ಮುಂಬೈ: ಮುಂಬೈನಲ್ಲಿ ರಾಜ್ ಠಾಕ್ರೆ ಅವರ ಮಹಾರಾಷ್ಟ್ರ ನವನಿರ್ಮಾಣ ಸೇನೆ (ಎಂಎನ್ಎಸ್) ಕಾರ್ಯಕರ್ತರೊಬ್ಬರು ಮಹಿಳೆಯೊಬ್ಬರನ್ನು ತಳ್ಳಿ ನಂತರ ಕಪಾಳಮೋಕ್ಷ ಮಾಡುತ್ತಿರುವ ವೀಡಿಯೊ ವೈರಲ್ ಆಗಿದೆ.
ಆಗಸ್ಟ್ 28 ರಂದು ವಿನೋದ್ ಅರ್ಗಿಲೆ ನೇತೃತ್ವದ ಎಂಎನ್ಎಸ್ ಕಾರ್ಯಕರ್ತರು ಪ್ರಚಾರ ಫಲಕಗಳಿಗೆ ಕಂಬವನ್ನು ಅಳವಡಿಸಿದ್ದಕ್ಕೆ ಮಹಿಳೆ ಪ್ರಕಾಶ್ ದೇವಿ ಆಕ್ಷೇಪಿಸಿದ್ದರು.
ವೀಡಿಯೋದಲ್ಲಿ, ಕೆಲವರು ಅರ್ಗೈಲ್ ಅವರನ್ನು ಎಳೆದುಕೊಂಡು ಹೋಗುತ್ತಿದ್ದಾರೆ, ಆದರೆ ಅವರು ಹಲ್ಲೆ ಮಾಡುವುದ, ಬಡಿಯುವುದು, ತಳ್ಳುವುದು,ಮುಂತಾದವುಗಳನ್ನು ಮುಂದುವರೆಸಿರುವುದುನ್ನು 80 ಸೆಕೆಂಡುಗಳ ಕ್ಲಿಪ್ ತೋರಿಸುತ್ತದೆ.
ಪಕ್ಷದ ಕಾರ್ಯಕರ್ತರು ಮುಂಬಾ ದೇವಿ ಪ್ರದೇಶದಲ್ಲಿ ಬಿದಿರಿನ ಕಂಬಗಳನ್ನು ಸ್ಥಾಪಿಸುತ್ತಿದ್ದರು. ಅದು ದೇವಾಲಯಕ್ಕೆ ಹೆಸರುವಾಸಿಯಾಗಿದೆ – ಆದರೆ ಪ್ರಕಾಶ್ ದೇವಿ ಅವರ ಔಷಧಿ ಅಂಗಡಿಯ ಮುಂದೆ ಅದನ್ನು ಹಾಕಬೇಡಿ ಎಂದು ಹೇಳಿದ್ದೆ. ಇದಕ್ಕೆ ತನ್ನ ಮೇಲೆ ದೈಹಿಕವಾಗಿ ಹಲ್ಲೆ ನಡೆಸಿದ್ದಲ್ಲದೆ, ಎಂಎನ್‌ಎಸ್‌ನವರು ತನ್ನ ಮೇಲೆ ದೌರ್ಜನ್ಯ ಎಸಗಿದರು ಎಂದು ಪ್ರಕಾಶ್‌ದೇವಿ ಅವರು ನಂತರ ಹೇಳಿದರು.
ಹಲ್ಲೆ ನಡೆದ ಮೂರು ದಿನಗಳ ನಂತರ ಆಗಸ್ಟ್ 31 ರಂದು ದೂರು ನೀಡಿದ ಬಳಿಕ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮಹಿಳೆಯ ವೈದ್ಯಕೀಯ ಪರೀಕ್ಷೆ ನಡೆಸಲಾಗಿದ್ದು, ಶೀಘ್ರದಲ್ಲೇ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ