ಕಠ್ಮಂಡು: 52 ವರ್ಷ ವಯಸ್ಸಿನ ನೇಪಾಳಿ ಶೆರ್ಪಾ ಅವರು 26ನೇ ಬಾರಿಗೆ ಜಗತ್ತಿನ ಅತ್ಯಂತ ಎತ್ತರ ಪರ್ವತವಾದ ಮೌಂಟ್ ಎವರೆಸ್ಟ್ ಅನ್ನು ಏರಿದ್ದಾರೆ..!
ವಿಶ್ವದ ಅತಿ ಎತ್ತರದ ಶಿಖರವನ್ನು ಏರಲು ತನ್ನದೇ ಆದ ದಾಖಲೆಯನ್ನು ಮುರಿದು ಹೊಸ ದಾಖಲೆ ಮಾಡಿದ್ದಾರೆ ಎಂದು ಪರ್ವತಾರೋಹಣದ ಆಯೋಜಕರು ಭಾನುವಾರ ತಿಳಿಸಿದ್ದಾರೆ.
ರೀಟಾ ಎಂನ ಶೆರ್ಪಾ ಮತ್ತು ಅವರ 11 ಶೆರ್ಪಾ ಮಾರ್ಗದರ್ಶಿಗಳ ಗುಂಪು ಸಂಜೆ 6.55 ಕ್ಕೆ (ಸ್ಥಳೀಯ ಕಾಲಮಾನ) 8,848.86-ಮೀಟರ್ ಶಿಖರವನ್ನು ಏರಿತು ಎಂದು ಸೆವೆನ್ ಸಮ್ಮಿಟ್ ಟ್ರೆಕ್ಸ್ ಪ್ರೈವೇಟ್ ಲಿಮಿಟೆಡ್‌ನ ಮ್ಯಾನೇಜರ್ ದಾವಾ ಶೆರ್ಪಾ ಹೇಳಿದ್ದಾರೆ.
ಮೇ ತಿಂಗಳಲ್ಲಿ ಪ್ರಾರಂಭವಾಗುವ ಗರಿಷ್ಠ ಕ್ಲೈಂಬಿಂಗ್ ಋತುವಿನಲ್ಲಿ ಆರೋಹಿಗಳಿಗೆ ಸಹಾಯ ಮಾಡಲು, ಟ್ರೆಕ್ಕಿಂಗ್ ಮಾರ್ಗದಲ್ಲಿ ಹಗ್ಗಗಳನ್ನು ಸರಿಪಡಿಸಲು ಶೆರ್ಪಾಗಳು ಪರ್ವತಯಾತ್ರೆಯನ್ನು ಮಾಡುತ್ತಾರೆ.
ಈ ವರ್ಷ ನೇಪಾಳದ ಪ್ರವಾಸೋದ್ಯಮ ಇಲಾಖೆಯು 316 ವ್ಯಕ್ತಿಗಳಿಗೆ ಶಿಖರವನ್ನು ಏರಲು ಪರವಾನಗಿಯನ್ನು ನೀಡಿದೆ. ಮೇ 13, 1994 ರಂದು ರೀಟಾ ಮೊದಲ ಬಾರಿಗೆ ಮೌಂಟ್ ಎವರೆಸ್ಟ್ ಅನ್ನು ಏರಿದರು.
ಮೌಂಟ್ ಎವರೆಸ್ಟ್ ಜೊತೆಗೆ, ರೀಟಾ ಮೌಂಟ್ ಗಾಡ್ವಿನ್-ಆಸ್ಟೆನ್ (ಕೆ 2), ಮೌಂಟ್ ಲೋಟ್ಸೆ, ಮೌಂಟ್ ಮನಸ್ಲು ಮತ್ತು ಮೌಂಟ್ ಚೋ ಓಯು ಅನ್ನು ಸಹ ಏರಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ