ಶಿಮ್ಲಾ: ಹಿಮಾಚಲ ಪ್ರದೇಶದ ವಿಧಾನಸಭಾ ಚುನಾವಣೆಗೆಚಂಬಾ ಜಿಲ್ಲೆಯ ಪಾಂಗಿ ಪ್ರದೇಶದ ಭರ್ಮೌರ್ ವಿಧಾನಸಭಾ ಕ್ಷೇತ್ರದ ಚಸಕ್ ಬಟೋರಿ ಮತಗಟ್ಟೆ ಕೇಂದ್ರಕ್ಕೆ ಹೋಗಲು ಚುನಾವಣಾಧಿಕಾರಿಗಳ ತಂಡವು ಆರು ಗಂಟೆಗಳ ಕಾಲ 15 ಕಿಲೋಮೀಟರ್ ಹಿಮದಲ್ಲಿಯೇ ನಡೆದು ಹೋದರು.
ವೈರಲ್ ವಿಡಿಯೋದಲ್ಲಿ, 12,000 ಅಡಿ ಎತ್ತರದಲ್ಲಿರುವ ಚಸಕ್ ಬಟೋರಿ ಮತಗಟ್ಟೆಯಿಂದ ಹಿಂತಿರುಗುವಾಗ ಇವಿಎಂಗಳು ಮತ್ತು ವಿವಿಪ್ಯಾಟ್‌ಗಳನ್ನು ಹೊತ್ತೊಕೊಂಡು ದಟ್ಟವಾದ ಹಿಮದ ಮೂಲಕ ಪೋಲಿಂಗ್ ಅಧಿಕಾರಿಗಳು ನ್ಯಾವಿಗೇಟ್ ಮಾಡುವುದನ್ನು ಕಾಣಬಹುದು. ಮತಗಟ್ಟೆಯಲ್ಲಿ ಒಟ್ಟು 93 ನೋಂದಾಯಿತ ಮತದಾರರು ಇದ್ದಾರೆ. ಈ ಮತದಾನ ಕೇಂದ್ರಕ್ಕೆ ಹೋಗಲು ಪೋಲಿಂಗ್ ಅಧಿಕಾರಿಗಳು ದಟ್ಟವಾದ ಹಿಮದ ಹೊದಿಕೆಯ ಮೂಲಕ ನಡೆದು ಮತಕೇಂದ್ರಗಳನ್ನು ತಲುಪಿದರು.
ಹಿಮಾಚಲ ಪ್ರದೇಶ ವಿಧಾನಸಭಾ ಚುನಾವಣೆಯ ಮತದಾನ ಶನಿವಾರ ಸಂಜೆ 5 ಗಂಟೆಗೆ ಮುಕ್ತಾಯಗೊಂಡಿದ್ದು, ಗುಡ್ಡಗಾಡು ರಾಜ್ಯದಲ್ಲಿ ಸುಮಾರು 66% ರಷ್ಟು ಮತದಾನವಾಗಿದೆ. ಡಿಸೆಂಬರ್ 8 ರಂದು ಮತದಾನದ ಫಲಿತಾಂಶ ಪ್ರಕಟವಾಗಲಿದೆ.
ಅತಿ ಹೆಚ್ಚು ಶೇಕಡ 72.35ರಷ್ಟು ಮತದಾನವಾಗಿದ್ದು, ಸಿರ್ಮೋರ್ ಜಿಲ್ಲೆಯಲ್ಲಿ ಶೇ 68.48 ಮತ್ತು ಉನಾದಲ್ಲಿ ಶೇ 67.67 ಮತ್ತು ಲಹೌಲ್ ಮತ್ತು ಸ್ಪಿತಿಯಲ್ಲಿ ಶೇ 67.5 ರಷ್ಟು ಮತದಾನವಾಗಿದೆ.
ಗುಡ್ಡಗಾಡು ರಾಜ್ಯದ 68 ವಿಧಾನಸಭಾ ಕ್ಷೇತ್ರಗಳ ಪೈಕಿ ಶಿಲ್ಲೈನಲ್ಲಿ ಅತಿ ಹೆಚ್ಚು ಶೇಕಡ 77ರಷ್ಟು ಮತದಾನವಾಗಿದ್ದು, ಸರ್ಕಾಘಾಟ್‌ನಲ್ಲಿ ಅತಿ ಕಡಿಮೆ ಶೇಕಡ 55.40ರಷ್ಟು ಮತದಾನವಾಗಿದೆ ಎಂದು ಚುನಾವಣಾ ಸಮಿತಿ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ