ಕೇರಳದಲ್ಲಿ ಬೆಟ್ಟದಿಂದ ಉರುಳುತ್ತಿದ್ದ ಬಂಡೆಯೊಂದು ಇಬ್ಬರು ಪ್ರಯಾಣಿಸುತ್ತಿದ್ದ ಮೋಟಾರ್ ಸೈಕಲ್‌ಗೆ ಡಿಕ್ಕಿ ಹೊಡೆದು ಬೈಕ್ ಸವಾರ ಸಾವಿಗೀಡಾಗಿರುವ ಘಟನೆ ಕೇರಳದಲ್ಲಿ ನಡೆದಿದೆ.
ಈ ವಿಚಿತ್ರ ಹಾಗೂ ಅಪಘಾತದ ಆಘಾತಕಾರಿ ದೃಶ್ಯಗಳು ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿವೆ. ಏಪ್ರಿಲ್ 16 ರಂದು ತಾಮರಸ್ಸೆರಿಯಲ್ಲಿ ಈ ದುರ್ಘಟನೆ ನಡೆದಿದ್ದು, ತಾಮರಸ್ಸೆರಿ ಘಾಟ್ ರಸ್ತೆಯಲ್ಲಿ ಅಭಿನವ್ ಮತ್ತು ಅನೀಶ್ ಎಂಬ ಇಬ್ಬರು ಮೋಟಾರ್ ಸೈಕಲ್‌ನಲ್ಲಿ ಪ್ರಯಾಣಿಸುತ್ತಿದ್ದರು. ಘಾಟ್ ರಸ್ತೆಯ ಬೆಟ್ಟದ ಬದಿಯಿಂದ ಇದ್ದಕ್ಕಿದ್ದಂತೆ ಬಂಡೆಯೊಂದು ಉರುಳಿ ನೇರವಾಗಿ ಅವರ ಮೋಟಾರ್‌ಸೈಕಲ್‌ಗೆ ಡಿಕ್ಕಿ ಹೊಡೆದು ಅವರನ್ನು ರಸ್ತೆಯಿಂದ ಕೆಳಗಿರುವ ಕಣಿವೆಗೆ ತಳ್ಳಿತು ಎಂದು ಘಟನೆಯ ವೀಡಿಯೊ ತೋರಿಸುತ್ತದೆ.
ಮೃತರನ್ನು ಮಲಪ್ಪುರಂ ಜಿಲ್ಲೆಯ ನಿವಾಸಿ 20 ವರ್ಷದ ಅಭಿನವ್ ಎಂದು ಗುರುತಿಸಲಾಗಿದೆ. ಪಿಲಿಯನ್ ರೈಡರ್ 21 ವರ್ಷದ ಅನೀಶ ಗಾಯಗೊಂಡಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಘಟನೆಯ ವಿಡಿಯೋವನ್ನು ಅಭಿನವ್ ಅವರನ್ನು ಹಿಂಬಾಲಿಸುತ್ತಿದ್ದ ಪಿಲಿಯನ್ ರೈಡರ್ ತೆಗೆದಿದ್ದಾರೆ. ತಾಮರಸ್ಸೆರಿ ಘಾಟ್ ರಸ್ತೆಯ ಹೇರ್‌ಪಿನ್ ತಿರುವುಗಳ ಮೂಲಕ ಅಭಿನವ ಮತ್ತು ಅನೀಶ ಪ್ರಯಾಣಿಸುತ್ತಿರುವುದನ್ನು ಒಂದು ನಿಮಿಷದ ವೀಡಿಯೊ ತೋರಿಸುತ್ತದೆ. ಅಭಿನವ್ ಹೆಲ್ಮೆಟ್ ಧರಿಸಿದ್ದರೆ, ಅನೀಶ ಹೆಲ್ಮೆಟ್ ಹಾಕದೆ ಕೂತಿದ್ದರು. ಮೋಟಾರ್‌ಸೈಕಲ್ ಆರನೇ ತಿರುವು ದಾಟುತ್ತಿರುವಾಗ, ಕೆಲವೇ ಸೆಕೆಂಡುಗಳಲ್ಲಿ, ಬಂಡೆಯು ಬೆಟ್ಟದಿಂದ ಪುಟಿಯುತ್ತ ಬಂದುಇಬ್ಬರು ತೆರಳುತ್ತಿದ್ದ ಬೈಕ್‌ಗೆ ಅಪ್ಪಳಿಸಿದೆ. ಬಂಡೆ ಬಡಿದ ರಭಸಕ್ಕೆ ಅಭಿನವ ಮತ್ತು ಅನೀಶ ಅವರು ಘಾಟ್ ರಸ್ತೆಯ ತಡೆಗೋಡೆಯ ಮೇಲಿಂದ ಹಾರಿ ಕೆಳಗಿನ ಕಂದರಕ್ಕೆ ಎಸೆಯಲ್ಪಟ್ಟಿದ್ದಾರೆ..
ವರದಿಗಳ ಪ್ರಕಾರ, ಅಭಿನವ ಮತ್ತು ಅನೀಶ ಅವರು ಆರು ಜನರ ಗುಂಪಿನ ಭಾಗವಾಗಿ ವಯನಾಡ್‌ಗೆ ಪ್ರವಾಸಕ್ಕೆ ತೆರಳುತ್ತಿದ್ದರು. ಮಳೆಯಿಂದಾಗಿ ಮರವೊಂದು ಉರುಳಿಬಿದ್ದು, ಗುಡ್ಡದ ಬದಿಯಲ್ಲಿ ಸುಮಾರು 200 ಅಡಿಗಳಷ್ಟು ಕೆಳಗೆ ಬಿದ್ದಿದ್ದ ಬಂಡೆ ಸಡಿಲಗೊಂಡು ಅಂತಿಮವಾಗಿ ಮೋಟಾರ್ ಸೈಕಲ್‌ಗೆ ಡಿಕ್ಕಿ ಹೊಡೆದಿದೆ ಎಂದು ವರದಿಗಳು ತಿಳಿಸಿವೆ.
ಘಟನೆಯ ನಂತರ ಇಬ್ಬರು ತೀವ್ರವಾಗಿ ಗಾಯಗೊಂಡಿದ್ದಾರೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಅಭಿನವ ಮೃತಪಟ್ಟಿದ್ದಾರೆ. ಗಂಭೀರವಾಗಿ ಗಾಯಗೊಂಡಿರುವ ಅನೀಶ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ