ನವದೆಹಲಿ: ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಐಸಿಸಿ (ICC) ಪುರುಷರ T20 ವಿಶ್ವಕಪ್ 2022 ರ ಅರ್ಹತಾ ಸುತ್ತಿನ ಹಂತ ಮುಕ್ತಾಯವಾಗಿದ್ದು, ಅರ್ಹತೆ ಪಡೆದ 4 ತಂಡಗಳು ಸೂಪರ್ 12 ಹಂತದಲ್ಲಿ ಅಗ್ರ 8 ತಂಡಗಳ ಜೊತೆ ಸೇರಿಕೊಂಡಿವೆ.
ಎ ಗುಂಪಿನಿಂದ ಶ್ರೀಲಂಕಾ ಮತ್ತು ನೆದರ್ಲೆಂಡ್ಸ್ ಮತ್ತು ಬಿ ಗುಂಪಿನಿಂದ ಜಿಂಬಾಬ್ವೆ ಮತ್ತು ಐರ್ಲೆಂಡ್ ಸೂಪರ್ 12ಕ್ಕೆ ಅರ್ಹತೆ ಪಡೆದ ನಾಲ್ಕು ತಂಡಗಳಾಗಿವೆ.
ಎರಡು ಬಾರಿಯ ವಿಶ್ವ ಟಿ20 ಚಾಂಪಿಯನ್ ವೆಸ್ಟ್ ಇಂಡೀಸ್ ಕೇವಲ ಒಂದು ಗೆಲುವಿನೊಂದಿಗೆ ಬಿ ಗುಂಪಿನಲ್ಲಿ ಕೊನೆಯದಾಗಿ ಶುಕ್ರವಾರದಂದು ಅರ್ಹತಾ ಸುತ್ತಿನಲ್ಲೇ ನಿರ್ಗಮಿಸಿದೆ. ವೆಸ್ಟ್ ಇಂಡೀಸ್ ಜೊತೆಗೆ ನಮೀಬಿಯಾ, ಯುಎಇ ಮತ್ತು ಸ್ಕಾಟ್ಲೆಂಡ್ ಟಿ20 ವಿಶ್ವಕಪ್‌ನಿಂದ ಹೊರಬಿದ್ದಿವೆ.
ನೆದರ್ಲ್ಯಾಂಡ್ಸ್ ಮತ್ತು ಜಿಂಬಾಬ್ವೆ ಭಾರತದ ಸೂಪರ್ 12ರ ೆರಡನೇ ಗುಂಪಿಲ್ಲಿವೆ.
ಎರಡೂ ಗುಂಪುಗಳ ತಂಡಗಳು ಹೀಗಿವೆ.
ಗುಂಪು 1: ಅಫ್ಘಾನಿಸ್ತಾನ, ಆಸ್ಟ್ರೇಲಿಯಾ, ಇಂಗ್ಲೆಂಡ್, ಐರ್ಲೆಂಡ್, ನ್ಯೂಜಿಲೆಂಡ್, ಶ್ರೀಲಂಕಾ
ಗುಂಪು 2: ಬಾಂಗ್ಲಾದೇಶ, ಭಾರತ, ನೆದರ್ಲ್ಯಾಂಡ್ಸ್, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಜಿಂಬಾಬ್ವೆ
ನೆದರ್ಲ್ಯಾಂಡ್ಸ್ ಮತ್ತು ಜಿಂಬಾಬ್ವೆ ದೃಢೀಕರಣದೊಂದಿಗೆ, ಸೂಪರ್ 12ರ ಹಂತಕ್ಕಾಗಿ ಭಾರತದ ಪಂದ್ಯದ ವೇಳಾಪಟ್ಟಿ ಈಗ ಪೂರ್ಣಗೊಂಡಿದೆ. ಭಾರತವು ಈಗ ಅಕ್ಟೋಬರ್ 27ರಂದು ನೆದರ್ಲ್ಯಾಂಡ್ಸ್ ಮತ್ತು ನವೆಂಬರ್6 ರಂದು ಜಿಂಬಾಬ್ವೆ ವಿರುದ್ಧದ ಹಂತದಲ್ಲಿ ಆಡಲಿದೆ.
T20 ವಿಶ್ವಕಪ್ ಸೂಪರ್ 12 ಹಂತಕ್ಕಾಗಿ ಭಾರತದ ಪಂದ್ಯಗಳ ವೇಳಾಪಟ್ಟಿ:
ಭಾರತ vs ಪಾಕಿಸ್ತಾನ – ಭಾನುವಾರ, ಅಕ್ಟೋಬರ್ 23
ನೆದರ್ಲ್ಯಾಂಡ್ಸ್ vs ಭಾರತ – ಗುರುವಾರ, ಅಕ್ಟೋಬರ್ 27
ಭಾರತ vs ದಕ್ಷಿಣ ಆಫ್ರಿಕಾ – ಭಾನುವಾರ, ಅಕ್ಟೋಬರ್ 30
ಭಾರತ vs ಬಾಂಗ್ಲಾದೇಶ – ಬುಧವಾರ, ನವೆಂಬರ್ 2
ಜಿಂಬಾಬ್ವೆ vs ಭಾರತ – ಭಾನುವಾರ, ನವೆಂಬರ್ 6
ಮೊದಲ ಸೆಮಿಫೈನಲ್ ಬುಧವಾರ ನವೆಂಬರ್ 9 ರಂದು ಮತ್ತು ಎರಡನೇ ಫೈನಲ್ ನವೆಂಬರ್ 10 ರಂದು ಗುರುವಾರ ನಡೆಯಲಿದೆ. T20 ವಿಶ್ವಕಪ್ 2022 ರ ಫೈನಲ್ ನವೆಂಬರ್ 13 ರ ಭಾನುವಾರದಂದು ನಡೆಯಲಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ