ಟಿ 20 ವಿಶ್ವಕಪ್ 2022 ಫೈನಲ್‌ಗೆ ಹತ್ತಿರವಾಗುತ್ತಿದ್ದಂತೆ, ಯಾವ ತಂಡವು ಟ್ರೋಫಿಯನ್ನು ಮನೆಗೆ ತೆಗೆದುಕೊಂಡು ಹೋಗುತ್ತದೆ ಎಂದು ಅನೇಕರು ಊಹಿಸುತ್ತಿದ್ದಾರೆ. ಇದರ ನಡುವೆ, ಉದ್ಯಮಿ ಆನಂದ್ ಮಹೀಂದ್ರಾ ಕೂಡ ಭವಿಷ್ಯವನ್ನು ನೋಡುವ ಮೋಜಿನ ಆಟಕ್ಕೆ ಸೇರಲು ನಿರ್ಧರಿಸಿದ್ದಾರೆ. ಮಹೀಂದ್ರಾ ಗ್ರೂಪ್‌ನ ಅಧ್ಯಕ್ಷ ಆನಂದ ಮಹಿಂದ್ರಾ ಅವರು ಟ್ವಿಟರ್‌ನಲ್ಲಿ ಸಕ್ರಿಯವಾಗಿರುವ ಮತ್ತು ವಿಶಿಷ್ಟ ಟ್ವೀಟ್‌ಗಳನ್ನು ಹಂಚಿಕೊಳ್ಳುವ ಮೂಲಕ ನೆಟಿಜನ್‌ಗಳಲ್ಲಿ ಚಿರಪರಿಚಿತರಾಗಿದ್ದಾರೆ. ಅವರು ಒಂದು ವಿಶಿಷ್ಟವಾದ ವೀಡಿಯೊ ಹಂಚಿಕೊಳ್ಳುವ ಮೂಲಕ ಮುಂಬರುವ ಗ್ರ್ಯಾಂಡ್ ಮ್ಯಾಚ್‌ನ ಭವಿಷ್ಯವಾಣಿಯ ವಿನೋದಮಯ ಆಟಕ್ಕೆ ಸೇರಿಕೊಂಡರು.
ಭಾನುವಾರ ತನ್ನ ವೈಯಕ್ತಿಕ ಟ್ವಟ್ಟರ್‌ ಹ್ಯಾಂಡಲ್‌ನಲ್ಲಿ ಮಹೀಂದ್ರಾ ಅವರು ನಾಯಿಯೊಂದು ಎತ್ತರದ ಕಂಪೌಂಡ್‌ ಗೋಡೆಯ ಮೇಲೆ ಇಣುಕಿ ನೋಡಲು ಪ್ರಯತ್ನಿಸುತ್ತಿರುವ ಉಲ್ಲಾಸದ ವೀಡಿಯೊವೊಂದನ್ನು ಹಂಚಿಕೊಂಡಿದ್ದಾರೆ ಮತ್ತು ಲಕ್ಷಾಂತರ ಅನುಯಾಯಿಗಳಿಂದ T20 ವಿಶ್ವಕಪ್ ಭವಿಷ್ಯವನ್ನು ಕೇಳಲು ಅದನ್ನು ಬಳಸಿದ್ದಾರೆ.
ಮಹೀಂದ್ರಾ ಅವರು ಈ ವೀಡಿಯೊವನ್ನು ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ, “ಭವಿಷ್ಯವನ್ನು ನೋಡಲು ಮತ್ತು #T20WorldCup2022 ರ ಫೈನಲ್‌ನಲ್ಲಿ ಯಾರು ಇರುತ್ತಾರೆ ಎಂದು ಹೇಳಲು ನಾನು ಈ ನಾಯಿಯನ್ನು ಕೇಳಿದೆ, ಇದು ವರ್ತಮಾನದ ‘ಗೋಡೆ’ಯನ್ನು ನೋಡಲು ಈ ಚತುರ ಮಾರ್ಗವನ್ನು ಕಂಡುಹಿಡಿದಿದೆ. ಅದು ಏನು ನೋಡಿದೆ ಎಂದು ನೀವು ಯೋಚಿಸುತ್ತೀರೆ? ಎಂದು ಬರೆದಿದ್ದಾರೆ.
ದಿನಾಂಕವಿಲ್ಲದ ವೀಡಿಯೊದಲ್ಲಿ ನಾಯಿಯೊಂದು ಎತ್ತರದ ಕಂಪೌಂಡ್‌ ಗೋಡೆ ಮತ್ತು ತೆಂಗಿನ ಮರದ ನಡುವೆ ವಿಚಿತ್ರವಾಗಿ ತನ್ನನ್ನು ತಾನೇ ಸಮತೋಲನಗೊಳಿಸಿಕೊಳ್ಳುವುದನ್ನು ಮತ್ತು ಗೋಡೆಯ ಮೇಲೆ ಇಣುಕಿ ನೋಡುತ್ತಿರುವುದನ್ನು ತೋರಿಸುತ್ತದೆ. ನಾಯಿಯು ಇಣುಕುವುದನ್ನು ಮುಂದುವರಿಸುತ್ತದೆ ಮತ್ತು ಈ ಪ್ರಕ್ರಿಯೆಯಲ್ಲಿ ಗೋಡೆ ಹಾಗೂ ಮರದ ನಡುವೆ ಸಮತೋಲನ ಸಾಧಸಿತ್ತ ಮೇಲಕ್ಕೇರುತ್ತ ಹೋಗುತ್ತದೆ.
ಮಹೀಂದ್ರಾ ಅವರ ಸಣ್ಣ ಟ್ವೀಟ್‌ಗೆ ಪ್ರತಿಕ್ರಿಯೆಯಾಗಿ, “ ಹೆಚ್ಚು ನೋಡಲಾಗಲಿಲ್ಲ ಸರ್… ಆದರೆ ಅದು ಕೇಳಬಹುದಾದಂತೆ, ಪಾಕಿಸ್ತಾನವು ಫೈನಲ್‌ನಲ್ಲಿದೆ ಎಂದು ಅದು ಊಹೆ ಮಾಡುತ್ತಿದೆ… ಸರಿ, ಇದು ಕೇವಲ ಊಹೆಯಾದರೂ… ಗೊತ್ತಿಲ್ಲ. ನನ್ನ ಊಹೆ: ಭಾರತ vs ಪಾಕಿಸ್ತಾನ ಎಂದು ಟ್ವಿಟ್ಟರ್ ಬಳಕೆದಾರರೊಬ್ಬರು ಬರೆದಿದ್ದಾರೆ, ಇದೇ ರೀತಿಯ ಭಾವನೆಯನ್ನು ಪ್ರತಿಧ್ವನಿಸುತ್ತಾ, ಮತ್ತೊಬ್ಬ ವ್ಯಕ್ತಿ, “ಇದು ಇಬ್ಬರು ನೆರೆಹೊರೆಯವರು ಜಗಳವಾಡುವುದನ್ನು ಇಣುಕಿ ನೋಡಿದೆ ಹಾಗೂ ಕೇಳಿದೆ.. ಆದ್ದರಿಂದ ಭಾರತ ವರ್ಸ್‌ ಪಾಕ್ ಫೈನಲ್ ಎಂದು ಮಾರ್ಮಿಕವಾಗಿ ಬರೆದಿದ್ದಾರೆ.
ಸೆಮಿಫೈನಲ್‌ನಲ್ಲಿ ಭಾರತವು ಇಂಗ್ಲೆಂಡ್ ವಿರುದ್ಧ ಆಡಲಿದೆ ಮತ್ತು ಪಾಕಿಸ್ತಾನ ಸೆಮಿಫೈನಲ್‌ನಲ್ಲಿ ನ್ಯೂಜಿಲೆಂಡ್‌ನೊಂದಿಗೆ ಸೆಣಸಲಿದೆ. ಅತ್ಯಂತ ಅನಿರೀಕ್ಷಿತವಾದ ಈ ಟೂರ್ನಿಯಲ್ಲಿ ವಿಜೇತ ತಂಡಗಳು ಅಂತಿಮ ಪಂದ್ಯವನ್ನು ಆಡಲಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ