ಮಳೆಗಾಲದಲ್ಲಿ ಹಾವುಗಳು ಮನೆಯೊಳಗೆ, ಜನಬಿಡ ಪ್ರದೇಶಗಳಲ್ಲಿ ಈಗ ಹೆಚ್ಚಾಗಿ ಕಾಣಿಸುತ್ತಿವೆ. ಇಂಥದ್ದೇ ಘಟನೆಯೊಂದರಲ್ಲಿ ಮನೆಯೊಂದರ ಒಳಗೆ ಬಂದ ನಾಗರ ಹಾವು ಫ್ರಿಡ್ಜ್ ಒಳಗೆ ನುಗ್ಗಿ ಅವಿತುಕೊಂಡಿದೆ. ಇದನ್ನು ನೋಡಿದ ಮನೆಮಂದಿ ಬೆಚ್ಚಿಬಿದ್ದಿದ್ದಾರೆ. ಈ ಘಟನೆ ನಡೆದಿರುವುದು ಕರ್ನಾಟಕದ ತುಮಕೂರಿನಲ್ಲಿ ನಡೆದಿದೆ.
ಮನೆಯೊಳಗೆ ಬಂದ ನಾಗರಹಾವು ಫ್ರಿಡ್ಜ್ ಒಳಗೆ ಅವಿತುಕೊಂಡಿದೆ. ಇದು ಗೊತ್ತಾದ ತಕ್ಷಣವೇ ಈ ಬಗ್ಗೆ ಮನೆಯವರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ.
ಅವರು ಉರಗ ತಜ್ಞನ ಜೊತೆಗೆ ಆಗಮಿಸಿದ್ದಾರೆ. ಸ್ಥಳಕ್ಕೆ ಬಂದ ಉರಗ ತಜ್ಞ, ಫ್ರಿಡ್ಜ್ ಒಳಗಿದ್ದ ಹಾವನ್ನು ಹೊರತೆಗೆದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟಿದ್ದಾರೆ. ಹಾವು ಸೆರೆ ಹಿಡಿದ ನಂತರ ಮನೆಯವರು ನಿಟ್ಟಿಸಿರು ಬಿಟ್ಟಿದ್ದಾರೆ.ಹಾವು ಹಿಡಿಯುವವನು ರೆಫ್ರಿಜಿರೇಟರ್‌ನ ಹಿಂಭಾಗವನ್ನು ತೆರೆದು ಉದ್ದನೆಯ ರಾಡ್‌ನಿಂದ ನಾಗರ ಹಾವನ್ನು ಹೊರ ತೆಗೆಯಲು ಪ್ರಯತ್ನಿಸುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ. ಹಾವು ವೃತ್ತಾಕಾರದಲ್ಲಿ ಫ್ರಿಡ್ಜ್‌ನ ಹಿಂಭಾಗದಲ್ಲಿ ಸುರುಳು ಸುತ್ತಿಕೊಂಡಿತ್ತು. ನಂತರ ನಿಧಾನವಾಗಿ ಹೊರತೆಗೆಯಲಾಯಿತು.
ಹಾವುಗಳು ರಾತ್ರಿಯಲ್ಲಿ ಚಳಿಗಾಲದಲ್ಲಿ ಬೆಚ್ಚಗಿನ ಪ್ರದೇಶಗಳನ್ನು ಹುಡುಕುತ್ತವೆ ಎಂದು ತಿಳಿದುಬಂದಿದೆ. ಆದರೆ ನಾಗರಹಾವು ಇಲ್ಲಿ ಫ್ರಿಡ್ಜ್ ಸೇರಿಕೊಂಡಿದೆ. ಬಹಶಃ ತಾನಿದ್ದ ಜಾಗ ಬೆಚ್ಚಗಾಗುತ್ತಿದ್ದಂತೆ ರೆಫ್ರಿಜರೇಟರ್‌ನ ಕಂಪ್ರೆಸರ್ ಸುತ್ತಲೂ ಸುತ್ತಿಕೊಂಡಿರಬಹುದು ಎಂದು ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ