ಸೊಸೆ ತಮ್ಮ ವಿರುದ್ಧ ದೂರು ದಾಖಲಿಸಿದ ಮೂರು ದಿನಗಳ ನಂತರ ಗುಂಡು ಹಾರಿಸಿ ಆತ್ಮಹತ್ಯೆ ಮಾಡಿಕೊಂಡ ಮಾಜಿ ಸಚಿವ

ನವದೆಹಲಿ: ಉತ್ತರಾಖಂಡದ ರಾಜಕಾರಣಿ ರಾಜೇಂದ್ರ ಬಹುಗುಣ ಅವರು ತಮ್ಮ ಮೊಮ್ಮಗಳಿಗೆ ಕಿರುಕುಳ ನೀಡಿದ್ದಾರೆ ಎಂದು ಆರೋಪಿಸಿ ಅವರ ಸೊಸೆ ಮೊಕದ್ದಮೆ ದಾಖಲಿಸಿದ ಮೂರು ದಿನಗಳ ನಂತರ, ಬುಧವಾರದಂದು ನೀರಿನ ಟ್ಯಾಂಕ್ ಹತ್ತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಬಹುಗುಣ, 59, ವರದಿಯ ಪ್ರಕಾರ ಹಲ್ದ್ವಾನಿಯಲ್ಲಿರುವ ತನ್ನ ಮನೆಯಿಂದ ತುರ್ತು ಸಂಖ್ಯೆ 112ಕ್ಕೆ ಪೋಲಿಸ್‌ಗೆ ಕರೆ ಮಾಡಿ ತನ್ನ ಆತ್ಮಹತ್ಯೆಯ ಯೋಜನೆಯನ್ನು ಅವರಿಗೆ ತಿಳಿಸಿದ್ದಾರೆ. ಪೊಲೀಸರು ಬಂದ ನಂತರ, ಭಯಭೀತರಾದ ನೆರೆಹೊರೆಯವರ ಮುಂದೆಯೇ ಅವರು ಗುಂಡುಹಾರಿಸಿ ಆತ್ಮಹತ್ಯೆ ಮಾಡಿಕೊಂಡರು.

ಅವರು ತಮ್ಮ ಸೊಸೆ ತಮ್ಮ ಮೇಲೆ ಮಾಡಿದ್ದ ಆರೋಪದ ಬಗ್ಗೆ ತುಂಬಾ ಅಸಮಾಧಾನಗೊಂಡಿದ್ದರು” ಎಂದು ಹಿರಿಯ ಪೊಲೀಸ್ ಅಧಿಕಾರಿ ಪಂಕಜ್ ಭಟ್ ತಿಳಿಸಿದ್ದಾರೆ. ಪೋಲೀಸರು ಬಂದಾಗ, ಬಹುಗುಣ ಅವರು ಟ್ಯಾಂಕ್ ಮೇಲೆ ನಿಂತಿರುವುದನ್ನು ನೋಡಿದರು, ಸ್ವತಃ ಗುಂಡು ಹಾರಿಸುವುದಾಗಿ ಬೆದರಿಕೆ ಹಾಕಿದರು.ಪೋಲೀಸರು ಧ್ವನಿವರ್ಧಕವನ್ನು ಬಳಸಿ ಆವರನ್ನು ಮಾತನಾಡಿಸಲು ಪ್ರಯತ್ನಿಸಿದರು ಆದರೆ ಅವರು ತನ್ನ ಮೇಲೆ ಸುಳ್ಳು ಆರೋಪ ಹೊರಿಸಲಾಯಿತು ಎಂದು ಹೇಳುತ್ತಲೇ ಇದ್ದರು. ಒಂದು ಹಂತದಲ್ಲಿ, ಅವರು ಕೆಳಗೆ ಬರಲು ಸಿದ್ಧರಾಗಿದ್ದಂತೆ ಕಂಡುಬಂತು, ಆದರೆ ಇದ್ದಕ್ಕಿದ್ದಂತೆ ಎದೆಗೆ ಗುಂಡು ಹಾರಿಸಿಕೊಂಡು ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ.

ಪ್ರಮುಖ ಸುದ್ದಿ :-   ರೈಲು ನಿಲ್ದಾಣದಲ್ಲಿ ವ್ಯಕ್ತಿಯ ಸಾವಿನ ರಹಸ್ಯ ಭೇದಿಸಿದ ರೈಲು ಪ್ರಯಾಣಿಕನ ಮೊಬೈಲ್‌ ಸೆಲ್ಫಿ...!

ಬಹುಗುಣ ಅವರ ಸೊಸೆಯ ದೂರಿನ ಮೇರೆಗೆ ಲೈಂಗಿಕ ಅಪರಾಧಗಳಿಂದ ಮಕ್ಕಳ ಕಟ್ಟುನಿಟ್ಟಿನ ರಕ್ಷಣೆ (ಪೋಕ್ಸೊ) ಕಾಯ್ದೆಯಡಿಯಲ್ಲಿ ಅವರ ಮೇಲೆ ಆರೋಪ ಹೊರಿಸಲಾಗಿತ್ತು. ಸೊಸೆ, ಆಕೆಯ ತಂದೆ ಮತ್ತು  ನೆರೆಯಾತ ಇವರ ಮೇಲೆ ಹಲ್ಲೆ ಮಾಡಿದ ಆರೋಪ ಹೊರಿಸಿದ್ದು ಅವರನ್ನು ಆತ್ಮಹತ್ಯೆಗೆ ದೂಡಿತು ಎಂದು ಅವರ ಮಗ ಅಜಯ್ ಬಹುಗುಣ ದೂರಿನಲ್ಲಿ ತಿಳಿಸಿದ್ದಾರೆ.
ಕಾಂಗ್ರೆಸ್‌ನೊಂದಿಗೆ ಸಂಬಂಧ ಹೊಂದಿದ್ದ ಬಹುಗುಣ ಅವರಿಗೆ 2004-05ರಲ್ಲಿ ಎನ್‌ಡಿ ತಿವಾರಿ ಸರ್ಕಾರದಲ್ಲಿ ಸಚಿವರಾಗಿದ್ದರು.

0 / 5. 0

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement