೆದುಕೊಂಡು ಹೋಗಲಾಗುತ್ತಿತ್ತು.
ಈ ವಿಗ್ರಹಗಳನ್ನು ಫ್ರಾನ್ಸ್ ಮತ್ತು ಅಮೆರಿಕಕ್ಕೆ ಸಾಗಿಸಲು ನುಸುಳಲು ಮಾಡಿದ ಪ್ರಯತ್ನಗಳು ಫಲ ನೀಡಲಿಲ್ಲ. ವಿಗ್ರಹಗಳ ಬಗ್ಗೆ ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯಿಂದ ನೀಡಿದ ಯಾವುದೇ ದಾಖಲೆಗಳು ಗ್ಯಾಲರಿ ಮಾಲೀಕರ ಬಳಿ ಇಲ್ಲ ಎಂದು ವಿಂಗ್ ಪತ್ತೆ ಮಾಡಿದೆ.
ಈ ವಿಗ್ರಹಗಳ ಪೈಕಿ ನಟರಾಜ ಪ್ರತಿಮೆ 6 ಕೋಟಿ ರೂ., ಇನ್ನೆರಡು ಪ್ರತಿಮೆಗಳು ತಲಾ 3 ಕೋಟಿ ರೂ., ಒಟ್ಟು ಮೌಲ್ಯ 12 ಕೋಟಿ ಎಂದು ಸಿಐಡಿ ಪೊಲೀಸರು ತಿಳಿಸಿದ್ದಾರೆ. ಈ ವಿಗ್ರಹಗಳ ಮೂಲ ಮತ್ತು ಅವುಗಳಿಗೆ ಸಂಬಂಧಿಸಿದ ದೇವಾಲಯಗಳ ಬಗ್ಗೆ ಪೊಲೀಸರು ಇನ್ನೂ ತನಿಖೆ ನಡೆಸುತ್ತಿದ್ದಾರೆ. ಕಳೆದ 400 ವರ್ಷಗಳಿಂದ ಭಾರತದಿಂದ ಕಳ್ಳಸಾಗಣೆ ಮಾಡಲಾದ ಅತ್ಯಮೂಲ್ಯ ಪುರಾತನ ಪ್ರತಿಮೆಗಳನ್ನ ಮರಳಿ ತರಲು ವಿದೇಶಾಂಗ ಇಲಾಖೆ ಶ್ರಮಿಸುತ್ತಿದೆ. ಆಸ್ಟ್ರೇಲಿಯಾ, ಫ್ರಾನ್ಸ್ ಮತ್ತು ಇಟಲಿಯಂತಹ ದೇಶಗಳು ತಮ್ಮ ದೇಶಕ್ಕೆ ಅಕ್ರಮವಾಗಿ ಬಂದ ಹಿಂದೂ ದೇವತೆಗಳ ವಿಗ್ರಹಗಳನ್ನ ಈಗಾಗಲೇ ಭಾರತಕ್ಕೆ ಹಸ್ತಾಂತರಿಸಿವೆ.
ಆರ್ಟ್ ಗ್ಯಾಲರಿಯ ಮಾಲೀಕರು ಮತ್ತು ಅವರ ಸಹಚರರ ವಿರುದ್ಧ ಭಾರತೀಯ ದಂಡ ಸಂಹಿತೆ (IPC) ಸೆಕ್ಷನ್ 457, 380, ಮನೆ), 411 ಮತ್ತು 120-ಬಿ ಅಡಿಯಲ್ಲಿ ಪ್ರಕರಣವನ್ನು ದಾಖಲಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ