ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲಿ ಶರತ್ ಕಮಲ್ ಅಚಂತಾ, ಸತ್ಯನ್ ಜ್ಞಾನಶೇಖರನ್ ಮತ್ತು ಹರ್ಮೀತ್ ದೇಸಾಯಿ ಅವರನ್ನು ಒಳಗೊಂಡ ಭಾರತದ ಪುರುಷರ ಟೇಬಲ್ ಟೆನಿಸ್ ತಂಡವು ಬುಧವಾರ ಬರ್ಮಿಂಗ್‌ಹ್ಯಾಮ್‌ನಲ್ಲಿ ಸಿಂಗಾಪುರ ವಿರುದ್ಧ 3-1 ಗೋಲುಗಳಿಂದ ಪ್ರಾಬಲ್ಯ ಸಾಧಿಸುವ ಮೂಲಕ ಭಾರತಕ್ಕೆ ಸತತ ಎರಡನೇ ಚಿನ್ನದ ಪದಕವನ್ನು ತನ್ನದಾಗಿಸಿಕೊಂಡಿತು.
ನಿರೀಕ್ಷೆಯಂತೆ ಜ್ಞಾನಶೇಖರನ್ ಅವರ ಎರಡೂ ಗೇಮ್‌ಗಳಲ್ಲಿ ಯೂ ಎನ್ ಕೋಯೆನ್ ಪಾಂಗ್ ವಿರುದ್ಧ ಸಿಂಗಲ್ಸ್ 3-1 ಮತ್ತು ದೇಸಾಯಿ ಜೊತೆಗಿನ ಡಬಲ್ಸ್‌ನಲ್ಲಿ ಕೋಯೆನ್ ಪಾಂಗ್ ಮತ್ತು ಯೋಂಗ್ ಇಜಾಕ್ ಕ್ವೆಕ್ ಅವರನ್ನು 3-0 ಅಂತರದಿಂದ ಸೋಲಿಸಿದರು. ಶರತ್ 1-3 ರಿಂದ ಝೆ ಯು ಕ್ಲಾರೆನ್ಸ್ ಚೆವ್ ವಿರುದ್ಧ ಸೋಲನುಭವಿಸಿದರು. ಹರ್ಮೀತ್ ದೇಸಾಯಿ ಅವರು ಕ್ಲಾರೆನ್ಸ್ ಚೆವ್ ವಿರುದ್ಧ 3-0 ಗೆಲುವಿನೊಂದಿಗೆ ಭಾರತಕ್ಕೆ ಬಂಗಾರವನ್ನು ಖಾತ್ರಿ ಪಡಿಸಿದರು.
ಅನುಭವಿ ಆಟಗಾರ ಶರತ್ ಅವರು 7-11, 14-12, 3-11, 9-11 ರಲ್ಲಿ ಝೆ ಯು ಕ್ಲಾರೆನ್ಸ್ ಚೆವ್ ವಿರುದ್ಧ ಸೋಲು ಅನುಭವಿಸುವ ಮೂಲಕ ನಿರಾಶಾದಾಯಕ ಆಟವಾಡಿದರು. ಆದಾಗ್ಯೂ, ಸತ್ಯನ್ ಅವರು ಯೂ ಎನ್ ಕೋಯೆನ್ ಪಾಂಗ್ ಅವರನ್ನು 12-10, 7-11, 11-7, 11-4 ಸೆಟ್‌ಗಳಿಂದ ಸೋಲಿಸಿ ತಮ್ಮ ಆಟದಲ್ಲಿ ಅಗ್ರಸ್ಥಾನದಲ್ಲಿದ್ದರು. ಅವರು ಎರಡನೇ ಗೇಮ್‌ನಲ್ಲಿ ಸ್ವಲ್ಪ ಹಿಂಜರಿದಂತೆ ಕಂಡರು. ಆದರೆ ಕೊನೆಯ ಎರಡು ಪಂದ್ಯಗಳಲ್ಲಿ ಅವರ ಎದುರಾಳಿಯನ್ನು ಸಂಪೂರ್ಣವಾಗಿ ಮೀರಿಸುವ ಶೈಲಿಯಲ್ಲಿ ಪುಟಿದೆದ್ದರು.
ನಾಲ್ಕನೇ ಪಂದ್ಯದಲ್ಲಿ ಝೆ ಯು ಕ್ಲಾರೆನ್ಸ್ ಮೇಲೆ ಪ್ರಾಬಲ್ಯ ಸಾಧಿಸಿದ ಹರ್ಮೀತ್ ಭಾರತಕ್ಕೆ ಸಿಂಗಾಪುರವನ್ನು 3-1 ಸೆಟ್‌ಗಳಿಂದ ಸೋಲಿಸುವುದುನ್ನು ಖಾತ್ರಿ ಪಡಿಸಿದರು. ಅವರು 11-8, 11-5, 11-6 ಗೆಲುವಿನಲ್ಲಿ ತಮ್ಮ ಎದುರಾಳಿಗೆ ಯಾವುದೇ ಅವಕಾಶವನ್ನು ನೀಡಲಿಲ್ಲ.
ನಿಮ್ಮ ಕಾಮೆಂಟ್ ಬರೆಯಿರಿ