ಚೆನ್ನೈ: ಮಾಜಿ ಮುಖ್ಯಮಂತ್ರಿ ಜೆ.ಜಯಲಲಿತಾ ಅವರ ಸಾವಿನ ಕುರಿತು ತನಿಖೆ ನಡೆಸಿದ ನಿವೃತ್ತ ನ್ಯಾಯಮೂರ್ತಿ ಆರ್ಮುಗಂ ಸ್ವಾಮಿ ಅವರ ಆಯೋಗವು ಘಟನೆಗೆ ಸಂಬಂಧಿಸಿದಂತೆ ವಿಕೆ ಶಶಿಕಲಾ ಮತ್ತು ಇತರರ ವಿರುದ್ಧ ಸರ್ಕಾರ ತನಿಖೆ ನಡೆಸಬೇಕು ಇತರರ ವಿರುದ್ಧ ತನಿಖೆ ನಡೆಸುವಂತೆ ಶಿಫಾರಸು ಮಾಡಿದೆ.
ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜೆ ಜಯಲಲಿತಾ ಡಿಸೆಂಬರ್ 2016 ರಲ್ಲಿ ನಿಧನರಾಗುವ ಮೊದಲು ಅವರಿಗೆ ನೀಡಿದ ಚಿಕಿತ್ಸೆಯಲ್ಲಿ ಯಾವುದೇ ದೋಷಗಳಿಲ್ಲ ಎಂದು ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆ (ಎಐಐಎಂಎಸ್) ಸ್ಪಷ್ಟಪಡಿಸಿದ ಕೆಲವೇ ದಿನಗಳಲ್ಲಿ, ಏಕವ್ಯಕ್ತಿ (ನಿವೃತ್ತ) ನ್ಯಾಯಮೂರ್ತಿ ಆರ್ಮುಗಂಸ್ವಾಮಿ ಆಯೋಗ ಈ ಶಿಫಾರಸು ಮಾಡಿದೆ. ಆಯೋಗವು ಆಗಸ್ಟ್ 27 ರಂದು ಮುಖ್ಯಮಂತ್ರಿ ಎಂಕೆ ಸ್ಟಾಲಿನ್ ಅವರಿಗೆ ವರದಿಯನ್ನು ಸಲ್ಲಿಸಿತು.
ಡಿಎಂಕೆ ನೇತೃತ್ವದ ಸರ್ಕಾರವು ಶಶಿಕಲಾ (ಜಯಲಲಿತಾ ಆಪ್ತೆ), ಮಾಜಿ ಮುಖ್ಯ ಕಾರ್ಯದರ್ಶಿ ರಾಮಮೋಹನ ರಾವ್, ಮಾಜಿ ಆರೋಗ್ಯ ಸಚಿವ ಸಿ ವಿಜಯಭಾಸ್ಕರ್ ಮತ್ತು ಇತರ ಕೆಲವರನ್ನು ತನಿಖೆ ಮಾಡಬೇಕು ಎಂದು ವರದಿ ಶಿಫಾರಸು ಮಾಡಿದೆ.
ತಮಿಳುನಾಡು ಸಚಿವ ಸಂಪುಟ ಸೋಮವಾರ ಸಂಜೆ 600 ಪುಟಗಳ ವರದಿ ಬಗ್ಗೆ ಚರ್ಚಿಸಿತು ಮತ್ತು ಶಿಫಾರಸುಗಳಿಗೆ ಸಂಬಂಧಿಸಿದಂತೆ ಕಾನೂನು ತಜ್ಞರನ್ನು ಸಂಪರ್ಕಿಸಲು ನಿರ್ಧರಿಸಿದೆ.
ಜಯಲಲಿತಾ ಅವರನ್ನು ಸೆಪ್ಟೆಂಬರ್ 22, 2016 ರಂದು ಚೆನ್ನೈನ ಅಪೋಲೋ ಆಸ್ಪತ್ರೆಗೆ ದಾಖಲಿಸಲಾಯಿತು ಮತ್ತು ಅದೇ ವರ್ಷ ಡಿಸೆಂಬರ್ 5 ರಂದು ಅವರು ನಿಧನರಾಗುವವರೆಗೆ 75 ದಿನಗಳ ಕಾಲ ಅಲ್ಲಿ ಚಿಕಿತ್ಸೆ ಪಡೆದರು.
ಆದಾಗ್ಯೂ, ಏಮ್ಸ್ (AIIMS)ನ ಮೂರು-ಪುಟಗಳ ವರದಿಯು ಸಮಿತಿಯು ಕಂಡುಹಿಡಿದ ಘಟನೆಗಳ ಅನುಕ್ರಮವನ್ನು ಆಳವಾಗಿ ಪರಿಶೀಲಿಸುತ್ತದೆ, ಇದು ಆಕೆಯ ಪ್ರವೇಶದ ಮೊದಲು ಮತ್ತು ಆಕೆಯ ಮರಣದವರೆಗೂ ಅವಳು ಪಡೆದ ಚಿಕಿತ್ಸೆಯನ್ನು ವಿವರಿಸುತ್ತದೆ.
ನವೆಂಬರ್ 30, 2021 ರಂದು ಸುಪ್ರೀಂ ಕೋರ್ಟ್, ಅರ್ಮುಘಸ್ವಾಮಿ ಆಯೋಗಕ್ಕೆ ಸಹಾಯ ಮಾಡಲು ವೈದ್ಯಕೀಯ ಮಂಡಳಿಯನ್ನು ರಚಿಸುವಂತೆ ಏಮ್ಸ್‌ಗೆ ನಿರ್ದೇಶಿಸಲು ಅಪೊಲೊ ಆಸ್ಪತ್ರೆಯ ಮನವಿಗೆ ಸಮ್ಮತಿಸಿತು.
ಜಯಲಲಿತಾ ಆಸ್ಪತ್ರೆಗೆ ದಾಖಲು ಮತ್ತು ನಂತರದ ಸಾವಿನಲ್ಲಿ ನಿಗೂಢತೆಯ ಆರೋಪದ ನಂತರ, 2017 ರಲ್ಲ ಆಗಿನ ಎಐಎಡಿಎಂಕೆ ಸರ್ಕಾರವು ಆಯೋಗವನ್ನು ರಚಿಸಿತು.
2017ರಲ್ಲಿ ರಚನೆಯಾಗಿದ್ದ ಅರ್ಮುಘಸ್ವಾಮಿ ಆಯೋಗದ ಅವಧಿಯನ್ನು ಆಗಸ್ಟ್ 24ರ ವರೆಗೆ ವಿಸ್ತರಣೆ ಮಾಡಲಾಗಿತ್ತು.
ಆಗಸ್ಟ್ 20 ರಂದು, ಏಮ್ಸ್ ವೈದ್ಯಕೀಯ ಮಂಡಳಿಯು ಜಯಲಲಿತಾ ಅವರಿಗೆ ಸರಿಯಾದ ವೈದ್ಯಕೀಯ ಚಿಕಿತ್ಸೆ ನೀಡಲಾಗಿದೆ ಮತ್ತು ಅವರು ಪಡೆದ ವೈದ್ಯಕೀಯ ಆರೈಕೆಯಲ್ಲಿ ಯಾವುದೇ ದೋಷಗಳಿಲ್ಲ ಎಂದು ವರದಿ ನೀಡಿತು.
“
ನಿಮ್ಮ ಕಾಮೆಂಟ್ ಬರೆಯಿರಿ