ನವದೆಹಲಿ : ಇನ್ಮುಂದೆ 17 ವರ್ಷ ಮೇಲ್ಪಟ್ಟವರು ತಮಗೆ 18 ವರ್ಷ ವಯಸ್ಸು ಆಗುವ ಮೊದಲೇ ತಮ್ಮ ಮತದಾರರ ಗುರುತಿನ ಚೀಟಿಗೆ ಅರ್ಜಿ ಸಲ್ಲಿಸಬಹುದು ಎಂದು ಭಾರತೀಯ ಚುನಾವಣಾ ಆಯೋಗ (ಇಸಿಐ) ಗುರುವಾರ ಪ್ರಕಟಿಸಿದೆ.
ಆಯೋಗವು ಇಂದು, ಗುರುವಾರ ಹೊಸ ಮಾದರಿಯನ್ನು ಅನಾವರಣಗೊಳಿಸಿದ್ದು, ದೇಶದ ಯುವಕರು ಮತದಾರರ ಪಟ್ಟಿಗೆ ಸೇರಲು ಒಂದು ವರ್ಷದಲ್ಲಿ ನಾಲ್ಕು ಸಲ ಅವಕಾಶಗಳನ್ನು ಪಡೆಯುತ್ತಾರೆ ಎಂದು ಹೇಳಿದೆ.
17 ವರ್ಷ ಮೇಲ್ಪಟ್ಟ ನಾಗರಿಕರಿಗೆ ಮತದಾರರ ಪಟ್ಟಿಯಲ್ಲಿ ಹೆಸರು ನೋಂದಾಯಿಸಲು ವರ್ಷದಲ್ಲಿ ನಾಲ್ಕು ಅವಕಾಶಗಳನ್ನು ನೀಡುವ ಮೂಲಕ ಯುವಕರು ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಚುನಾವಣಾ ಆಯೋಗವು ವಿಧಾನವನ್ನು ಸುಲಭಗೊಳಿಸುತ್ತಿದೆ.
ವರದಿಯ ಪ್ರಕಾರ, 17 ವರ್ಷಕ್ಕಿಂತ ಮೇಲ್ಪಟ್ಟವರು ( ಇನ್ನೂ 18 ಆಗದ) ಈಗ ಮುಂಚಿತವಾಗಿ ಅರ್ಜಿ ಸಲ್ಲಿಸಬಹುದು ಮತ್ತು ಇನ್ನು ಮುಂದೆ ಜನವರಿ 1 ರಂದು 18 ವರ್ಷವನ್ನು ತಲುಪುವ ಪೂರ್ವ-ಅವಶ್ಯಕ ಮಾನದಂಡಕ್ಕಾಗಿ ಅವರು ಕಾಯಬೇಕಾಗಿಲ್ಲ ಎಂದು ಆಯೋಗ ಹೇಳಿದೆ.
ಮುಖ್ಯ ಚುನಾವಣಾ ಆಯುಕ್ತ ರಾಜೀವಕುಮಾರ್ ಮತ್ತು ಚುನಾವಣಾ ಆಯುಕ್ತ ಅನುಪ್ ಚಂದ್ರ ಪಾಂಡೆ, ಎಲ್ಲಾ ರಾಜ್ಯಗಳ ಸಿಇಒಗಳು/ ಇಆರ್‌ಒಗಳು/ ಎಇಆರ್‌ಒಗಳು ತಾಂತ್ರಿಕ-ಸಶಕ್ತ ಪರಿಹಾರಗಳನ್ನು ರೂಪಿಸಲು ಸೂಚಿಸಿದ್ದಾರೆ, ಇದರಿಂದಾಗಿ ಯುವಕರು ಜನವರಿ 1 ರ ಜೊತೆಗೆ ಏಪ್ರಿಲ್ 1, ಜುಲೈ 1 ಹಾಗೂ ಅಕ್ಟೋಬರ್ 1ರ ಮೂರು ಹೆಚ್ಚುವರಿ ಅರ್ಹತಾ ದಿನಾಂಕಗಳಿಗೆ ಮುಂಗಡವಾಗಿ ಮತದಾರರ ಗುರುತಿನ ಕಾರ್ಡಿಗೆ ಅರ್ಜಿಗಳನ್ನು ಸಲ್ಲಿಸಬಹುದಾಗಿದೆ.
ಮತದಾರರ ಪಟ್ಟಿಯನ್ನು ಪ್ರತಿ ತ್ರೈಮಾಸಿಕದಲ್ಲಿ ನವೀಕರಿಸಲಾಗುತ್ತದೆ ಮತ್ತು ಅರ್ಹ ಯುವಕರು ಅವರು 18 ವರ್ಷಗಳ ಅರ್ಹತಾ ವಯಸ್ಸನ್ನು ತಲುಪಿದ ವರ್ಷದ ಮುಂದಿನ ತ್ರೈಮಾಸಿಕದಲ್ಲಿ ನೋಂದಾಯಿಸಿಕೊಳ್ಳಬಹುದು. ಅವರು ನೋಂದಾಯಿಸಿದ ನಂತರ, ಅವರಿಗೆ ಚುನಾವಣಾ ಫೋಟೋ ಗುರುತಿನ ಚೀಟಿ (ಇಪಿಐಸಿ) ನೀಡುತ್ತದೆ ಎಂದು ಆಯೋಗ ಹೇಳಿದೆ.
2023 ರ ಪ್ರಸ್ತುತ ಸುತ್ತಿನ ಮತದಾರರ ಪಟ್ಟಿಯ ವಾರ್ಷಿಕ ಪರಿಷ್ಕರಣೆಗಾಗಿ, 2023 ರ ಜನವರಿ 1, ಏಪ್ರಿಲ್ 1, ಜುಲೈ 1 ಮತ್ತು ಅಕ್ಟೋಬರ್ 1 ರೊಳಗೆ ಮತದಾರರ ಪಟ್ಟಿಯನ್ನು ಈಗ ಪ್ರತಿ ಮೂರು ತಿಂಗಳಿಗೊಮ್ಮೆ ನವೀಕರಿಸಲಾಗುತ್ತದೆ ಮತ್ತು ಇದರಲ್ಲಿ ಅವರು 18 ವರ್ಷ ತುಂಬುವವರಿದ್ದರೆ ಅರ್ಹರು ಅರ್ಹತಾ ತ್ರೈಮಾಸಿಕದಲ್ಲಿ ನೋಂದಾಯಿಸಿಕೊಳ್ಳಬಹುದಾಗಿದೆ.
ಅರ್ಜಿದಾರರು ಪ್ರಾಥಮಿಕ ಕಾರ್ಯವಿಧಾನಗಳನ್ನು ಅನುಸರಿಸಿ ಚುನಾವಣಾ ಫೋಟೋ ಗುರುತಿನ ಚೀಟಿಯನ್ನು (EPIC) ಸ್ವೀಕರಿಸುತ್ತಾರೆ.
ಆಯೋಗವು ನೋಂದಣಿ ನಮೂನೆಗಳನ್ನು ಹೆಚ್ಚು ಬಳಕೆದಾರ ಸ್ನೇಹಿ ಮತ್ತು ಸರಳಗೊಳಿಸಿದೆ.
ಮತದಾರರ ಪಟ್ಟಿ 2023 ರ ಪ್ರಸ್ತುತ ಸುತ್ತಿನ ವಾರ್ಷಿಕ ಪರಿಷ್ಕರಣೆಗಾಗಿ ಮತದಾರರ ಕಾರ್ಡ್‌ಗಾಗಿ ಹೊಸ ನೋಂದಣಿ ವಿಧಾನವು ತೆರೆಯುತ್ತದೆ. ಆದಾಗ್ಯೂ, ಮುಂಗಡ ಅರ್ಜಿಗಾಗಿ ಹೊಸ ನಮೂನೆಗಳು ಆಗಸ್ಟ್ 1 ರಿಂದ ಮಾತ್ರ ಲಭ್ಯವಿರುತ್ತವೆ. RP ಕಾಯಿದೆಯ ತಿದ್ದುಪಡಿಗೆ ಕಾರಣವಾದ ಕಾನೂನು ಮತ್ತು ನ್ಯಾಯ ಸಚಿವಾಲಯಕ್ಕೆ ಚುನಾವಣಾ ಆಯೋಗದ ಶಿಫಾರಸುಗಳ ನಂತರ ಇದು ಬರುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ